ଡାକ୍ତରଖାନାଗୁଡ଼ିକରେ ବେଡ୍ ଅଭାବ, କରୋନା ରୋଗୀଙ୍କ ପାଇଁ ନୂତନ କ୍ଲିନିକାଲ୍ ଗାଇଡଲାଇନ ଜାରି କଲା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ
କେତେକ ସ୍ଥାନରେ ଡ୍ରଗ୍ସ ଏବଂ ଅମ୍ଳଜାନର ଅପବ୍ୟବହାର ହେବାର ଖବର ମଧ୍ୟ ଆସୁଛି । ଏହାକୁ ନେଇ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଏବଂ ଆଇସିଏମଆର ଏକ ନୂତନ କ୍ଲିନିକାଲ ଗାଇଡଲାଇନ ଜାରି କରିଛନ୍ତି ।
ନୂଆଦିଲ୍ଲୀ : ଦେଶରେ କରୋନା ସଂକ୍ରମିତ ରୋଗୀଙ୍କ ସଂଖ୍ୟା ବର୍ତ୍ତମାନ ଦୈନିକ 3 ଲକ୍ଷରୁ ଅଧିକ ଆସୁଛି । ସ୍ୱାସ୍ଥ୍ୟ ବ୍ୟବସ୍ଥା ଉପରେ ଏହାର ସିଧାସଳଖ ପ୍ରଭାବ ପଡୁଥିବାର ଦେଖିବାକୁ ମିଳୁଛି । ଡାକ୍ତରଖାନାଗୁଡ଼ିକରେ ବେଡ୍ ର ଅଭାବ ସହ କେତେକ ରାଜ୍ୟରେ ଅମ୍ଳଜାନ ଅଭାବ ନେଇ ଅଭିଯୋଗ ସାମ୍ନାକୁ ଆସୁଛି । ଏହା ବ୍ୟତୀତ କେତେକ ସ୍ଥାନରେ ଔଷଧ ଅଭାବର ସମ୍ମୁଖୀନ ହେଉଛନ୍ତି । କେତେକ ସ୍ଥାନରେ ଡ୍ରଗ୍ସ ଏବଂ ଅମ୍ଳଜାନର ଅପବ୍ୟବହାର ହେବାର ଖବର ମଧ୍ୟ ଆସୁଛି । ଏହାକୁ ନେଇ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଏବଂ ଆଇସିଏମଆର ଏକ ନୂତନ କ୍ଲିନିକାଲ ଗାଇଡଲାଇନ ଜାରି କରିଛନ୍ତି ।
1- ସାମାନ୍ୟ ଲକ୍ଷଣ ଥିବା ରୋଗୀମାନେ ଏହି ଜିନିଷ ପ୍ରତି ଧ୍ୟାନ ଦେବା ଉଚିତ୍
- ଘରେ କ୍ୱାରେଣ୍ଟିନରେ ରହିବା ସହ ସାମାଜିକ ଦୂରତା, ମାସ୍କ ଏବଂ ସ୍ୱଚ୍ଛତା ପ୍ରତି ଧ୍ୟାନ ଦିଅନ୍ତୁ । ଡାକ୍ତରଙ୍କ ସହିତ ମଧ୍ୟ ସମ୍ପର୍କ ରଖନ୍ତୁ ।
- ପ୍ରତିଦିନ ଆପଣଙ୍କ ଶରୀରର ତାପମାତ୍ରା ଏବଂ ଅମ୍ଳଜାନ ସ୍ତର ମାପନ୍ତୁ ।
- ଭଲ ଖାଦ୍ୟ ଗ୍ରହଣ କରିବା ସହ ଚାରିପାଖରେ ପରିଷ୍କାର ପରିଚ୍ଛନ୍ନତା ପ୍ରତି ଧ୍ୟାନ ଦିଅନ୍ତୁ ।
ଏହା ବ୍ୟତୀତ ଶ୍ୱାସକ୍ରିୟାରେ କଷ୍ଟ ଅନୁଭବ କଲେ, ଶରୀରରେ ଅତ୍ୟଧିକ ଜ୍ୱର ଆସିବା ସହ ପାଞ୍ଚ ଦିନରୁ ଅଧିକ ଦିନ ଧରି କାଶ ରହିଲେ କିମ୍ବା ଶରୀରରେ ଅନ୍ୟ କୌଣସି ଲକ୍ଷଣ ଅଧିକ ଦିନ ଦେଖାଦେଲେ ତୁରନ୍ତ ଡାକ୍ତରଙ୍କ ପରାମର୍ଶ କରିବାକୁ ନିର୍ଦ୍ଦେଶନାମାରେ କହିଛି ସ୍ୱାସ୍ଥ୍ୟ ମନ୍ତ୍ରାଳୟ ।
