ରାଜ୍ୟରେ ରକ୍ତହୀନତା ଦୂର କରିବ ‘ଅମ୍ଲାନ୍’ ! , ରଣନୀତି ପ୍ରସ୍ତୁତ କରୁଛି ଟାସ୍କଫୋର୍ସ କମିଟି
ରାଜ୍ୟରେ ଶିଶୁ ଓ ମହିଳାମାନଙ୍କଠାରେ ରକ୍ତହୀନତାକୁ ହ୍ରାସ କରିବା ପାଇଁ ଏକ ନୂଆ ପନ୍ଥା ଆପଣେଇଛନ୍ତି ରାଜ୍ୟ ସରକାର । ମହିଳା ଓ ଶିଶୁଙ୍କଠାରେ ରକ୍ତହୀନତା ଦୂର କରିବା ଲାଗି ସରକାର ଏକ ରାଜ୍ୟସ୍ତରୀୟ ଟାସ୍କଫୋର୍ସ ଗଠନ କରିଛନ୍ତି।
ଭୁବନେଶ୍ୱର: ରାଜ୍ୟରେ ଶିଶୁ ଓ ମହିଳାମାନଙ୍କଠାରେ ରକ୍ତହୀନତାକୁ ହ୍ରାସ କରିବା ପାଇଁ ଏକ ନୂଆ ପନ୍ଥା ଆପଣେଇଛନ୍ତି ରାଜ୍ୟ ସରକାର । ମହିଳା ଓ ଶିଶୁଙ୍କଠାରେ ରକ୍ତହୀନତା ଦୂର କରିବା ଲାଗି ସରକାର ଏକ ରାଜ୍ୟସ୍ତରୀୟ ଟାସ୍କଫୋର୍ସ ଗଠନ କରିଛନ୍ତି। ଏହାର ପ୍ରଥମ ବୈଠକ ବସିବା ସହିତ କିଭଳି ଢଙ୍ଗରେ ଏହାକୁ କାର୍ଯ୍ୟକାରୀ କରାଯିବ ତାହା ସଂପର୍କରେ ଆଲୋଚନା ହୋଇଛି। ପରବର୍ତୀ ସମୟରେ କାର୍ଯ୍ୟକ୍ରମକୁ ପରିଚାଳନା ପାଇଁ ଏକ ଏସ୍ଓପି ପ୍ରସ୍ତୁତ କରାଯିବ।
ରକ୍ତହୀନତାକୁ ଦୂର କରିବା ଲାଗି ସରକାର ଆକ୍ସିଲେରେଟେଡ୍ ରିଡକସନ୍ ଅଫ୍ ଏନିମିଆ ଇନ୍ ଓଡ଼ିଶା କାର୍ଯ୍ୟକ୍ରମ ଆରମ୍ଭ କରିବାକୁ ଯାଉଛନ୍ତି। ଏହି କାର୍ଯ୍ୟକ୍ରମର ନାମ 'ଅମ୍ଲାନ୍' ରଖିବା ଲାଗି ଆଲୋଚନା ହୋଇଛି। ଆଗକୁ ଏହି କାର୍ଯ୍ୟକ୍ରମର ବିଧିବଦ୍ଧ ନାମ ଘୋଷଣା କରାଯିବ।
ନିକଟରେ ପ୍ରକାଶିତ ଜାତୀୟ ପରିବାର ସ୍ୱାସ୍ଥ୍ୟ ସର୍ବେକ୍ଷଣ 5 (NFHS 5) ତଥ୍ୟ ଅନୁଯାୟୀ, 2015-16 ରୁ 2020-21 ମଧ୍ୟରେ ବିଭିନ୍ନ ବୟସ ବର୍ଗଙ୍କ ମଧ୍ୟରେ ରକ୍ତହୀନତାର ମାତ୍ରା ଅଧିକ ହୋଇଛି । ଉକ୍ତ ସମସ୍ୟାର ସମାଧାନ ପାଇଁ ରାଜ୍ୟ ସରକାର ଏକ ମିଶନ ମୋଡରେ ରକ୍ତହୀନତାର ତ୍ବରାନ୍ବିତ ହ୍ରାସ ପାଇଁ ଏକ ନୂତନ ରଣନୀତି ଆପଣାଇବାକୁ ଯୋଜନା କରୁଛନ୍ତି। ଏହି ପରିପ୍ରେକ୍ଷୀରେ, ଏକ ଡ୍ରାଫ୍ଟ ଷ୍ଟ୍ରାଟେଜୀ ନୋଟ୍ ପ୍ରସ୍ତୁତ କରାଯାଇଛି ଏବଂ ନିର୍ଦ୍ଦେଶକ, ପରିବାର କଲ୍ୟାଣ, ଓଡିଶା ଦ୍ବାରା କମିଟି ନିକଟରେ ଉପସ୍ଥାପିତ ହୋଇଛି ।
