ଟିକାର ଦୁଇଟି ଡୋଜ୍ ମଧ୍ୟରେ ଥିବା ସମୟ ଅବଧି ବୃଦ୍ଧି ନେଇ ସୁପାରିଶ
ଅକ୍ସଫୋର୍ଡ ଆଷ୍ଟ୍ରାଜେନିକା ଏବଂ ସେରମ୍ ଇନଷ୍ଟିଚ୍ୟୁଟ୍ ଦ୍ୱାରା ମିଳିତ ଭାବରେ ପ୍ରସ୍ତୁତ ହେଉଥିବା କୋଭିସିଲ୍ଡ ଟିକାର ଦୁଇଟି ଡୋଜ୍ ମଧ୍ୟରେ ଥିବା ସମୟ ଅବଧି ବଢ଼ାଇବାକୁ ରାଜ୍ୟ ସରକାରଙ୍କ ଏକ ବିଶେଷଜ୍ଞ ଟିମ୍ ଚିନ୍ତା କରିଛନ୍ତି ।
ନୂଆଦିଲ୍ଲୀ : ଦେଶରେ କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ଟିକାକରଣକୁ ଅଧିକ ପ୍ରାଧାନ୍ୟ ଦିଆଯାଉଛି । ତେଣୁ ପ୍ରଥମ ଡୋଜ୍ ଟିକା ନେବା ପରେ ଦ୍ୱିତୀୟ ଡୋଜ୍ ଟିକା ନେବା ଉପରେ ଗୁରୁତ୍ୱାରୋପ କରାଯାଇଛି । ଏହାରୀ ଭିତରେ ଅକ୍ସଫୋର୍ଡ ଆଷ୍ଟ୍ରାଜେନିକା ଏବଂ ସେରମ୍ ଇନଷ୍ଟିଚ୍ୟୁଟ୍ ଦ୍ୱାରା ମିଳିତ ଭାବରେ ପ୍ରସ୍ତୁତ ହେଉଥିବା କୋଭିସିଲ୍ଡ ଟିକାର ଦୁଇଟି ଡୋଜ୍ ମଧ୍ୟରେ ଥିବା ସମୟ ଅବଧି ବଢ଼ାଇବାକୁ ରାଜ୍ୟ ସରକାରଙ୍କ ଏକ ବିଶେଷଜ୍ଞ ଟିମ୍ ଚିନ୍ତା କରିଛନ୍ତି । ଜାତୀୟ ଟିକାକରଣ ବୈଷୟିକ ପରାମର୍ଶଦାତା ବା ଏନଟିଏଜିଆଇ କୋଭିଡ୍ ବିରୋଧୀ କୋଭିସିଲ୍ଡ ଟିକାର ଦୁଇଟି ଡୋଜ୍ ମଧ୍ୟରେ ସମୟ ଅବଧିକୁ ବଢ଼ାଇ 12 ରୁ 16 ସପ୍ତାହ କରିବା ପାଇଁ ସୁପାରିଶ କରିଛନ୍ତି । ଏହି ପରିପ୍ରେକ୍ଷୀରେ ପରାମର୍ଶଦାତା କହିଛନ୍ତି ଯେ, ଗର୍ଭବତୀ ମହିଳାମାନଙ୍କୁ କୋଭିଡ୍ ଟିକା ଦିଆଯିବାର ବିକଳ୍ପ ବାହାର କରାଯାଉ ।
ସେହିପରି ଯେଉଁମାନେ କରୋନା ଦ୍ୱାରା ସଂକ୍ରମିତ ହୋଇ ସାରିଛନ୍ତି ସେମାନେ ଭଲ ହେବାର 6 ମାସ ମଧ୍ୟରେ ଟିକା ନିଅନ୍ତୁ ନାହିଁ ବୋଲି ଏନଟିଏଜିଆଇ ପକ୍ଷରୁ ଏହା ମଧ୍ୟ ପରାମର୍ଶ ଦିଆଯାଇଛି। ଏଥିସହିତ 6 ମାସ ପରେ ହିଁ ଟିକା ନେବା ଭଲ ବୋଲି ପରାମର୍ଶ ଦେଇଛି ଏନଟିଏଜିଆଇ । ବର୍ତ୍ତମାନ କୋଭିସିଲ୍ଡ ଟିକାକୁ ଚାରିରୁ ଆଠ ମାସ ମଧ୍ୟରେ ଦିଆଯାଉଛି । ଏବେ ଏନଟିଏଜିଆଇ ପକ୍ଷରୁ ଦିଆଯାଇଥିବା ଏହି ସବୁ ପରାମର୍ଶକୁ କୋଭିଡ୍ ସମ୍ବନ୍ଧୀୟ ଜାତୀୟ ବିଶେଷଜ୍ଞ ଟିମଙ୍କ ପାଖକୁ ପଠାଯିବ ।
Click it and Unblock the Notifications
Sign in with Google