ଜାତିସଂଘରେ ଇମ୍ରାନ ଖାନଙ୍କ ଭାଷଣ ଉପରେ ଭାରତର ଦୃଢ ଜବାବ : 'POK କୁ ତୁରନ୍ତ ଖାଲି କରୁ ପାକିସ୍ତାନ'

ଜାତିସଂଘରେ ପାକିସ୍ତାନର ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଅଭିଭାଷଣରେ ଭାରତର ପ୍ରଥମ ସଚିବ ସ୍ନେହା ଦୁବେ କହିଛନ୍ତି ଯେ ପାକିସ୍ତାନ ସର୍ବଦା ଆତଙ୍କବାଦକୁ ପ୍ରୋତ୍ସାହିତ କରୁଛି ଏବଂ ଜାତିସଂଘର ସଦସ୍ୟମାନେ ଏହା ଜାଣିଛନ୍ତି ।

Published: Saturday, September 25, 2021, 11:50 [IST]

ନ୍ୟୁୟର୍କ : ମିଳିତ ଜାତିସଂଘରେ ଭାରତର ପ୍ରଥମ ସଚିବ ସ୍ନେହା ଦୁବେ ପାକିସ୍ତାନ ବୟାନ ଉପରେ କଡ଼ା ଜବାବ ଦେଇଛନ୍ତି । ଜାତିସଂଘରେ ପାକିସ୍ତାନର ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଅଭିଭାଷଣରେ ଭାରତର ପ୍ରଥମ ସଚିବ ସ୍ନେହା ଦୁବେ କହିଛନ୍ତି ଯେ ପାକିସ୍ତାନ ସର୍ବଦା ଆତଙ୍କବାଦକୁ ପ୍ରୋତ୍ସାହିତ କରୁଛି ଏବଂ ଜାତିସଂଘର ସଦସ୍ୟମାନେ ଏହା ଜାଣିଛନ୍ତି । ପାକିସ୍ତାନକୁ PoK ଖାଲି କରିବାକୁ ସେ ମଧ୍ୟ ଆଲୋଚନା କରିଛନ୍ତି । ଜବାବ ଦେବା ଅଧିକାର ଅଧୀନରେ ଭାରତର ପ୍ରଥମ ସଚିବ ସ୍ନେହା ଦୁବେ ଇମ୍ରାନ ଖାନଙ୍କ ଭାଷଣକୁ ଜବାବ ଦେଇ କହିଛନ୍ତି ଯେ ପାକିସ୍ତାନର ନେତା (ଇମ୍ରାନ ଖାନ) ଦେଇଥିବା ଭାଷଣ ଉପରେ ଉତ୍ତର ଦେବାର ଅଧିକାର ଆମେ ବ୍ୟବହାର କରୁଛୁ । ମୁଁ କହିବାକୁ ଚାହେଁ ଯେ ପାକିସ୍ତାନର ନେତାମାନେ ସର୍ବଦା ମୋ ଦେଶର ଆଭ୍ୟନ୍ତରୀଣ ପ୍ରସଙ୍ଗକୁ ଉଠାଇଥାନ୍ତି ଏବଂ ବିଶ୍ୱସ୍ତରରେ ମିଥ୍ୟା ପ୍ରଚାର କରିଥାନ୍ତି ।

ଭାରତ ବିରୋଧରେ ପାକିସ୍ତାନ ସର୍ବଦା ମିଥ୍ୟା ପ୍ରଚାର ପ୍ରସାର କରେ : ଜାତିସଂଘରେ ଭାରତ

ସ୍ନେହା ଦୁବେ କହିଛନ୍ତି, ''ଏହା ଅତ୍ୟନ୍ତ ଦୁଃଖର ବିଷୟ ଯେ ଏହା ପ୍ରଥମ ଘଟଣା ନୁହେଁ ଯେ ପାକିସ୍ତାନର ନେତା ଜାତିସଂଘର ପ୍ଲାଟଫର୍ମର ଅପବ୍ୟବହାର କରି ମୋ ଦେଶ ବିରୁଦ୍ଧରେ ମିଥ୍ୟା ଏବଂ କୁତ୍ସିତ ପ୍ରଚାର ପ୍ରସାର କରିଛନ୍ତି । ଏହା କରି ପାକିସ୍ତାନ ବିଶ୍ୱର ଦେଶର ଦୃଷ୍ଟି ଆକର୍ଷଣ କରିବାକୁ ଚେଷ୍ଟା କରୁଛି ଯେଉଁଠାରେ ଆତଙ୍କବାଦୀଙ୍କୁ ମାଗଣା ପାସ୍ ଦିଆଯାଉଛି ଏବଂ ସେମାନେ ଏହାକୁ ଉପଭୋଗ କରୁଛନ୍ତି ।''