ଡ୍ରାଫ୍ଟ ରଣନୀତି ମୁଖ୍ୟତଃ ଜନସଂଖ୍ୟା ଆଧାରିତ ହସ୍ତକ୍ଷେପ ଉପରେ ମାଇକ୍ରୋନ୍ୟୁଟ୍ରିଏଣ୍ଟ ସପ୍ଲିମେଣ୍ଟେସନ୍, ପରିବାର ଯୋଜନା ଏବଂ ନିରାପଦ ମାତୃତ୍ବ ଉପରେ ଧ୍ୟାନ ଦେଇଥାଏ । ରକ୍ତହୀନତା ପାଇଁ ସମସ୍ତ ହିତାଧିକାରୀଙ୍କୁ ପରୀକ୍ଷା କରିବା, ଚିହ୍ନଟ ହୋଇଥିବା ରକ୍ତହୀନତା ରୋଗର ଚିକିତ୍ସା ସହିତ ଗୁରୁତର ଆନିମିକ୍ ମାମଲାଗୁଡ଼ିକର ରେଫରାଲ୍ ଉପରେ ମଧ୍ୟ ଧ୍ୟାନ ଦେଇଥାଏ।
ଦେଶ ତଥା ରାଜ୍ୟରେ ୧୯୭୦ ମସିହାରେ ରକ୍ତହୀନତା କାର୍ଯ୍ୟକ୍ରମ ଚାଲୁଛି। ମାତ୍ର ଓଡ଼ିଶାରେ ଏହି କାର୍ଯ୍ୟକ୍ରମରେ ମହିଳା ଓ ଶିଶୁଙ୍କୁ ଦିଆଯାଉଥିବା ବଟିକା ଖାଇବାର ପ୍ରତିଶତ ବୃଦ୍ଧି ପାଇଥିଲେ ହେଁ ରକ୍ତହୀନତା କମୁନାହିଁ। ଏନ୍ଏଫ୍ଏଚ୍ଏସ୍-୪ରେ ରାଜ୍ୟରେ ୬-୫୯ ମାସର ୪୪.୬ ପ୍ରତିଶତ ଶିଶୁ ରକ୍ତହୀନତାର ଶିକାର ହୋଇଥିବା ବେଳେ ଏନ୍ଏଫ୍ଏଚ୍ଏସ୍-୫ରେ ଏହା ବୃଦ୍ଧି ପାଇ ୬୪.୨ ପ୍ରତିଶତରେ ପହଞ୍ଚିଛି। ସେହିପରି ୧୫-୪୯ବର୍ଷର ଗର୍ଭବତୀ ମହିଳାଙ୍କ କ୍ଷେତ୍ରରେ ପୂର୍ବରୁ ୪୭.୬ ପ୍ରତିଶତ ଥିବା ବେଳେ ଏହା ୬୧.୮ ପ୍ରତିଶତକୁ ବୃଦ୍ଧି ପାଇଛି। ସେହିପରି ୧୫-୪୯ବର୍ଷର ସମସ୍ତ ମହିଳାଠାରେ ପୂର୍ବରୁ ୫୧ ପ୍ରତିଶତଙ୍କଠାରେ ରକ୍ତହୀନତା ଥିବା ବେଳେ ଏନ୍ଏଫ୍ଏଚ୍ଏସ୍-୫ରେ ଏହା ୬୪ ପ୍ରତିଶତକୁ ବୃଦ୍ଧି ପାଇଛି। ସେହିପରି ୧୫-୪୯ ପୁରୁଷଙ୍କ କ୍ଷେତ୍ରରେ ପୂର୍ବରୁ ୨୮ ପ୍ରତିଶତ ଥିବା ବେଳେ ଏହା ଏବେ ୨୮.୫ ପ୍ରତିଶତ ରହିଛି।
ରକ୍ତହୀନତା ହ୍ରାସ ଉପରେ ପ୍ରଥମ ରାଜ୍ୟ ଟାସ୍କଫୋର୍ସ କମିଟି ବୈଠକରେ ଏକ ନୂତନ ପଦକ୍ଷେପ ନିଆଯାଇଛି । 'ଆମ୍ଲାନ" ନାମକ ଏହି ମିଶନ ରାଜ୍ୟରେ ରକ୍ତହୀନତା ଜନିତ ସମସ୍ୟ ଉପରେ କାମ କରିବ । ଜନସଂଖ୍ୟା ଆଧାରିତ ହସ୍ତକ୍ଷେପ ଉପରେ ମାଇକ୍ରୋନ୍ୟୁଟ୍ରିଏଣ୍ଟ ସପ୍ଲିମେଣ୍ଟେସନ୍, ପରଜୀବୀ ରୋଗ ନିୟନ୍ତ୍ରଣ, ପରିବାର ଯୋଜନା ଏବଂ ନିରାପଦ ମାତୃତ୍ୱ ଭଳି ଏକ ଡ୍ରାଫ୍ଟ ରଣନୀତି ପ୍ରସ୍ତୁତ କରାଯାଇଛି ଏବଂ ହିତାଧିକାରୀଙ୍କ ଠାରୁ ଇନ୍ପୁଟ୍ ଖୋଜା ଯାଇଛି । ରକ୍ତହୀନତା ପାଇଁ ସମସ୍ତ ହିତାଧିକାରୀଙ୍କ ପରୀକ୍ଷା, ଚିହ୍ନିତ ରକ୍ତହୀନ ରୋଗର ଚିକିତ୍ସା ସହିତ ଉନ୍ନତ ଚିକିତ୍ସା ପାଇଁ ଗୁରୁତର ରକ୍ତହୀନତା ମାମଲାକୁ ଅନ୍ତର୍ଭୁକ୍ତ କରିବା ସହିତ ଏକ ଲକ୍ଷ୍ୟ-ଆଧାରିତ ଉପାୟ ଅବଲମ୍ବନ କରିବାକୁ ମଧ୍ୟ ନିଷ୍ପତ୍ତି ନିଆଯାଇଛି।
