Tauktae : ସମୁଦ୍ରରେ ଫସିଲା ଭାରତୀୟ ଜାହାଜ, 146 ଲୋକଙ୍କୁ ଉଦ୍ଧାର କଲା ନୌସେନା

ମହାରାଷ୍ଟ୍ର ଉପକୂଳ ନିକଟରେ ସାଇକ୍ଲୋନିକ୍ ଝଡ଼ରେ ଫସି ରହିଥିବା ଏକ ଭାରତୀୟ ଜାହାଜ P-305 ସମୁଦ୍ରରେ ବୁଡ଼ି ଯାଇଛି । ମୁମ୍ବାଇଠାରୁ 175 କିଲୋମିଟର ଦୂରରେ ଥିବା ହୀରା ଅଏଲ୍ ଫିଲ୍ଡ ନିକଟରେ ଏହି ଦୁର୍ଘଟଣା ଘଟିଛି ।

ମୁମ୍ବାଇ : ମହାରାଷ୍ଟ୍ର ଉପକୂଳ ନିକଟରେ ସାଇକ୍ଲୋନିକ୍ ଝଡ଼ରେ ଫସି ରହିଥିବା ଏକ ଭାରତୀୟ ଜାହାଜ P-305 ସମୁଦ୍ରରେ ବୁଡ଼ି ଯାଇଛି । ମୁମ୍ବାଇଠାରୁ 175 କିଲୋମିଟର ଦୂରରେ ଥିବା ହୀରା ଅଏଲ୍ ଫିଲ୍ଡ ନିକଟରେ ଏହି ଦୁର୍ଘଟଣା ଘଟିଛି । ଭାରତୀୟ ନୌସେନା ଜାହାଜରେ ଥିବା 146 ଜଣଙ୍କୁ ଉଦ୍ଧାର କରିଥିବାବେଳେ 170 ରୁ ଅଧିକ ଲୋକ ନିଖୋଜ ଅଛନ୍ତି । ନ୍ୟୁଜ୍ ଏଜେନ୍ସି ରିପୋର୍ଟ କରିଛି ଯେ ଅନ୍ୟ ଏକ ଭାରତୀୟ ଜାହାଜ ମଧ୍ୟ ଏହି ସ୍ଥାନରେ ଫସି ରହିଛି । ଆରୋହୀଙ୍କୁ ଉଦ୍ଧାର କରିବା ପାଇଁ ଏଠାକୁ INS କୋଲକାତାକୁ ପଠାଯାଇଛି । INS କୋଲକାତା ହେଉଛି ଭାରତୀୟ ନୌସେନାର ଏକ ଜାହାଜ । ଏଥି ସହିତ, ONGC ସକାଳେ ମଧ୍ୟ ରିପୋର୍ଟ କରିଛି ଯେ ଏପର୍ଯ୍ୟନ୍ତ 148 ଜଣଙ୍କୁ ଉଦ୍ଧାର କରାଯାଇଛି । ଉଦ୍ଧାର କାର୍ଯ୍ୟ ଜାରି ରହିଛି ।

ONGC ତରଫରୁ କୁହାଯାଇଛି, ପ୍ରବଳ ସାଇକ୍ଲୋନିକ୍ ଝଡ ଯୋଗୁଁ ଆରବ ସାଗରର ପଶ୍ଚିମ ଉପକୂଳବର୍ତ୍ତୀ ଅଞ୍ଚଳରେ ONGC ପ୍ରକଳ୍ପରେ କାର୍ଯ୍ୟ କରୁଥିବା 3 ଟି ନିର୍ମାଣ ବ୍ୟାରେଜ୍ ଏବଂ ଅନୁସନ୍ଧାନ ଉଦ୍ଦେଶ୍ୟରେ ନିୟୋଜିତ କର୍ମଚାରୀମାନେ ଦୁର୍ଘଟଣାର ଶିକାର ହୋଇଛନ୍ତି । ONGC କହିଛି ଯେ, ଏହାର କର୍ମଚାରୀ ଏବଂ ଜାହାଜଗୁଡ଼ିକର ସୁରକ୍ଷାକୁ ସୁନିଶ୍ଚିତ କରିବା ପାଇଁ, ODAG (Offshore Defence Advisory Group) ଏବଂ MRCC (ସାମୁଦ୍ରିକ ଉଦ୍ଧାର ସମନ୍ୱୟ କେନ୍ଦ୍ର) ସହିତ ସମନ୍ୱୟ ରକ୍ଷା କରି ସମସ୍ତ ସମ୍ଭାବ୍ୟ ପଦକ୍ଷେପ ଗ୍ରହଣ କରାଯାଉଛି ।

English summary

Ship Drown In Arabian Sea Near Maharashtra Coast, Moe than 140 people Rescued : ONGC Update