କରୋନା ପାଇଁ କାଳିଆ ଦର୍ଶନ ବନ୍ଦ : ସପ୍ତାହରେ ଏହି ଦିନ ବନ୍ଦ ରହିବ ଶ୍ରୀମନ୍ଦିର

କରୋନାର ପରିସ୍ଥିତିକୁ ଆଖି ଆଗରେ ରଖି ଶ୍ରମନ୍ଦିରକୁ ସପ୍ତାହରେ ଥରେ ବନ୍ଦ ରଖିବାକୁ ନିଷ୍ପତ୍ତି ନିଆଯାଇଛି

Published: Sunday, March 28, 2021, 19:39 [IST]

ପୁରୀ : ରାଜ୍ୟରେ ପୁଣି ବଢିବାରେ ଲାଗିଛି କରୋନା ସଂକ୍ରମଣ । କରୋନାର ଦ୍ୱିତୀୟ ଲହରୀକୁ ଦେଖି ରାଜ୍ୟ ସରକାର ମଧ୍ୟ ପ୍ରତିଶେଧକ ବ୍ୟବସ୍ଥା ହାତକୁ ନେଉଛନ୍ତି । କରୋନାର ପରିସ୍ଥିତିକୁ ଆଖି ଆଗରେ ରଖି ଶ୍ରମନ୍ଦିରକୁ ସପ୍ତାହରେ ଥରେ ବନ୍ଦ ରଖିବାକୁ ନିଷ୍ପତ୍ତି ନିଆଯାଇଛି । ଏଣିକି ସବୁ ରବିବାର ଶ୍ରଦ୍ଧାଳୁଙ୍କ ପାଇଁ ଶ୍ରୀମନ୍ଦିର ବନ୍ଦ ରହିବ। କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ଶ୍ରୀମନ୍ଦିର ପ୍ରଶାସନ ଏହି ନିଷ୍ପତ୍ତି ନେଇଛନ୍ତି । ଶ୍ରୀମନ୍ଦିର ମୁଖ୍ୟ ପ୍ରଶାସକ ଡ.କ୍ରିଷନ କୁମାର ଏନେଇ ସୂଚନା ଦେଇଛନ୍ତି ।

ପରବର୍ତ୍ତୀ ଆଦେଶ ପର୍ଯ୍ୟନ୍ତ ଏହି ପ୍ରକ୍ରିୟା ଜାରି ରହିବ ବୋଲି ସେ କହିଛନ୍ତି । ଏହିଦିନ ଶ୍ରୀମନ୍ଦିର ଭିତର ଓ ବାହାର ସାନିଟାଇଜେସନ ହେବ । ପୂର୍ବରୁ ଛତିଶା ନିଯୋଗରେ ଏ ସଂପର୍କରେ ପ୍ରସ୍ତାବ ପାରିତ ହୋଇଥିଲା । ଏଠାରେ ସୂଚନାଥାଉକି, ଗତ ବର୍ଷ ମହାମାରୀ କରୋନା କାରଣରୁ ଶ୍ରୀମନ୍ଦିର ପାଖାପାଖି ଦୀର୍ଘ ଛଅ ମାସ ବନ୍ଦ ରହିଥିଲା । ଏହା ପରେ ଡିସେମ୍ବର 23ରେ ଶ୍ରୀମନ୍ଦିର ଖୋଲିଥିଲା । ଚଳିତ ବର୍ଷ ଅର୍ଥାତ 2021 ଜାନୁଆରୀ 3 ରୁ ସାଧାରଣ ଦର୍ଶନ ଆରମ୍ଭ ହୋଇଥିଲା।

Published On March 28, 2021