ପଶ୍ଚିମବଙ୍ଗରୁ ଭୟର ଯୁଗ ହେବ ଶେଷ , ଆରମ୍ଭ ହେବ ସେବାର ଯୁଗ
ପଶ୍ଚିମବଙ୍ଗ ବିଧାନସଭା ନିର୍ବାଚନ ପାଇଁ ବିଜେପି ଏକାଧିକ ରାଲି କରୁଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର ବିଷ୍ଣୁପୁରରେ ଏକ ନିର୍ବାଚନ ରାଲି କରିଛନ୍ତି । ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ ମମତା ବାନାର୍ଜୀ ସରକାରଙ୍କୁ ଟାର୍ଗେଟ କରିଛନ୍ତି । ସେ ଟିଏମ୍ସିକୁ ଆଦିବାସୀ ବିରୋଧୀ ବୋଲି ବର୍ଣ୍ଣନା କରି କହିଛନ୍ତି, ଟିଏମ୍ସି ଜଣେ ଆଦିବାସୀ ମହିଳା ଦେଶର ରାଷ୍ଟ୍ରପତି ହୁଅନ୍ତୁ ବୋଲି ଚାହୁଁନଥିଲା ।
ମମତା ବାନାର୍ଜୀ ସରକାର ଆଦିବାସୀମାନଙ୍କୁ ଘୃଣା କରନ୍ତି। ପ୍ରଧାନମନ୍ତ୍ରୀ କହିଛନ୍ତି ରାଜ୍ୟ ଏବେ ଆତ୍ମବିଶ୍ୱାସରେ ଭରପୂର ହୋଇଛି। ରାଜ୍ୟର ଜନତା ସ୍ଥିର କରିଛନ୍ତି, ଏଥର ପରିବର୍ତ୍ତନ ଆସିବ। ଟିଏମ୍ସି ଅନୁପ୍ରବେଶକାରୀଙ୍କୁ ସୁରକ୍ଷା ଦେବା ପାଇଁ ପ୍ରତ୍ୟେକ ଆଇନ ଭଙ୍ଗ କରୁଛି ।
ଦଳ କେବଳ ଅନୁପ୍ରବେଶକାରୀଙ୍କ କଥା ଶୁଣୁଛି। ଟିଏମ୍ସିର ଦୁର୍ନୀତି ଯୋଗୁ ଭଉଣୀ ଏବଂ ଝିଅମାନେ ସମସ୍ୟାରେ ପଡ଼ିଛନ୍ତି। ଝିଅମାନେ ଟିଏମ୍ସିର ଜଙ୍ଗଲ ରାଜକୁ ଚ୍ୟାଲେଞ୍ଜ କରୁଛନ୍ତି। ଜଙ୍ଗଲ ରାଜକୁ କଠୋର ଦଣ୍ଡ ଦିଆଯିବା ଉଚିତ। ଝିଅମାନଙ୍କୁ ଟିଏମ୍ସିକୁ ଦଣ୍ଡ ଦେବା ପାଇଁ ମୁଁ ଅନୁରୋଧ କରୁଛି ବୋଲି ପ୍ରଧାନମନ୍ତ୍ରୀ କହିଛନ୍ତି।
ମହିଳା ସଂରକ୍ଷଣ ପ୍ରସଙ୍ଗ ଉଠାଇ ପ୍ରଧାନମନ୍ତ୍ରୀ ମୋଦୀ କହିଛନ୍ତି, ଟିଏମ୍ସି ରାଜ୍ୟ ପ୍ରତି ବିଶ୍ୱାସଘାତକତା କରିଛି। ସେମାନେ ମହିଳା ସଂରକ୍ଷଣ ବିଲ୍ ପାସ୍ ହେବାକୁ ଦେଇ ନଥିଲେ। ଟିଏମ୍ସି କଂଗ୍ରେସ ସହିତ ମିଶି ଷଡ଼ଯନ୍ତ୍ର ରଚି ବିଲ୍ ପାସ୍ ହେବାକୁ ଦେଇନାହିଁ। ଟିଏମ୍ସି ଚାହୁଁନାହିଁ ମହିଳାମାନେ ସଂରକ୍ଷଣ ପାଆନ୍ତୁ।
ରାଜ୍ୟରେ ଏହି ନିର୍ବାଚନ ଐତିହାସିକ ହେବ। ରାଜ୍ୟରେ ଭୟର ଯୁଗ ଶେଷ ହେବ ଏବଂ ସେବାର ଯୁଗ ଆରମ୍ଭ ହେବ। ଟିଏମ୍ସି ସିଣ୍ଡିକେଟ୍ର ସ୍ଥାୟୀ ସର୍ଜରୀ କରାଯିବ। ପଶ୍ଚିମବଙ୍ଗ ବାଘର ଗର୍ଜନରେ ଟିଏମ୍ସି ଏବେ ଭୟଭୀତ। ପ୍ରଧାନମନ୍ତ୍ରୀ ଦୁର୍ନୀତିଗ୍ରସ୍ତ ଟିଏମସି୍ ସଦସ୍ୟମାନଙ୍କୁ ନିର୍ବାଚନ ପୂର୍ବରୁ ଆତ୍ମସମର୍ପଣ କରିବାକୁ ଆହ୍ୱାନ କରିଛନ୍ତି । ସେ କହିଛନ୍ତି, ୪ ମେ ପରେ ରାଜ୍ୟରେ କେହି ଦୁର୍ନୀତିଗ୍ରସ୍ତ ରହିବେ ନାହିଁ। ସେ ରାଜ୍ୟରେ ବିଜେପିର ପରବର୍ତ୍ତୀ ସରକାର ଗଠନ କରିବାର ସମ୍ଭାବନା ଉପରେ ବିଶ୍ୱାସ ପ୍ରକାଶ କରି ଟିଏମ୍ସିର ଆତଙ୍କ ଖୁବ୍ ଶୀଘ୍ର ଶେଷ ହେବ ବୋଲି ଆଶା ପ୍ରକଟ କରିଛନ୍ତି।
Click it and Unblock the Notifications
Sign in with Google