2. ମଧ୍ୟମ ଲକ୍ଷଣ ଥିବା ରୋଗୀ
- ଅମ୍ଳଜାନ ସ୍ତର କମ୍ ହେଲେ ତୁରନ୍ତ ଅମ୍ଳଜାନ ଦେବା ଉଚିତ୍ ।
- ସମୟେ ସମୟେ ଅମ୍ଳଜାନ ଚିକିତ୍ସା ଦିଆଯିବା ଉଚିତ୍ ।
- ଅମ୍ଳଜାନ ଏବଂ ଶ୍ୱାସକ୍ରିୟାର ସମସ୍ୟା ଉପରେ ନଜର ରଖିବା ।
- ଯଦି ଆବଶ୍ୟକ ହୁଏ, ତୁରନ୍ତ CXR, HRCT କରିବା ଉଚିତ୍ ।
- 24 ଘଣ୍ଟା ମଧ୍ୟରେ ରୋଗୀର CBC, KFT, LFT ପରୀକ୍ଷା କରାଯିବା ଉଚିତ୍ ।
- ଅନ୍ୟପକ୍ଷରେ, ଯଦି ଡାକ୍ତରଖାନାରେ ଭର୍ତ୍ତି ହୋଇଥିବା ରୋଗୀଙ୍କ ଅବସ୍ଥା ଗୁରୁତର, ତେବେ ତାଙ୍କୁ ରେମିଡେସିଭିର ଦିଆଯିବା ଉଚିତ୍ ।
ସରକାର ସ୍ପଷ୍ଟ କରିଛନ୍ତି ଯେ ଘରେ କ୍ୱାରେଣ୍ଟିନରେ ଥିବା ବ୍ୟକ୍ତି ଡାକ୍ତରଖାନାରେ ବିନା ଅମ୍ଳଜାନରେ ଭର୍ତ୍ତି ହୋଇଥିବା ରୋଗୀଙ୍କୁ ରେମଡେସିଭିର ଦିଆଯିବା ଉଚିତ୍ ନୁହେଁ । ଏହାବ୍ୟତୀତ ଗାଇଡଲାଇନରେ ପ୍ଲାଜମା ଥେରାପି ବିଷୟରେ ସ୍ତୃତ ଭାବରେ ବର୍ଣ୍ଣନା କରାଯାଇଛି ।
📢 Latest Clinical Guidance for Management of Adult #COVID19 Patients‼️
For more details: https://t.co/GXFhozHWVN#Unite2FightCorona #StaySafe pic.twitter.com/N64dUuATti
— #IndiaFightsCorona (@COVIDNewsByMIB) April 22, 2021
3- ଗୁରୁତର ଭାବେ ସଂକ୍ରମିତ ରୋଗୀ
- ରୋଗୀର ଅମ୍ଳଜାନ ସ୍ତରକୁ ସଂଶୋଧନ କରିବା ପାଇଁ ଆବଶ୍ୟକତା ଅନୁଯାୟୀ ଅମ୍ଳଜାନ ଦିଆଯିବା ଉଚିତ୍ ।
- ଭେଣ୍ଟିଲେଟରଗୁଡିକ ARDSnet ପ୍ରୋଟୋକଲ୍ ଅଧୀନରେ ବ୍ୟବହୃତ ହେବା ଉଚିତ ।
- ରୋଗୀର ଅବସ୍ଥାକୁ ଦୃଷ୍ଟିରେ ରଖି ତାଙ୍କର CXR, HRCT କରାଯିବା ଉଚିତ୍ ।
- ଦୈନିକ CBC, KFT, LFT ପରୀକ୍ଷା ମଧ୍ୟ କରାଯିବା ଉଚିତ୍ ।
- ଯଦି ରୋଗୀର ରିପୋର୍ଟ କରୋନା ନକାରାତ୍ମକ ଏବଂ ଅନ୍ୟ ସମସ୍ତ ପରୀକ୍ଷା ସଠିକ୍ ବୋଲି ଜଣାପଡେ, ତେବେ ଏହାକୁ ଡିସଚାର୍ଜ କରାଯାଇପାରିବ ।
Click it and Unblock the Notifications
Sign in with Google