ଛକି ରହି ମାଡି ବସିଲା ପୁଲିସ : ରାଜଧାନୀରୁ ଜବତ ହେଲା 50 ଲକ୍ଷ ଟଙ୍କାର ଧଳା ଜହର
ରାଜଧାନୀ ଭୁବନେଶ୍ୱରରୁ ଆଜି 575 ଗ୍ରାମ୍ ବ୍ରାଉନ୍ ସୁଗର ଜବତ ହୋଇଛି। ଜବତ ବ୍ରାଉନ୍ ସୁଗରର ଆନୁମାନିକ ମୂଲ୍ୟ 50 ଲକ୍ଷ ଟଙ୍କାରୁ ଅଧିକ ହେବ ବୋଲି ଜଣାପଡ଼ିଛି।
ଭୁବନେଶ୍ୱର: ଦିନକୁ ଦିନ ରାଜ୍ୟରେ ଧଳା ଜହରର କାରବାର ବୃଦ୍ଧି ପାଇବାରେ ଲାଗିଛି। ରାଜଧାନୀ ଭୁବନେଶ୍ୱରରୁ ଆଜି 575 ଗ୍ରାମ୍ ବ୍ରାଉନ୍ ସୁଗର ଜବତ ହୋଇଛି। ଜବତ ବ୍ରାଉନ୍ ସୁଗରର ଆନୁମାନିକ ମୂଲ୍ୟ 50 ଲକ୍ଷ ଟଙ୍କାରୁ ଅଧିକ ହେବ ବୋଲି ଜଣାପଡ଼ିଛି। କମିଶନରେଟ୍ ପୋଲିସର କ୍ୱିକ୍ ଆକ୍ସନ୍ ଟିମ୍ ଓ ବଡଗଡ଼ ଥାନା ପୋଲିସର ମିଳିତ ଚଢ଼ାଉରେ ଏହାକୁ ଜବତ କରାଯାଇଛି ।
ସୂଚନା ଅନୁସାରେ ବିଟୁ ଖାନା ନାମକ ଜଣେ ଯୁବକଠାରୁ ଏହି ସାମଗ୍ରୀ ଜବତ କରାଯିବା ସହ ତାକୁ ଗିରଫ କରାଯାଇଥିବା ଜଣାପଡ଼ିଛି । ଏହି ଧଳା ଜହରର ଚେର ଭୁବନେଶ୍ୱରରୁ ବାଲେଶ୍ୱର ପର୍ଯ୍ୟନ୍ତ ଲମ୍ବିଥିବା କମିଶନରେଟ୍ ପୋଲିସ ଜାଣିପାରିଛି । ଏହି ମାମଲାରେ ଅନ୍ୟ କିଏ ସାମିଲ ଅଛି ସେନେଇ ପୋଲିସ ଛାନଭିନ ଜାରି ରଖିଛି।
Click it and Unblock the Notifications
Sign in with Google