ଲକ୍ଷ୍ନୌ : ଆସନ୍ତା ବର୍ଷ ଉତ୍ତରପ୍ରଦେଶରେ ହେବାକୁ ଥିବା ନିର୍ବାଚନ ପୂର୍ବରୁ ସମସ୍ତ ରାଜନୈତିକ ଦଳ ଉତ୍ତରପ୍ରଦେଶ ରାଜନୀତିରେ ନିଜର ଭବିଷ୍ୟତ ଖୋଜିବାକୁ ଚେଷ୍ଟା କରୁଛନ୍ତି । ଗୋଟିଏ ପଟେ ଅସଦୁଦ୍ଦିନ ଓୱେସି ୟୁପିରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବା ପାଇଁ ଘୋଷଣା କରିଥିବା ବେଳେ ଅନ୍ୟପକ୍ଷରେ ଆମ୍ ଆଦମୀ ପାର୍ଟି ବିଧାନସଭା ନିର୍ବାଚନରେ ସମ୍ପୂର୍ଣ୍ଣ ଶକ୍ତି ସହ ସଂଗ୍ରାମ କରିବାକୁ ଦାବି କରୁଛି । ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଜନତା ଦଳ-ୟୁନାଇଟେଡ୍ (ଜେଡିୟୁ) ଏବଂ ଶାସକ ଭାରତୀୟ ଜନତା ପାର୍ଟି (ବିଜେପି) ମଧ୍ୟରେ ଆସନ ବୁଝାମଣାରେ ଫାଟ ଦେଖାଦେଇଛି । ଜେଡିୟୁ ଦାବି କରିଛି ଯେ ଯଦି ଆମେ ମିଳିତ ମଞ୍ଚରେ ସମ୍ମାନଜନକ ଆସନ ପାଇବୁ ନାହିଁ, ତେବେ ଆମେ ନିଜେ ନିଜ ବଳରେ 200 ଆସନରେ ଲଢିବୁ ।
Advertisement
ଉତ୍ତରପ୍ରଦେଶ ନିର୍ବାଚନ : ଆସନ ବୁଝାମଣାକୁ ନେଇ ବିଜେପି-ଜେଡିୟୁ ମଧ୍ୟରେ ଟଣାଓଟରା, 30 ଆସନ ଦାବି କରୁଛି ନୀତୀଶଙ୍କ ଦଳ
ଆସନ୍ତା ବର୍ଷ ଉତ୍ତରପ୍ରଦେଶରେ ହେବାକୁ ଥିବା ବିଧାନସଭା ନିର୍ବାଚନରେ ଜେଡି(ୟୁ) ଏବଂ ବିଜେପି ଏକାଠି ପ୍ରତିଦ୍ୱନ୍ଦ୍ୱିତା ହେବାର ସମ୍ଭାବନା ରହିଛି । ସୂତ୍ରରୁ ପ୍ରକାଶ ଯେ ଖୁବ ଶୀଘ୍ର ଦୁଇ ଦଳ ମଧ୍ୟରେ ମିଳିତ ମଞ୍ଚ ମଞ୍ଜୁର ହେବାର ସମ୍ଭାବନା ରହିଛି । ଏହି ଚୁକ୍ତି ଶେଷ କରିବାକୁ ଦୁଇ ଦଳର ନେତାମାନେ ପୂର୍ବରୁ ଦୁଇଟି ବୈଠକ କରିସାରିଛନ୍ତି । ସୂତ୍ରରୁ ପ୍ରକାଶ ଯେ ବରିଷ୍ଠ ଜେଡି (ୟୁ) ନେତାମାନେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା, ବିଜେପି ଜାତୀୟ ସଭାପତି ଜେପି ନଡ୍ଡା ଏବଂ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସହ ଆଲୋଚନା କରିଛନ୍ତି ।
ବିହାର ସୀମା ନିକଟରେ ଅବସ୍ଥିତ ଅତି କମରେ ଦୁଇ ଡଜନ ଆସନରେ ଦଳର ଯଥେଷ୍ଟ ପ୍ରଭାବ ରହିଛି ବୋଲି ଜେଡି (ୟୁ) ଦାବି କରିଛି । ପାର୍ଟି ଭିତର ସୂତ୍ର କହିଛନ୍ତି ଯେ ଜେଡି-ୟୁ ଏହି ଆସନରେ କୁର୍ମି, କୋରେଇ ଏବଂ ଭୁମିହାର ଭୋଟ୍ ବ୍ୟାଙ୍କକୁ ହାତେଇବାକୁ ଚେଷ୍ଟା କରୁଛି । ଏହାପୂର୍ବରୁ ଜେଡି (ୟୁ) କହିଥିଲା ଯେ ଯଦି ୟୁପିରେ ବିଜେପି ସହ କୌଣସି ମେଣ୍ଟ ନହୁଏ ତେବେ ଉତ୍ତରପ୍ରଦେଶରେ 200 ଟି ଆସନ ପ୍ରତିଦ୍ୱନ୍ଦ୍ୱିତା କରିବ ।
ଜନତା ଦଳ ୟୁନାଇଟେଡର ଜାତୀୟ ସାଧାରଣ ସମ୍ପାଦକ କେ.ସି ତ୍ୟାଗି କହିଛନ୍ତି ଯେ "ଏପର୍ଯ୍ୟନ୍ତ ମିଳିତ ମଞ୍ଚ ବିଷୟରେ କୌଣସି ସ୍ଫଷ୍ଟ ହୋଇନାହିଁ । ବିଜେପି ସହିତ କଣ ହେଉଛି ପ୍ରଥମେ ଦେଖିବୁ । ଯଦି କିଛି ନହୁଏ, ନିଜେ ନିର୍ବାଚନ ମୈଦାନକୁ ଯିବୁ, କିନ୍ତୁ ଦଳ ନିଶ୍ଚିତ ଭାବେ ନିର୍ବାଚନ ଲଢିବ ।"