ସେପ୍ଟେମ୍ବର 12 ରେ ହେବ NEET (UG) 2021 ପରୀକ୍ଷା, ଆସନ୍ତାକାଲିଠୁ ପଞ୍ଜୀକରଣ ଆରମ୍ଭ

ସେପ୍ଟେମ୍ବର 12 ରେ NEET (UG) 2021 ପରୀକ୍ଷା ସାରା ଦେଶରେ କରାଯିବ ବୋଲି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସୂଚନା ଦେଇଛନ୍ତି । ପରୀକ୍ଷା ପାଇଁ ଆବେଦନ ପ୍ରକ୍ରିୟା ମଙ୍ଗଳବାର ଅପରାହ୍ନ 5 ଟାରୁ ଆରମ୍ଭ ହେବ ।

Published: Monday, July 12, 2021, 19:31 [IST]

ନୂଆଦିଲ୍ଲୀ : ସେପ୍ଟେମ୍ବର 12 ରେ NEET (UG) 2021 ପରୀକ୍ଷା ସାରା ଦେଶରେ କରାଯିବ ବୋଲି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସୂଚନା ଦେଇଛନ୍ତି । ପରୀକ୍ଷା ପାଇଁ ଆବେଦନ ପ୍ରକ୍ରିୟା ମଙ୍ଗଳବାର ଅପରାହ୍ନ 5 ଟାରୁ ଆରମ୍ଭ ହେବ ।

ପ୍ରାର୍ଥୀମାନେ ଅଫିସିଆଲ୍ ୱେବସାଇଟ୍ ntaneet.nic.in ପରିଦର୍ଶନ କରି ପରୀକ୍ଷା ପାଇଁ ଆବେଦନ କରିପାରିବେ । ଏହାପୂର୍ବରୁ ଏହି ପରୀକ୍ଷା ଅଗଷ୍ଟ 1 ରେ ଅନୁଷ୍ଠିତ ହେବାରେ ଥିଲା, କିନ୍ତୁ ଆବେଦନ ଫର୍ମ ଏପର୍ଯ୍ୟନ୍ତ ପ୍ରକାଶ କରାଯାଇ ନଥିଲା ।

The NEET (UG) 2021 will be held on 12th September 2021 across the country following COVID-19 protocols. The application process will begin from 5 pm tomorrow through the NTA website(s).
— Dharmendra Pradhan (@dpradhanbjp) July 12, 2021

ସେପ୍ଟେମ୍ବରରେ ନିଟ୍ ହେବାକୁ ଥିବାବେଳେ ସାମାଜିକ ଦୂରତା ରକ୍ଷାକୁ ଧ୍ୟାନ ଦିଆଯାଇଛି । ପୂର୍ବରୁ 155 ଟି ସହରରେ ପରୀକ୍ଷା ହେବାକୁ ଥିବା ବେଳେ ଏହାକୁ 198 କୁ ବୃଦ୍ଧି କରାଯାଇଛି । ସେହିଭଳି ପରୀକ୍ଷା କେନ୍ଦ୍ର ସଂଖ୍ୟା ବୃଦ୍ଧି କରାଯିବ । 2020 ରେ 3 ହଜାର 862 ଟି ପରୀକ୍ଷା କେନ୍ଦ୍ର ଥିଲା ।

In order to ensure social distancing norms, number of cities where examination will be conducted has been increased from 155 to 198. The number of examination centres will also be increased from the 3862 centres used in 2020.
— Dharmendra Pradhan (@dpradhanbjp) July 12, 2021

ପରୀକ୍ଷା କେନ୍ଦ୍ରରେ କୋଭିଡ୍ ପ୍ରୋଟୋକଲ୍ ପାଳନକୁ ସୁନିଶ୍ଚିତ କରାଯିବ । ଏଥିପାଇଁ ସମସ୍ତ ପରୀକ୍ଷାର୍ଥୀଙ୍କୁ ଫେସ୍ ମାସ୍କ ଦିଆଯିବ । ପ୍ରବେଶ ଓ ପ୍ରସ୍ଥାନ ବେଳର ସମୟକୁ ଧ୍ୟାନ ଦିଆଯିବ । ପଞ୍ଜିକରଣ କଣ୍ଟାକ୍ଟଲେସ ହେବ । ପରୀକ୍ଷା କେନ୍ଦ୍ରକୁ ସାନିଟାଇଜେସନ୍ କରାଯିବ ସାମାଜିକ ଦୂରତା ରକ୍ଷାକୁ ଗୁରୁତ୍ୱ ଦିଆଯିବ ବୋଲି ସୂଚନା ଦେଇଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ।

ଆସନ୍ତାକାଲି ଆବେଦନ ଫର୍ମ ପ୍ରକାଶ ପାଇବା ସହିତ ପରୀକ୍ଷା ସମ୍ବନ୍ଧୀୟ ନୂତନ ଢାଞ୍ଚା ମଧ୍ୟ ଘୋଷଣା କରାଯିବ ବୋଲି ଆଶା କରାଯାଉଛି । JEE ପରି, NEET 2021 ପ୍ରତ୍ୟେକ ବିଭାଗରେ ପଚରାଯାଇଥିବା ପ୍ରଶ୍ନ ସଂଖ୍ୟା ବୃଦ୍ଧି କରିବ ବୋଲି ଆଶା କରାଯାଉଛି ଏବଂ ଛାତ୍ରମାନେ ଆଭ୍ୟନ୍ତରୀଣ ପସନ୍ଦ ପାଇବେ । ବିଜ୍ଞପ୍ତି ରିଲିଜ୍ ହେବା ମାତ୍ରେ ଏହା ନିଶ୍ଚିତ ହେବ । ପ୍ରତିବର୍ଷ ପ୍ରାୟ 14 ଲକ୍ଷ ଛାତ୍ରଛାତ୍ରୀ ଡାକ୍ତରୀ ପ୍ରବେଶିକା ପରୀକ୍ଷା ପାଇଁ ଉପସ୍ଥିତ ହୁଅନ୍ତି । ଗତ କିଛି ମାସ ଧରି ଛାତ୍ରଛାତ୍ରୀମାନେ ପରୀକ୍ଷା ସ୍ଥଗିତ ରଖିବାକୁ ଦାବି କରିଆସୁଥିଲେ ।

Published On July 12, 2021