Cyclone 'Yaas': ଭାରତୀୟ ପାଣିପାଗ ବିଭାଗର ସତର୍କ ସୂଚନା, କେବେ ଏବଂ କେଉଁଠାରେ କରିବ ଲ୍ୟାଣ୍ଡଫଲ

ଭାରତୀୟ ପାଣିପାଗ ବିଭାଗ (ଆଇଏମଡି) କହିଛି ଯେ, ଉତ୍ତର ଆଣ୍ଡାମାନ ସାଗରରେ 22 ମେ ରେ ଏକ ନିମ୍ନ ଚାପ ସୃଷ୍ଟି ହେବାର ସମ୍ଭାବନା ରହିଛି । ଯାହାକି 24 ମେ ରେ ଏକ ସାଇକ୍ଲୋନିକ୍ ଝଡ଼ରେ ପରିଣତ ହେବ ଏବଂ ତା'ପରେ ଏହା ଉତ୍ତର-ପଶ୍ଚିମ ଆଡକୁ ଗତି କରିବ ।

Published: Thursday, May 20, 2021, 19:16 [IST]

ନୂଆଦିଲ୍ଲୀ : ସାଇକ୍ଲୋନନ୍ 'ତାଉତକେ' ପରେ, ଆଉ ଏକ ସାଇକ୍ଲୋନ୍ ଲୋକଙ୍କ ସମସ୍ୟାକୁ ଯୋଡିଛି । ଭାରତୀୟ ପାଣିପାଗ ବିଭାଗ (ଆଇଏମଡି) କହିଛି ଯେ, ଉତ୍ତର ଆଣ୍ଡାମାନ ସାଗରରେ 22 ମେ ରେ ଏକ ନିମ୍ନ ଚାପ ସୃଷ୍ଟି ହେବାର ସମ୍ଭାବନା ରହିଛି । ଯାହାକି 24 ମେ ରେ ଏକ ସାଇକ୍ଲୋନିକ୍ ଝଡ଼ରେ ପରିଣତ ହେବ ଏବଂ ତା'ପରେ ଏହା ଉତ୍ତର-ପଶ୍ଚିମ ଆଡକୁ ଗତି କରିବ । ଏହା ପରେ 26 ମେ ସକାଳେ ଏହା ଓଡିଶା-ପଶ୍ଚିମବଙ୍ଗ ଉପକୂଳରେ ମାଡ଼ ହେବ । ଯାହା ଫଳରେ ଓଡିଶା ସମେତ ଦେଶର ଅନେକ ରାଜ୍ୟରେ ପ୍ରବଳ ବର୍ଷା ହେବାର ସମ୍ଭାବନା ରହିଛି ।

IMDର ସତର୍କ ସୂଚନା

ଏହି ସମୟ ମଧ୍ୟରେ 65 କିଲୋମିଟର ପବନ ପ୍ରବାହିତ ହେବ । ଏହି ଝଡ କେତେ ଶକ୍ତିଶାଳୀ ହେବ ସେ ବିଷୟରେ ପାଣିପାଗ ବିଭାଗ କିଛି କହିନାହିଁ । ଏହି ଝଡର ନାମ ହେଉଛି 'ୟସ୍' । ଏହାର ନାମକରଣ ଓମାନ କରିଛି । ଏହା ପୂର୍ବରୁ ମତ୍ସ୍ୟଜୀବୀଙ୍କ ପାଇଁ ସତର୍କ ସୂଚନା ଜାରି କରାଯାଇଛି । 22 ମେ ଠାରୁ ସେମାନଙ୍କୁ ସମୁଦ୍ର ଯିବାକୁ ବାରଣ କରାଯାଇଛି । 24 ରୁ 26 ମେ ମଧ୍ୟରେ ଓଡିଶା-ବଙ୍ଗଳାରେ ପ୍ରବଳ ପବନ ହେବାର ଆଶଙ୍କା କରାଯାଇଛି ।

ଆସନ୍ତା 24 ଘଣ୍ଟା ମଧ୍ୟରେ ହେବ ପ୍ରବଳ ବର୍ଷା

ଆସନ୍ତା 24 ଘଣ୍ଟା ମଧ୍ୟରେ ପିଲିବିଟ୍, ବରେଲି, ରାମପୁର, ମୋରାଡାବାଦ, ଆମରୋହା, ବିଜନୌର ଏବଂ ସାହାରନପୁରରେ ପ୍ରବଳ ବର୍ଷା ହେବାର ସମ୍ଭାବନା ଥିବାବେଳେ ଲକ୍ଷ୍ନୌ, ରାଏବରେଲି, ପ୍ରତାପଗଡ, ପ୍ରୟାଗରାଜ ଏବଂ ସୁଲତାନପୁର, ବାରାଣାସୀରେ ମଧ୍ୟ ହାଲୁକା ବର୍ଷା ହେବାର ସମ୍ଭାବନା ରହିଛି । ପଶ୍ଚିମ ଉତ୍ତରପ୍ରଦେଶ, ହିମାଚଳ ପ୍ରଦେଶ, ହରିୟାଣା, ଚଣ୍ଡିଗଡ଼, ଉତ୍ତର ପୂର୍ବ ରାଜସ୍ଥାନ ଏବଂ ଉତ୍ତର ମଧ୍ୟପ୍ରଦେଶର ବିଚ୍ଛିନ୍ନ ସ୍ଥାନରେ ପ୍ରବଳ ବର୍ଷା ହୋଇପାରେ । ଉତ୍ତରାଖଣ୍ଡ ଏବଂ ହିମାଚଳ ପ୍ରଦେଶରେ ରେଡ୍ ଆଲର୍ଟ ଜାରି କରାଯାଇଛି ।

କାହିଁକି ଆସୁଛି ସାଇକ୍ଲୋନ୍ ?

ଯଦିଓ ଓଡିଶା-ବେଙ୍ଗଲକୁ ସତର୍କ ରହିବାକୁ ପାଣିପାଗ ବିଭାଗ ସୂଚନା ଦେଇଛି, ଏହାପୂର୍ବରୁ ଆଇଏମଡି କହିଥିଲା ଯେ ଏହି ସମୟରେ ବଙ୍ଗୋପସାଗର ଏବଂ ଆରବ ସାଗରରେ ଘୂର୍ଣ୍ଣିବଳୟ ପାଇଁ ସମସ୍ତ ଅବସ୍ଥା ଅନୁକୂଳ ରହିଛି, ସେଥିପାଇଁ ଘୂର୍ଣ୍ଣିବଳୟ ଆସୁଛି । ବଙ୍ଗୋପସାଗରରେ ସମୁଦ୍ର ପୃଷ୍ଠର ତାପମାତ୍ରା ପ୍ରାୟ 31 ଡିଗ୍ରୀ ସେଲସିୟସ୍ ରହିଛି ଏବଂ ବାରମ୍ବାର ଜଳବାୟୁ ପରିବର୍ତ୍ତନ ଏବଂ ସମୁଦ୍ରର ତାପମାତ୍ରା ବୃଦ୍ଧି ହେତୁ ଏହି ଘୂର୍ଣ୍ଣିବଳୟ ଆସୁଛି ।

Published On May 20, 2021