କର୍ଣ୍ଣାଟକ ନିର୍ବାଚନ ମଧ୍ୟରେ ଚର୍ଚ୍ଚାରେ ବୋନି କପୁର, କାରରୁ ମିଲିଲା 39 ଲକ୍ଷ ଟଙ୍କା ମୂଲ୍ୟର ରୂପା ବାସନ

Published: Saturday, April 8, 2023, 18:50 [IST]

ବେଙ୍ଗାଲୁରୁ : କର୍ଣ୍ଣାଟକ ନିର୍ବାଚନ ପାଇଁ ସାରା ରାଜ୍ୟରେ ରଜନୈତିକ ମାହୋଲ ସରଗରମ୍ ଥିବାବେଳେ ଖବରର ଶିରୋନାମା ପାଲଟିଛନ୍ତି ଚଲଚ୍ଚିତ୍ର ବୋନି କପୁର । ବିଏମଡବ୍ଲୁ କାରରୁ ଫିଲ୍ମ ନିର୍ମାତା ବୋନି କପୁରଙ୍କ ରୂପା ବାସନ ଜବତ କରାଯାଇଛି । ଖବର ଅନୁଯାୟୀ, କର୍ଣ୍ଣାଟକର ଡାଭେଙ୍ଗେରେ ରେ ଏକ ବିଏମଡବ୍ଲୁ କାରରୁ ବାକ୍ସରେ ପ୍ୟାକ୍ ହୋଇଥିବା ରୂପା ସାମଗ୍ରୀ ଜବତ କରାଯାଇଛି ।

କୁହାଯାଉଛି ଯେ ପ୍ରାୟ 39 ଲକ୍ଷ ଟଙ୍କା ମୂଲ୍ୟର ଏହି ବାସନଗୁଡ଼ିକ ବୋନି କପୁରଙ୍କର । ରିପୋର୍ଟ ଅନୁଯାୟୀ, ଜବତ ହୋଇଥିବା ରୂପା ଜିନିଷର କୌଣସି କାଗଜପତ୍ର ମିଳିନାହିଁ । ଏହି ରୂପା ବାସନକୁ ଚେନ୍ନାଇରୁ ମୁମ୍ବାଇକୁ ନିଆଯାଉଥିଲା ।

ଖବର ଅନୁଯାୟୀ, କୌଣସି କାଗଜପତ୍ର ବିନା ପାଞ୍ଚଟି ବାକ୍ସରେ ବିଏମଡବ୍ଲୁ କାରରେ ଚେନ୍ନାଇରୁ ମୁମ୍ବାଇକୁ ରୂପା ସାମଗ୍ରୀ ପରିବହନ କରାଯାଉଥିଲା । କର୍ଣ୍ଣାଟକ ନିର୍ବାଚନର କିଛି ସପ୍ତାହ ପୂର୍ବରୁ, ଡାଭେଙ୍ଗେରେ ଏହି ରୂପା ସାମଗ୍ରୀ ଜବତ କରାଯାଇଛି ।

ଶୁକ୍ରବାର ପୂର୍ବାହ୍ନରେ କର୍ଣ୍ଣାଟକର ଡାଭେଙ୍ଗେର ଉପକଣ୍ଠରେ ଥିବା ହେବବାଲୁ ଟୋଲ ନିକଟରେ ଚେକ୍ ପୋଷ୍ଟରେ ଯାଞ୍ଚ ବେଳେ ନିର୍ବାଚନ ଆୟୋଗ (ECI) 66 କିଲୋଗ୍ରାମ ରୂପା ସାମଗ୍ରୀ ଜବତ କରିଛି । ପରେ ଏହି ମାମଲାରେ ବଲିଉଡ ଚଳଚ୍ଚିତ୍ର ନିର୍ମାତା ବୋନି କପୁରଙ୍କ ନାମ ପଦାକୁ ଆସିଥିଲା ।
ନିର୍ବାଚନ ଆୟୋଗର ଅଧିକାରୀମାନେ ରୂପା ପାତ୍ର, ଚାମଚ, ମଗ ଏବଂ ଥାଳି ଜବତ କରିଛନ୍ତି । ଡାଭେଙ୍ଗେରେ ଗ୍ରାମୀଣ ପୋଲିସ ଷ୍ଟେସନରେ ଡ୍ରାଇଭର ସୁଲତାନ ଖାନଙ୍କ ସହ କାରରେ ଯାତ୍ରା କରୁଥିବା ହରି ସିଂଙ୍କ ବିରୋଧରେ ଏକ ମାମଲା ରୁଜୁ ହୋଇଛି ।

ପୋଲିସର ତଦନ୍ତ ବେଳେ ଜଣାପଡିଥିଲା ଯେ ଜବତ ବାସନ ନିଆଯାଉଥିବା କାର ବୋନି କପୁରଙ୍କ ମାଲିକାନାରେ ଥିବା ବାଇଭ୍ୟୁ ପ୍ରୋଜେକ୍ଟସ ଲିମିଟେଡରେ ପଞ୍ଜୀକୃତ ହୋଇଥିଲା । କାରରେ ଉପସ୍ଥିତ ଥିବା ବ୍ୟକ୍ତି ବାସନ ଗୁଡ଼ିକ ବୋନିଙ୍କ ପରିବାରର ବୋଲି କହିଛନ୍ତି ।
ଯାଞ୍ଚ ବେଳେ ହରି ସିଂହ ସ୍ୱୀକାର କରିଛନ୍ତି ଯେ ରୂପା ସାମଗ୍ରୀ ବଲିଉଡ ନିର୍ମାତା ବୋନି କପୁରଙ୍କ ପରିବାରର ।

Published On April 8, 2023