ହସ୍ପିଟାଲ ପାଇଁ ସରକାରଙ୍କ ଗାଇଡଲାଇନ୍

ମେଡିକାଲରେ ଯେପରି ସବୁ ପ୍ରକାରର ସଚେତନତା ରହିବ ସେନେଇ କଡା ତାଗିଦ୍ କରିଛନ୍ତି ସରକାର । ଗାଇଡ୍ ଲାଇନ୍ ଅନୁସାରେ ପ୍ରତ୍ୟେକ ହସ୍ପିଟାଲରେ ଜ୍ୱର ଏବଂ ଆଇସୋଲେସନ୍ କ୍ଲିନିକ୍ କରିବାକୁ ସରକାର ନିର୍ଦ୍ଦେଶ ହୋଇଛି ।

ଭୁବନେଶ୍ୱର : କରୋନା ପାଇଁ ସାରା ରାଜ୍ୟରେ କଟକଣାକୁ କଡାକଡି କରାଯାଇଛି । ସଂକ୍ରମଣ କମାଇବା ପାଇଁ ରାଜ୍ୟ ସରକାର ପଦକ୍ଷେପ ନେଉଛନ୍ତି । ତେବେ ସଂକ୍ରମଣକୁ ଦୃଷ୍ଟିରେ ରଖି ରାଜ୍ୟର ସମସ୍ତ ହସ୍ପିଟାଲ ପାଇଁ ଗାଇଡଲାଇନ୍ ଜାରି କରାଯାଇଛି । ଏହି ପରିପ୍ରେକ୍ଷୀରେ ଉଭୟ ସରକାରୀ ଏବଂ ଘରୋଇ ହସ୍ପିଟାଲ ପାଇଁ ନିୟମାବଳୀ ଜାରି ହୋଇଛି ।

ମେଡିକାଲରେ ଯେପରି ସବୁ ପ୍ରକାରର ସଚେତନତା ରହିବ ସେନେଇ କଡା ତାଗିଦ୍ କରିଛନ୍ତି ସରକାର । ଗାଇଡ୍ ଲାଇନ୍ ଅନୁସାରେ ପ୍ରତ୍ୟେକ ହସ୍ପିଟାଲରେ ଜ୍ୱର ଏବଂ ଆଇସୋଲେସନ୍ କ୍ଲିନିକ୍ କରିବାକୁ ସରକାର ନିର୍ଦ୍ଦେଶ ହୋଇଛି । ଏଥିସହିତ ହସ୍ପିଟାଲକୁ ଆସୁଥିବା ସମସ୍ତ ଲୋକଙ୍କର ସ୍କ୍ରିନିଂ କରାଯିବ। ହାତଧୋଇବା ପାଇଁ ପର୍ଯ୍ୟାପ୍ତ ପରିମାଣର ସାନିଟାଇଜର୍ ରଖିବାକୁ ନିର୍ଦ୍ଦେଶ ଦିଆଯାଇଛି ।

ହସ୍ପିଟାଲର ଯଦି କୌଣସି ସେକ୍ସନରୁ ସଂକ୍ରମିତ ବାହାରନ୍ତି ତେବେ ତାକୁ ତୁରନ୍ତ ବନ୍ଦ କରାଯିବ । ସେହି ସେକ୍ସନରୁ ରୋଗୀଙ୍କୁ ଅଲଗା ସ୍ଥାନରେ ରଖିବାକୁ ବ୍ୟବସ୍ଥା କରାଯିବ ଏବଂ ରୁମକୁ ଖାଲି କରାଯିବ । ଏଥିସହିତ ଉକ୍ତ ରୁମକୁ ଖାଲି କରି ସାନିଟାଇଜ୍ କରାଯିବାର 24 ଘଣ୍ଟା ବନ୍ଦ କରାଯିବ ବୋଲି ନିର୍ଦ୍ଦେଶ ରହିଛି ।

English summary

Odisha Govt Guidelines For Hospital.