ରଥ ନିର୍ମାଣ ପାଇଁ ପୁରୀରେ ପହଞ୍ଚିଲା 28 ଖଣ୍ଡ କାଠ
ପୁରୀ: ରଥଯାତ୍ରାର ରଥ ନିର୍ମାଣ ପାଇଁ ପୁରୀରେ ପହଞ୍ଚିଛି କାଠ । ଏହି କାଠ ବୌଦ୍ଧ ଜିଲ୍ଲାରୁ ଆସି ଶନିବାର ଦିନ ପୁରୀରେ ପହଞ୍ଚିଛି । 40 ଫୁଟିଆ 28 ଖଣ୍ଡ ଧରୁଆ କାଠ ଆସି ରଥଖଳାରେ ପହଞ୍ଚିଛି ।
ବନ ବିଭାଗ ପକ୍ଷରୁ ମିଳିଥିବା ସୂଚନା ଅନୁସାରେ ପୁରୀରେ ରଥ ଯାତ୍ରାରେ ତିନିଟି ରଥ ନିର୍ମାଣ ପାଇଁ ମୋଟ 303 ଖଣ୍ଡ କାଠ ଯୋଗାଇବାକୁ ବୌଦ୍ଧ ଜିଲ୍ଲାକୁ ନିର୍ଦ୍ଦେଶ ଦିଆଯାଇଛି । ପ୍ରଥମ ପର୍ଯ୍ୟାୟ କାଠ ଶନିବାର ଦିନ ପହଞ୍ଚିଛି । ବାକି କାଠ ପର୍ଯ୍ୟାୟକ୍ରମେ ଯୋଗାଇ ଦିଆଯିବ ବୋଲି କୁହାଯାଇଛି ।
ଏହାପୂର୍ବରୁ, 104 ଖଣ୍ଡ କାଠ ରଥଖଳାରେ ପହଞ୍ଚି ସାରିଛି । ଏଥିମଧ୍ୟରୁ 81 ଖଣ୍ଡ କାଠ ଖପୁରିଆ କରତକଳକୁ ପଠାଯାଇଛି । ବିଶ୍ୱ ପ୍ରସିଦ୍ଧ ରଥଯାତ୍ରା ପାଇଁ ସମୁଦାୟ 865 ଖଣ୍ଡ କାଠର ଆବଶ୍ୟକତା ରହିଛି । ଗତବର୍ଷର 118 ଖଣ୍ଡ କାଠ ବଳକା ଅଛି ।
Click it and Unblock the Notifications
Sign in with Google