ସିଙ୍ଗାପୁରରୁ ବିମାନ ଉଡ଼ାଣ ଉପରେ ପ୍ରତିବନ୍ଧକ ଲଗାଇବାକୁ କେଜ୍ରିୱାଲଙ୍କ ଦାବି

କରୋନାର ଏହି ପ୍ରକାରର ବିପଦକୁ ଦୃଷ୍ଟିରେ ରଖି ଅରବିନ୍ଦ କେଜ୍ରିୱାଲ କେନ୍ଦ୍ର ସରକାରଙ୍କୁ ନିବେଦନ କରିଛନ୍ତି । ସେ କହିଛନ୍ତି ସିଙ୍ଗାପୁରର ଏହି ଭାରିଏଣ୍ଟକୁ ଭାରତରେ ପ୍ରବେଶ ନକରିବା ପାଇଁ ତୁରନ୍ତ ଭାରତ ସିଙ୍ଗାପୁର ସହିତ ସମସ୍ତ ବିମାନ ସେବାକୁ ବାତିଲ କରିବା ଉଚିତ୍

Published: Tuesday, May 18, 2021, 16:16 [IST]

ନୂଆଦିଲ୍ଲୀ : କରୋନା ମହାମାରୀର ଦ୍ୱିତୀୟ ଲହରର ପ୍ରଭାବ ଭାରତରେ ଏପର୍ଯ୍ୟନ୍ତ ଶେଷ ହୋଇନାହିଁ, କିନ୍ତୁ ବିଶେଷଜ୍ଞମାନେ ତୃତୀୟ ସହରର ଆସିବା ନେଇ ଚେତାବନୀ ଦେଇଛନ୍ତି । ଯାହା ପିଲାମାନଙ୍କୁ ଅଧିକ ସଂକ୍ରମିତ କରିପାରେ ବୋଲି କୁହାଯାଉଛି । ବିଶେଷଜ୍ଞଙ୍କ ଏହି ଚେତାବନୀ ପରେ ରାଜ୍ୟ ତଥା କେନ୍ଦ୍ର ସରକାରଙ୍କ ଚିନ୍ତା ବଢିଯାଇଛି । ତୃତୀୟ ଲହରକୁ ନେଇ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଚିନ୍ତା ପ୍ରକଟ କରିବା ସହ ଟ୍ୱିଟ୍ କରି ଲେଖିଛନ୍ତି ଯେ ବର୍ତ୍ତମାନ ସିଙ୍ଗାପୁରର କରୋନା ର ଏକ ନୂଆ ଭାରିଏଣ୍ଟ ପିଲାମାନଙ୍କୁ ଅଧିକ ପ୍ରଭାବିତ କରୁଛି, ଯାହା ଅତ୍ୟନ୍ତ ବିପଦଜନକ । ଏହା ଭାରତରେ ତୃତୀୟ ଲହର ଭାବରେ ଆସିପାରେ ବୋଲି କେଜ୍ରିୱାଲ କହିଛନ୍ତି ।

ପିଲାମାନଙ୍କ ପାଇଁ ଟିକା ବିକଳ୍ପ ଉପରେ କାମ କରାଯାଉ : କେଜ୍ରିୱାଲ

କରୋନାର ଏହି ପ୍ରକାରର ବିପଦକୁ ଦୃଷ୍ଟିରେ ରଖି ଅରବିନ୍ଦ କେଜ୍ରିୱାଲ କେନ୍ଦ୍ର ସରକାରଙ୍କୁ ନିବେଦନ କରିଛନ୍ତି । ସେ କହିଛନ୍ତି ସିଙ୍ଗାପୁରର ଏହି ଭାରିଏଣ୍ଟକୁ ଭାରତରେ ପ୍ରବେଶ ନକରିବା ପାଇଁ ତୁରନ୍ତ ଭାରତ ସିଙ୍ଗାପୁର ସହିତ ସମସ୍ତ ବିମାନ ସେବାକୁ ବାତିଲ କରିବା ଉଚିତ୍ । ଏହା ବ୍ୟତୀତ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି ଯେ ବର୍ତ୍ତମାନ ଦେଶରେ ପିଲାମାନଙ୍କ ପାଇଁ ଟିକା ବିକଳ୍ପ ଉପରେ ପ୍ରାଥମିକତା ଦିଆଯିବା ଉଚିତ ।

सिंगापुर में आया कोरोना का नया रूप बच्चों के लिए बेहद ख़तरनाक बताया जा रहा है, भारत में ये तीसरी लहर के रूप में आ सकता है।

केंद्र सरकार से मेरी अपील:
1. सिंगापुर के साथ हवाई सेवाएं तत्काल प्रभाव से रद्द हों
2. बच्चों के लिए भी वैक्सीन के विकल्पों पर प्राथमिकता के आधार पर काम हो
— Arvind Kejriwal (@ArvindKejriwal) May 18, 2021

ସିଙ୍ଗାପୁରରେ କରୋନାର ନୂଆ ଭାରିଏଣ୍ଟ

ଆପଣଙ୍କୁ କହିରଖୁଛୁ, ସିଙ୍ଗାପୁରରେ କରୋନାର ନୂଆ ଭାରିଏଣ୍ଟ ଦେଖିବାକୁ ମିଳିଛି, ଯାହା ପିଲାମାନଙ୍କୁ ବେଶୀ ପ୍ରଭାବିତ କରୁଛି । ରବିବାର ଦିନ, 38 ଜଣ କରୋନା ସଂକ୍ରମିତ ହୋଇଥିବା ଜଣାପଡିଛି, ସେମାନଙ୍କ ମଧ୍ୟରୁ ଅଧିକାଂଶ ଶିଶୁ । ସତର୍କତାମୂଳକ ପଦକ୍ଷେପ ଭାବରେ ସିଙ୍ଗାପୁର ସରକାର ସମସ୍ତ ସ୍କୁଲ ଏବଂ କଲେଜ ବନ୍ଦ କରିବାକୁ ଘୋଷଣା କରିଛନ୍ତି । ସରକାରଙ୍କ ଏହି ନିଷ୍ପତ୍ତି ବୁଧବାର ଠାରୁ କାର୍ଯ୍ୟକାରୀ ହେବ । ସିଙ୍ଗାପୁରର ସ୍ୱାସ୍ଥ୍ୟମନ୍ତ୍ରୀ ଅନ୍ ୟେ କୁଙ୍ଗ କହିଛନ୍ତି ଯେ କରୋନା B.1.617 ର ନୂତନ ଭାରିଏଣ୍ଟ ଦ୍ୱାରା ପିଲାମାନେ ଅଧିକ ଶିକାର ହେଉଛନ୍ତି ।

Published On May 18, 2021