ବାରବାଙ୍କୀରେ ମର୍ମଦୁନ୍ତ ସଡ଼କ ଦୁର୍ଘଟଣା, ଚାଲିଗଲା 18 ଜଣଙ୍କର ଜୀବନ

ଉତ୍ତରପ୍ରଗଦେଶର ବାରବାଙ୍କୀରେ ଏକ ଭୟଙ୍କର ସଡ଼କ ଦୁର୍ଘଟଣା ହୋଇଛି । ଏଥିରେ 18 ଜଣଙ୍କର ମୃତ୍ୟୁ ହୋଇଥିବା ବେଳେ 19 ଜଣ ଆହତ ହୋଇଛନ୍ତି ।

ଲକ୍ଷ୍ନୌ : ଉତ୍ତରପ୍ରଗଦେଶର ବାରବାଙ୍କୀରେ ଏକ ଭୟଙ୍କର ସଡ଼କ ଦୁର୍ଘଟଣା ହୋଇଛି । ଏଥିରେ 18 ଜଣଙ୍କର ମୃତ୍ୟୁ ହୋଇଥିବା ବେଳେ 19 ଜଣ ଆହତ ହୋଇଛନ୍ତି ।

ରାମସେନିଘାଟ ପୋଲିସ ଷ୍ଟେସନ ଅନ୍ତର୍ଗତ ଲକ୍ଷ୍ନୌ - ଅଯୋଧ୍ୟା ଜାତୀୟ ରାଜପଥରେ ଅଟକି ରହିଥିବା ଏକ ବସ୍ କୁ ଏକ ଦ୍ରୁତ ଗତିରେ ଆସୁଥିବା ଟ୍ରକ୍ ଧକ୍କା ଦେଇଥିଲା । ସମସ୍ତ ଆହତଙ୍କୁ ଲକ୍ଷ୍ନୌ ଟ୍ରମା କେନ୍ଦ୍ରକୁ ରେଫର କରାଯାଇଛି, ସେମାନଙ୍କ ମଧ୍ୟରୁ ଅନେକଙ୍କ ଅବସ୍ଥା ଗୁରୁତର ଥିବା କୁହାଯାଉଛି । ମଙ୍ଗଳବାର ରାତି ପ୍ରାୟ 1.30 ସମୟରେ ଏହି ଦୁର୍ଘଟଣା ଘଟିଛି । କୁହାଯାଉଛି ଯେ ବସ୍ ହରିୟାଣା ଠାରୁ ବିହାର ଯାଉଥିଲା ।

ଏହି ଦୁର୍ଘଟଣା ସମ୍ପର୍କରେ ସୂଚନା ଦେଇ ଏଡିଜି ଲକ୍ଷ୍ନୌ ଜୋନ୍, ଏସ୍.ଏନ୍ ସାବତ କହିଛନ୍ତି ଯେ ବସରେ ଥିବା ଅଧିକାଂଶ ଶ୍ରମିକ ପଞ୍ଜାବ ଏବଂ ହରିୟାଣାରେ କାମ କରିବା ପରେ ନିଜ ଘରକୁ ଫେରୁଥିଲେ । ରାତିରେ ବସ୍‌ରେ ହଠାତ୍ କୌଣସି ଯାନ୍ତ୍ରିକ ତ୍ରୁଟି ଦେଖାଦେଇଥିଲା, ଏହା ପରେ ବସ୍ ଲକ୍ଷ୍ନୌ - ଅଯୋଧ୍ୟା ଜାତୀୟ ରାଜପଥ ପାର୍ଶ୍ୱରେ ଅଟକି ରହିଥିଲା । ଏହି ସମୟରେ କିଛି ଲୋକ ବସରୁ ଓହ୍ଲାଇ ବସ୍ ନିକଟରେ ଶୋଇଥିବା ସମୟରେ ଦ୍ରୁତ ଗତିରେ ଆସୁଥିବା ଟ୍ରକଟି ପଛ ପଟରୁ ବସ୍ କୁ ଧକ୍କା ଦେଇଥିଲା, ଯେଉଁଥିରେ 18 ଜଣଙ୍କର ମୃତ୍ୟୁ ହୋଇଛି । ଅନେକ ଲୋକ ଏବେ ବି ବସ୍ ତଳେ ଚାପି ହୋଇ ରହିଛନ୍ତି । ଉଦ୍ଧାର କାର୍ଯ୍ୟ ଜାରି ରହିଛି ।

PM @narendramodi announced an ex-gratia of Rs. 2 lakh each from PMNRF for the next of kin of those who lost their lives in the tragic accident in Barabanki. The injured would be given Rs. 50,000 each.

— PMO India (@PMOIndia) July 28, 2021

ଅପରପକ୍ଷରେ ଦୁର୍ଘଟଣାରେ ପ୍ରାଣ ହରାଇଥିବା ବ୍ୟକ୍ତିଙ୍କ ନିକଟ ସମ୍ପର୍କୀୟଙ୍କ ନିମନ୍ତେ 2 ଲକ୍ଷ ଟଙ୍କାର ଅନୁକମ୍ପା ମୂଳକ ସହାୟତା ଘୋଷଣା କରିଛନ୍ତି ପ୍ରଧାନମନ୍ତ୍ରୀ । ଏଥିସହିତ ଆହତଙ୍କ ନିମନ୍ତେ 50 ହଜାର ଟଙ୍କା ଲେଖାଏଁ ଆର୍ଥିକ ସହାୟତା ଘୋଷଣା କରିଛନ୍ତି ।

English summary

Barabanki Bus Accident : 18 people died, several injured