ରକ୍ତହୀନତା ଉପରେ NFHS 5 ତଥ୍ୟ ଦ୍ୱନ୍ଦ୍ୱପୂର୍ଣ୍ଣ ଅଟେ ଯେଉଁଥିପାଇଁ ଆମେ ଏକ ବେସ୍ ଲାଇନ୍ ସୂଚନା ପାଇବା ପାଇଁ ପରୀକ୍ଷା କରିବାକୁ ଯୋଜନା କରୁଛୁ । ପରୀକ୍ଷା ପାଇଁ ଲକ୍ଷ୍ୟ ରଖାଯାଇଥିବା ହିତାଧିକାରୀଙ୍କୁ 6ଟି ଶ୍ରେଣୀରେ ବିଭକ୍ତ କରାଯାଇଛି, ଏହା ପରେ ନୂତନ ପଦକ୍ଷେପ କାର୍ଯ୍ୟକାରୀ କରିବା ପାଇଁ ଏକ SOP ପ୍ରସ୍ତୁତ କରାଯିବ ବୋଲି ସ୍ୱାସ୍ଥ୍ୟ ବିଭାଗର ଜଣେ ଅଧିକାରୀ କହିଛନ୍ତି । ସେହିପରି ରାଜ୍ୟରେ ରକ୍ତହୀନତାର ତ୍ୱରାନ୍ୱିତ ହ୍ରାସ ପାଇଁ ସମନ୍ୱିତ ଢଙ୍ଗରେ କାର୍ଯ୍ୟ କରିବାକୁ ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ଆର.କେ ଶର୍ମା ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି।
କାର୍ଯ୍ୟକ୍ରମରେ ମୁଖ୍ୟତଃ ୬ଟି ବର୍ଗର ମହିଳା ଓ ଶିଶୁଙ୍କୁ ଟାର୍ଗେଟ୍ କରାଯିବ। ୬-୫୯ ମାସର ଶିଶୁ, ୫-୯ବର୍ଷ, ୧୦-୧୯ବର୍ଷ, ଗର୍ଭବତୀ ମହିଳା, ସନ୍ତପାନ କରୁଥିବା ମହିଳା ଓ ୨୦-୪୯ବର୍ଷର ମହିଳାଙ୍କ ହିମୋଗ୍ଲୋବିନ୍ ପରୀକ୍ଷା କରିବା ଲାଗି ନିଷ୍ପତ୍ତି ହୋଇଛି। ସ୍କୁଲ, ଅଙ୍ଗନବାଡ଼ି ଓ ଟି-୩ କ୍ୟାମ୍ପସ୍ରେ ଏହି ପରୀକ୍ଷା କରାଯିବ। ଯାହାଫଳରେ ରାଜ୍ୟରେ ପ୍ରକୃତରେ କେତେ ପ୍ରତିଶତ ରକ୍ତହୀନତାର ଶିକାର ହୋଇଛନ୍ତି ତାହା ସ୍ପଷ୍ଟ ହୋଇପାରିବ। ପରବର୍ତୀ ସମୟରେ ଏହି ତଥ୍ୟକୁ ନେଇ କାର୍ଯ୍ୟକ୍ରମ ଆରମ୍ଭ ହେବ। ଏବେ ରକ୍ତହୀନତା ଦୂର କରିବା ଲାଗି ଆଇରନ୍ ଓ ଫଲିକ ଏସିଡ୍ ଦିଆଯାଉଛି। ଏହାସହ ମାଇକ୍ରୋନ୍ୟୁଟ୍ରାଣ୍ଟ ପ୍ରଦାନ ସହିତ ପରଜୀବୀ ରୋଗ ନିୟନ୍ତ୍ରଣ, ପରିବାର ନିୟୋଜନ ଓ ନିରାପଦ ମାତୃତ୍ବ ଉପରେ ଗୁରୁତ୍ବ ଦିଆଯିବ।
Click it and Unblock the Notifications
Sign in with Google