ଟ୍ରମ୍ପଙ୍କ ଧମକ ପରେ ଆଲୋଚନାରୁ ପଛକୁ ହଟିଲା ତେହେରାନ
ଦ୍ବିତୀୟ ପର୍ଯ୍ୟାୟ ଶାନ୍ତି ଆଲୋଚନାରେ ସାମିଲ ହେବନି ଇରାନ । ପାକିସ୍ତାନ ଇସଲାମାବାଦରେ ଯୁକ୍ତରାଷ୍ଟ୍ର ସହ ଦ୍ୱିତୀୟ ଆଲୋଚନାରେ ଇରାନ୍ ଅଂଶଗ୍ରହଣ କରିବ ନାହିଁ ବୋଲି ଇରାନ ଷ୍ଟେଟ ମିଡ଼ିଆ ରିପୋର୍ଟ କରିଛି । ଆମେରିକା ପ୍ରତିନିଧି ପାକିସ୍ତାନ ଯିବା ନେଇ ଟ୍ରମ୍ପ କହିବାର କିଛି ଘଣ୍ଟା ପରେ ଇରାନ ଏଥିରେ ସାମିଲ ହେବନାହିଁ ବୋଲି କହିଛି । ୱାଶିଙ୍ଗଟନ୍ର ଅତ୍ୟଧିକ ଦାବି, ଅବାସ୍ତବ ଆଶା, ସ୍ଥିତିରେ ନିରନ୍ତର ପରିବର୍ତ୍ତନ, ବାରମ୍ବାର ବିରୋଧାଭାସ ଏବଂ ଇରାନୀୟ ବନ୍ଦରଗୁଡ଼ିକର ଯୁକ୍ତରାଷ୍ଟ୍ର ନୌସେନା ଅବରୋଧ ଯୋଗୁ ତେହେରାନ୍ ଶାନ୍ତି ଆଲୋଚନାରେ ଅଂଶଗ୍ରହଣ କରିବ ନାହିଁ ବୋଲି ରିପୋର୍ଟରେ କୁହାଯାଇଛି । ରବିବାର ଏକ ଉଚ୍ଚସ୍ତରୀୟ ବୈଠକରେ ଇରାନ୍ର ପ୍ରଥମ ଉପ-ରାଷ୍ଟ୍ରପତି ଯୁକ୍ତରାଷ୍ଟ୍ରର ଆଲୋଚନା ଢଙ୍ଗକୁ ତୀବ୍ର ସମାଲୋଚନା କରିଛନ୍ତି । ସେ କହିଛନ୍ତି, ଆମେରିକା ପିଲାଙ୍କ ପରି ଅସ୍ଥିର ବ୍ୟବହାର କରୁଛି ।
ଅନ୍ୟପଟେ ଆମେରିକାରେ ପୁଣି ଗୁଳିକାଣ୍ଡ । ଏଥିରେ ୮ ଶିଶୁଙ୍କ ଜୀବନ ଯାଇଛି । ଆମେରିକାର ଲଇସିଆନାରେ ଏପରି ଅଭାବନୀୟ ଘଟଣା ଘଟିଛି । ଜଣେ ଆତତାୟୀ ଆଖିବୁଜା ଗୁଳିମାଡ଼ କରିଛି । ଫଳରେ ୮ ଶିଶୁଙ୍କ ମୃତ୍ୟୁ ହୋଇଛି । ମୃତ ୮ ଶିଶୁ ଭିତରେ ଜଣେ ବର୍ଷକର ଶିଶୁ ବି ରହିଛି । ପୁଲିସ ଗୁଳିରେ ଆତତାୟୀର ମୃତ୍ୟୁ ଘଟିଛି । ପାରିବାରିକ ବିବାଦରୁ ଗୁଳିମାଡ଼ ହୋଇଥିବା କୁହାଯାଉଛି । ସ୍ଥାନୀୟ ପୁଲିସ୍ ଘଟଣାସ୍ଥଳରେ ତଦନ୍ତ କରୁଛି ।
Click it and Unblock the Notifications
Sign in with Google