ଛ' ଟି ରବି ଫସଲର ଏମଏସପି ବୃଦ୍ଧି କଲେ କେନ୍ଦ୍ର ସରକାର
ମାର୍କେଟିଂ ଋତୁ 2022-23 ପାଇଁ ରବି ଫସଲର ସର୍ବନିମ୍ନ ସହାୟତା ମୂଲ୍ୟ (MSP) ବୃଦ୍ଧି କରିବାକୁ କେନ୍ଦ୍ର ସରକାର ନିଷ୍ପତ୍ତି ନେଇଛନ୍ତି । ବୁଧବାର ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଅର୍ଥନୈତିକ ବ୍ୟାପାର କ୍ୟାବିନେଟ୍ କମିଟି ଏହାକୁ ଅନୁମୋଦନ କରିଛି ।
ନୂଆଦିଲ୍ଲୀ : ମାର୍କେଟିଂ ଋତୁ 2022-23 ପାଇଁ ରବି ଫସଲର ସର୍ବନିମ୍ନ ସହାୟତା ମୂଲ୍ୟ (MSP) ବୃଦ୍ଧି କରିବାକୁ କେନ୍ଦ୍ର ସରକାର ନିଷ୍ପତ୍ତି ନେଇଛନ୍ତି । ବୁଧବାର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଅର୍ଥନୈତିକ ବ୍ୟାପାର କ୍ୟାବିନେଟ୍ କମିଟି ଏହାକୁ ଅନୁମୋଦନ କରିଛି । ବୁଧବାର ସରକାର ଗହମ ସମେତ 6 ଟି ରବି ଫସଲର ସର୍ବନିମ୍ନ ସହାୟତା ମୂଲ୍ୟ (ଏମଏସପି) ବୃଦ୍ଧି କରିଛନ୍ତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଅର୍ଥନୈତିକ ବ୍ୟାପାର କ୍ୟାବିନେଟ କମିଟିର ବୈଠକରେ ଏମଏସପି ବୃଦ୍ଧି ପ୍ରସ୍ତାବକୁ ଅନୁମୋଦନ କରାଯାଇଛି । ଗହମର MSP କୁଇଣ୍ଟାଲ ପିଛା 40 ଟଙ୍କା ବୃଦ୍ଧି କରି 2015 ଟଙ୍କାକୁ ବୃଦ୍ଧି କରାଯାଇଛି । ବାର୍ଲିର ଏମଏସପି କ୍ୱିଣ୍ଟାଲ ପିଛା 35 ରୁ 1635 ଟଙ୍କା ବୃଦ୍ଧି କରାଯାଇଛି । ବୁଟର ଏମଏସପି କ୍ୱିଣ୍ଟାଲ ପ୍ରତି 130 ରୁ 5230 ଟଙ୍କାକୁ ବୃଦ୍ଧି କରାଯାଇଛି । ସେହିପରି ମସୁର ଡାଲିର ଏମଏସପି କ୍ୱିଣ୍ଟାଲ ପିଛା 400 ଟଙ୍କା ବୃଦ୍ଧି କରାଯାଇ କ୍ୱିଣ୍ଟାଲ ପିଛା 5500 ଟଙ୍କାକୁ ବୃଦ୍ଧି କରାଯାଇଛି ।
ଏଥି ସହିତ ସୋରିଷର ଏମଏସପି କୁଇଣ୍ଟାଲ ପିଛା 400 ରୁ 5050 ଟଙ୍କାକୁ ବୃଦ୍ଧି କରାଯାଇଛି । ସୂର୍ଯ୍ୟମୁଖୀର ଏମଏସପି କୁଇଣ୍ଟାଲ ପିଛା 114 ଟଙ୍କା ବୃଦ୍ଧି ସହ କ୍ୱିଣ୍ଟାଲ ପିଛା 5441 ଟଙ୍କା କରାଯାଇଛି ।
Click it and Unblock the Notifications
Sign in with Google