ଶ୍ରୀମନ୍ଦିର ସେବାୟତ ନେଲେ କରୋନା ଟିକା : ଦିନକୁ 100 ରୁ ଅଧିକ ଜଣଙ୍କୁ ଦିଆଯିବ

ଆଜି ଶ୍ରୀମନ୍ଦିର ସେବାୟତମାନଙ୍କୁ କୋଭିଡ ଟିକା ଦିଆଯାଉଛି

ପୁରୀ : ଆଜି ଶ୍ରୀମନ୍ଦିର ସେବାୟତମାନଙ୍କୁ କୋଭିଡ ଟିକା ଦିଆଯାଉଛି। ଲୋକନାଥ ରୋଡର ପ୍ରତିହାରି ନିଯୋଗର ବୈଠକ ଗୃହରେ ଏହି ଟିକା ଦିଆଯାଉଛି । ପ୍ରତି ଦିନ ଶହେ ଜଣଙ୍କୁ ଟିକା ଦିଆଯିବ । 60 ବର୍ଷରୁ ଉର୍ଧ୍ୱ ସେବାୟତଙ୍କ ସମେତ ଯେଉଁମାନଙ୍କର ଡାଏବେଟିସ୍, ଉଚ୍ଚ ରକ୍ତଚାପ ଓ କ୍ୟାନସର ଭଳି ରୋଗ ଥିବା ସେମାନେ ମଧ୍ୟ ଆଲୋଚନା କରି ଟିକା ନେଇ ପାରିବେ ।

ଶ୍ରୀମନ୍ଦିର ପ୍ରଶାସନ ପକ୍ଷରୁ ଏହି ନିଷ୍ପତି ନିଆଯାଇଛି । ଟୀକାକରଣରେ ପ୍ରଥମେ ପାଳିଆ ସେବାୟତଙ୍କୁ ସାମିଲ କରାଯାଇଛି । ସେହିପରି 45ରୁ 59 ବର୍ଷ ବୟସର ସେବାୟତ ଯେଉଁମାନଙ୍କର ଉକ୍ତ ରୋଗ ରହିଛି ସେମାନେ ମେଡିକାଲ ପ୍ରେସକ୍ରିପସନ ଓ ଆଧାର କାର୍ଡ ଦେଖାଇ ଟିକା ନେଇ ପାରିବେ । ପ୍ରଥମେ ପୁରୁଷ ସେବାୟତଙ୍କୁ ଟିକା ଦିଆଯାଉଛି । ଆଜି ଆରମ୍ଭ ହୋଇଥିବା ପ୍ରଥମ ପର୍ଯ୍ୟାୟ ଟିକାକରଣରେ ଦ୍ୱି ସପ୍ତାହ ମଧ୍ୟରେ ଶେଷ କରିବାକୁ ଲକ୍ଷ ରଖାଯାଇଥିବା ପୁରୀ ସିଡିଏମଓ ଗଣମାଧ୍ୟମକୁ କହିଛନ୍ତି ।

English summary

Srimandir Puri Sevayat took Covid Vaccine