ହ୍ୟାକ୍ ହେଲା ଉତ୍ତରପ୍ରଦେଶ ବିଧାନସଭା ୱେବସାଇଟ୍, ଏଫ୍ଆଇଆର୍ ରୁଜୁ କରି ତଦନ୍ତ କରୁଛି ପୋଲିସ୍

ଉତ୍ତରପ୍ରଦେଶ ବିଧାନସଭାର ୱେବସାଇଟ ହ୍ୟାକ୍ ହୋଇଥିବା ମାମଲା ସାମ୍ନାକୁ ଆସିଛି । ୱେବସାଇଟ୍ ହ୍ୟାକ୍ ହେବାର ସୂଚନା ପାଇବା ମାତ୍ରେ ଉତ୍ତରପ୍ରଦେଶ ଡେସ୍କୋ ସାଇବର ପୋଲିସ୍ ଷ୍ଟେସନରେ ଏଫ୍ଆଇଆର୍ ଦାଖଲ କରିଛି ।

ଲକ୍ଷ୍ନୌ : ଉତ୍ତରପ୍ରଦେଶ ବିଧାନସଭାର ୱେବସାଇଟ ହ୍ୟାକ୍ ହୋଇଥିବା ମାମଲା ସାମ୍ନାକୁ ଆସିଛି । ୱେବସାଇଟ୍ ହ୍ୟାକ୍ ହେବାର ସୂଚନା ପାଇବା ମାତ୍ରେ ଉତ୍ତରପ୍ରଦେଶ ଡେସ୍କୋ ସାଇବର ପୋଲିସ୍ ଷ୍ଟେସନରେ ଏଫ୍ଆଇଆର୍ ଦାଖଲ କରିଛି ।

ଗଣମାଧ୍ୟମର ରିପୋର୍ଟ ଅନୁଯାୟୀ, ହ୍ୟାକରମାନେ ୱେବସାଇଟକୁ ହ୍ୟାକ୍ କରି ଆପତ୍ତିଜନକ ପୋଷ୍ଟ ମଧ୍ୟ ଇପଲୋଡ୍ କରିଛନ୍ତି, ଯାହା ପରେ ହ୍ୟାକ୍ ହେବା ନେଇ ଜଣାପଡ଼ିଥିଲା । ତେବେ ବିଧାନସଭାର ୱେବସାଇଟରୁ କୌଣସି ତଥ୍ୟ ଚୋରି ହୋଇନାହିଁ ।

ସାଇବର କ୍ରାଇମ ପୋଲିସ ଷ୍ଟେସନ ପ୍ରଭାରୀଙ୍କ ଅନୁସାରେ, ଲକ୍ଷ୍ନୌ ଗ୍ରାମୀଣରେ ସୂଚନା ପ୍ରଯୁକ୍ତିବିଦ୍ୟା (ସଂଶୋଧନ) ଅଧିନିୟମ 2008, 66C ଅନୁଯାୟୀ ଏକ ମାମଲା ପଞ୍ଜିକରଣ କରି ତଦନ୍ତ ଚାଲିଛି । ୟୁପି ଡେସ୍କୋର ସହକାରୀ ପରିଚାଳକ ରାମଶଙ୍କର ସିଂଙ୍କ ଅନୁଯାୟୀ ପୋଲିସକୁ ଅଭିଯୋଗ ଆସିଛି । ମାମଲା ପଞ୍ଜିକୃତ ହୋଇଛି। ଏଥି ସହିତ, ଯେତେବେଳେ ଏଡିଜି ସାଇବର କ୍ରାଇମ ରାମ କୁମାର ଏହି ବିଷୟରେ ଜାଣିଲେ, ସେ ନିଜେ ଗୁରୁତର କାର୍ଯ୍ୟାନୁଷ୍ଠାନ ଗ୍ରହଣ କରିବା ଆରମ୍ଭ କରିଛନ୍ତି । ପ୍ରତ୍ୟେକ ମୁହୂର୍ତ୍ତରେ ଏହି ବିଷୟର ରିପୋର୍ଟ ନେଉଛନ୍ତି । ସେମାନେ ଶୀଘ୍ର ହ୍ୟାକରକୁ ଧରିବେ ବୋଲି ସାଇବର କ୍ରାଇମ ଷ୍ଟେସନ ପୋଲିସ ଦାବି କରିଛି ।

ଏଥି ସହ ଡିଜିପି ମୁକୁଲ ଗୋୟଲ ଗଣମାଧ୍ୟମକୁ ସୂଚନା ଦେବାବେଳେ ବିଧାନସଭାର ୱେବସାଇଟ୍ ହ୍ୟାକ୍ ହୋଇନାହିଁ ବୋଲି କହିଛନ୍ତି । ଚୁକ୍ତିନାମା ଅନୁଯାୟୀ ଏକ ଘରୋଇ କମ୍ପାନୀ ଦ୍ୱାରା ୱେବସାଇଟ୍ ପରିଚାଳିତ । ଏହି ସମୟରେ, ୱେବସାଇଟରେ ଏକ ଔଷଧର ଏକପାଖିଆ ବିଜ୍ଞାପନର ଏକ ପୃଷ୍ଠା ଦେଖା ଦେଇଥିଲା । କେବଳ ଭାରତରେ ନୁହେଁ ନେପାଳ ଏବଂ ୟୁରୋପର ଅନ୍ୟ ଦେଶରେ, ଯେଉଁଠାରେ ଏହି ୱେବସାଇଟ୍ ର କମ୍ପାନୀ କାମ କରେ, ଏହି ବିଜ୍ଞାପନ ସେମାନଙ୍କ ଠାରେ ମଧ୍ୟ ଦେଖାଦେଇଛି । ତେବେ ଏ ବାବଦରେ ଏଫ୍ଆଇଆର୍ ପଞ୍ଜିକୃତ ହୋଇଛି ଏବଂ କମ୍ପାନୀ ସହ କଥା ହେବା ପରେ ତଦନ୍ତ ଚାଲିଛି ।

English summary

Uttar Pradesh Assembly Website Hacked