ଜାତିସଂଘରେ ଭାରତର ପ୍ରଥମ ସଚିବ ସ୍ନେହା ଦୁବେ କହିଛନ୍ତି ଯେ ଜାମ୍ମୁ କାଶ୍ମୀର ଏବଂ ଲଦାଖର ସମଗ୍ର କେନ୍ଦ୍ର ଶାସିତ ଅଞ୍ଚଳ ଭାରତର ଏକ ଅବିଚ୍ଛେଦ୍ୟ ଏବଂ ଅଭିଭାଜ୍ୟ ଅଙ୍ଗ ଅଟେ ଏବଂ ରହିବ । ପାକିସ୍ତାନର ବେଆଇନ ଦଖଲରେ ଥିବା ଅଞ୍ଚଳ ଏହାର ଅନ୍ତର୍ଭୁକ୍ତ । ଏହାର ବେଆଇନ ଦଖଲରେ ଥିବା ସମସ୍ତ ଅଞ୍ଚଳକୁ ତୁରନ୍ତ ଖାଲି କରିବାକୁ ଆମେ ପାକିସ୍ତାନକୁ ଆହ୍ୱାନ କରୁଛୁ । ସ୍ନେହା ଦୁବେ କହିଛନ୍ତି, ଜାତିସଂଘର ସମସ୍ତ ସଦସ୍ୟ ଦେଶ ଜାଣନ୍ତି ଯେ ପାକିସ୍ତାନରେ ଆତଙ୍କବାଦୀଙ୍କୁ ଲୁଚାଇବା, ଆତଙ୍କବାଦୀଙ୍କୁ ଅର୍ଥ ଯୋଗାଇବା ଏବଂ ସେମାନଙ୍କୁ ଅସ୍ତ୍ରଶସ୍ତ୍ର ଯୋଗାଇବାର ଇତିହାସ ରହିଛି ।

ସ୍ନେହା ଆହୁରି କହିଛନ୍ତି ପାକିସ୍ତାନ ଆତଙ୍କବାଦୀଙ୍କ ପାଇଁ ସର୍ବଦା ଆଶ୍ରୟସ୍ଥଳୀ ହୋଇଆସୁଛି ଏବଂ ଆତଙ୍କବାଦକୁ ସକ୍ରିୟ ସମର୍ଥନ କରି ଆତଙ୍କବାଦକୁ ଉତ୍ସାହିତ କରୁଛି । ଏହା ସେମାନଙ୍କର ନୀତି ଏବଂ ଇତିହାସ ଅଟେ । ଆତଙ୍କବାଦୀଙ୍କୁ ଏକ ରାଜ୍ୟ ନୀତି ଭାବରେ ସମର୍ଥନ, ତାଲିମ, ଆର୍ଥିକ ସହାୟତା ଏବଂ ଅସ୍ତ୍ରଶସ୍ତ୍ରକୁ ଖୋଲାଖୋଲି ଭାବେ ସ୍ୱୀକୃତି ଦେଇଛି ଏହି ଦେଶ ।

କଣ କହିଥିଲେ ଇମ୍ରାନ ଖାନ୍ ?

ଶୁକ୍ରବାର (ସେପ୍ଟେମ୍ବର 24) ମିଳିତ ଜାତିସଂଘର ସାଧାରଣ ସଭାକୁ ସମ୍ବୋଧିତ କରିବାବେଳେ ପାକିସ୍ତାନର ପ୍ରଧାନମନ୍ତ୍ରୀ ଇମ୍ରାନ ଖାନ କାଶ୍ମୀର ପ୍ରସଙ୍ଗ ଉଠାଇଥିଲେ । ପାକ୍ ପ୍ରଧାନମନ୍ତ୍ରୀ ଇମ୍ରାନ ଖାନ କହିଛନ୍ତି ଯେ ପାକିସ୍ତାନ ଭାରତ ସହ ଶାନ୍ତି ଚାହୁଁଛି ଏବଂ ଦକ୍ଷିଣ ଏସିଆରେ ସ୍ଥାୟୀ ଶାନ୍ତି ମଧ୍ୟ ଜାମ୍ମୁ କାଶ୍ମୀର ବିବାଦର ସମାଧାନ ଉପରେ ନିର୍ଭର କରେ । ପାକିସ୍ତାନ ସହ ଅର୍ଥପୂର୍ଣ୍ଣ ତଥା ଯୋଗଦାନ ପାଇଁ ଅନୁକୂଳ ପରିବେଶ ସୃଷ୍ଟି କରିବାର ଦାୟିତ୍ୱ ଭାରତ ଉପରେ ରହିଛି ବୋଲି ପାକ୍ ପ୍ରଧାନମନ୍ତ୍ରୀ କହିଛନ୍ତି ।

Published On September 25, 2021