ହାତରେ କଳା ଫିତା ବାନ୍ଧି ଖେଳିଲେ ଭାରତୀୟ ଖେଳାଳି, ଜାଣନ୍ତୁ କାରଣ...
ଭାରତୀୟ କ୍ରିକେଟର ପ୍ରସିଦ୍ଧ କୋଚ୍ ବାସୁଦେବ ପରଞ୍ଜପେଙ୍କ ଦେହାନ୍ତ ହୋଇଛି। ଇଂଲଣ୍ଡ ବିପକ୍ଷ ଚତୁର୍ଥ ଟେଷ୍ଟରେ ହାତରେ କଳା ବ୍ୟାଚ୍ ପିନ୍ଧି ଭାରତୀୟ ଦଳ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ।
ଓଭାଲ: ଭାରତୀୟ କ୍ରିକେଟର ପ୍ରସିଦ୍ଧ କୋଚ୍ ବାସୁଦେବ ପରଞ୍ଜପେଙ୍କ ଦେହାନ୍ତ ହୋଇଛି। ଇଂଲଣ୍ଡ ବିପକ୍ଷ ଚତୁର୍ଥ ଟେଷ୍ଟରେ ହାତରେ କଳା ବ୍ୟାଚ୍ ପିନ୍ଧି ଭାରତୀୟ ଦଳ ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ପ୍ରସିଦ୍ଧ କୋଚ୍ ବାସୁଦେବ ପରଞ୍ଜପେ 82 ବର୍ଷ ବୟସରେ ମୁମ୍ବାଇର ମାଟୁଙ୍ଗା ସ୍ଥିତ ତାଙ୍କ ବାସଭବନରେ ଶେଷ ନିଶ୍ୱାସ ତ୍ୟାଗ କରିଥିଲେ।
ଭାରତ ବନାମ ଇଂଲଣ୍ଡ ମଧ୍ୟରେ ଚତୁର୍ଥ ଟେଷ୍ଟର ପ୍ରଥମ ଦିନର ଖେଳ ଆରମ୍ଭ ହେବାର ଠିକ ପୂର୍ବରୁ ବୋର୍ଡ ଅଫ୍ କଣ୍ଟ୍ରୋଲ୍ ଫର କ୍ରିକେଟ୍ ଅଫ୍ ଇଣ୍ଡିଆ (ବିସିସିଆଇ) ଏକ ଟୁଇଟ୍ କରି କହିଛି ଯେ, ବାସୁଦେବ ପରଞ୍ଜପେଙ୍କ ଦେହାନ୍ତ ହେବାର ସମ୍ମାନାର୍ଥେ ଭାରତୀୟ କ୍ରିକେଟ୍ ଦଳ ଆଜି ଏହି କଳା ବ୍ୟାଣ୍ଡ ପିନ୍ଧିଛି। ସେ ସୁନୀଲ ଗାଭାସ୍କର, ଲୀପ ଭେଙ୍ଗସରକାର, ସଚିନ ତେନ୍ଦୁଲକରଙ୍କ ଭଳି କିମ୍ବଦନ୍ତୀ କ୍ରିକେଟରଙ୍କୁ ଗଢିଥିଲେ । ସେ ମୁମ୍ବାଇ ପାଇଁ 28 ଟି ପ୍ରଥମ ଶ୍ରେଣୀ ମ୍ୟାଚ୍ ଖେଳିଥିଲେ । ଦୁଇ ଶତକ ଏବଂ ଦୁଇଟି ଅର୍ଦ୍ଧଶତକ ସାହାଯ୍ୟରେ ସେ 785 ରନ୍ ସ୍କୋର କରିଥିଲେ। ସେ 80 ଦଶକରେ ବିସିସିଆଇର କୋଚିଂ ନିର୍ଦ୍ଦେଶକ ମଧ୍ୟ ଥିଲେ।
The Indian Cricket Team is sporting black armbands today to honour the demise of Shri Vasudev Paranjape.#TeamIndia pic.twitter.com/9pEd2ZB8ol
— BCCI (@BCCI) September 2, 2021
ସଚିନ ତେନ୍ଦୁଲକର କହିଛନ୍ତି, "ବାସୁ ସାର୍, ଯେପରି ମୁଁ ତାଙ୍କୁ ସର୍ବଦା ଜାଣିଛି, ମୋ ସହ ଯୋଡି ହୋଇଥିବା ସର୍ବୋତ୍ତମ ପ୍ରଶିକ୍ଷକମାନଙ୍କ ମଧ୍ୟରୁ ଜଣେ ଅଟେ। ସେ ପିଲାଦିନରୁ ମୋର କ୍ରିକେଟ୍ ଯାତ୍ରାର ଏକ ଅବିଚ୍ଛେଦ୍ୟ ଅଙ୍ଗ ରହିଆସିଛନ୍ତି ଏବଂ ଅନେକ ଉପାୟରେ ପରାମର୍ଶ ଦେଇଛନ୍ତି।" ତେନ୍ଦୁଲକର କହିଛନ୍ତି, "ସେ ଜ୍ଞାନୀ, ଜୀବନ୍ତ ଏବଂ ବହୁତ ହାସ୍ୟରସ ଥିଲେ। ମୁଁ ତାଙ୍କୁ କିଛି ମାସ ପୂର୍ବରୁ ଭେଟିଥିଲି । ମୋତେ ଆଜି କହିବା କଷ୍ଟକର ହୋଇପଡୁଛି ଯେ ମୁଁ ତାଙ୍କୁ ଆଉ ଦେଖି ପାରିବି ନାହିଁ। । "
Click it and Unblock the Notifications
Sign in with Google