‘ଭାରତରେ ଦୈନିକ ହେଉଛି 1 ହଜାର କୋଟିର ଆର୍ଥିକ ଅପରାଧ'
Cyber Crime: ଆମେ ଯେତେ ଆଧୁନିକ ହେଉଛନ୍ତି, ସେହି ହିସାବରେ ଆମର ଆବଶ୍ୟକତା ବୃଦ୍ଧି ପାଉଛି । ଆଧୁନିକ ଜ୍ଞାନକୌଶଳ ମଣିଷ ଜୀବନକୁ ଆହୁରି ସରଳ କରିଦେଇଛି । ହାତ ଆଙ୍ଗୁଠି ଆଗରେ ରହିଛି ସମସ୍ତ ସୁବିଧା । ଏଥି ମଧ୍ୟରୁ ଅନଲାଇନ୍ ଅର୍ଥ କାରବାର ଆଜିର ସମୟରେ ଏକ ବଡ଼ ଉପଲବ୍ଧି । ଘରେ ବସି ହାତ ମୁଠାରେ ମୋବାଇଲରୁ କୋଟି କୋଟି ଟଙ୍କାର କାରବାର ଖୁବ୍ କମ୍ ସମୟରେ କରିପାରୁଛନ୍ତି ।
ଏହା ଆମ ମଣିଷ ସମାଜର ସମୟ ବଞ୍ଚାଇବା ସହ ଆର୍ଥିକ କାରବାର କ୍ଷେତ୍ରରେ ଉନ୍ନତି ଆଣିଛି ନିଶ୍ଚୟ । କିନ୍ତୁ ଏହାର ବିପରୀତ ଦିଗ ଅତ୍ୟନ୍ତ ଭୟାନକ । ଦିନକୁ ଦିନ ବଢୁଥିବା ସାଇବର ଠକେଇ ଏହାର ସବୁ ଠାରୁ ବଡ଼ ଉଦାହରଣ । ଅନଲାଇନ୍ କାରବାର ସମୟରେ ଆମର ତଥ୍ୟକୁ ବ୍ୟବହାର କରି ଚଞ୍ଚକତା ର ସହ ଲୁଟି ନେଉଛନ୍ତି କୋଟି କୋଟି ଟଙ୍କା । ଯାହାକୁ ଆମେ ସାଇବର ଠକେଇ ବୋଲି କହୁଛନ୍ତି ।
ସହରାଞ୍ଚଳ ଏବଂ ଗ୍ରାମୀଣ ଭାରତରେ ଡିଜିଟାଲ୍ କାରବାର ବଢିଥିବା ବେଳେ ଏହାର ସୁଯୋଗ ନେଇ ଆର୍ଥିକ ଠକେଇ କରାଯାଉଛି । ସ୍ମାର୍ଟଫୋନ୍ ବ୍ୟବହାର ଉପରେ ଭାରତ ସୁରକ୍ଷାକୁ ଭିତ୍ତିଭୂମିକୁ ଦୃଢ କରିବା ଉପରେ ଧ୍ୟାନ ଦେବାର ଆବଶ୍ୟକତା ରହିଛି ।
ଡିଜିଟାଇଜେସନ୍ ବୃଦ୍ଧି ପାଇବା ଫଳରେ ଭାରତ ଉପରେ ସାଇବର-ଆକ୍ରମଣ ବୃଦ୍ଧି ପାଇଛି । ବର୍ତ୍ତମାନ, ବ୍ୟାଙ୍କ, ପାୱାର ଗ୍ରୀଡ, ଟେଲି ଯୋଗାଯୋଗ, ଇଣ୍ଟରନେଟ ସେବା, ଡାକ୍ତରଖାନା, ପ୍ରତିରକ୍ଷା ସୁବିଧା ତଥା ସରକାରୀ ତଥା କର୍ପୋରେଟ ସଂସ୍ଥା ଭଳି ଗୁରୁତ୍ୱପୂର୍ଣ୍ଣ ଭିତ୍ତିଭୂମିକୁ ଟାର୍ଗେଟ କରାଯାଉଥିବା ଭଳି ସାଇବର ଆକ୍ରମଣର ଶିକାର ହେଉଛି ଭାରତ ।
ଫିସିଙ୍ଗ ସ୍କାମ, ରେନ୍ସୱେୟାର ଆକ୍ରମଣ, ଡାଟା ଉଲ୍ଲଂଘନ ଏବଂ ଇଣ୍ଡଷ୍ଟ୍ରିଆଲ୍-ସାଇବର କ୍ରାଇମ୍ ଭଳି ଘଟଣା କ୍ରମାଗତ ଭାବରେ ବୃଦ୍ଧି ପାଇବାରେ ଲାଗିଛି । ଏପରିକି ଭାରତରେ ଗୋଟିଏ ଦିନରେ ହଜାର କୋଟିର ଆର୍ଥିକ ଅପରାଧ ହେଉଛି । ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ରିପୋର୍ଟ ଅନୁଯାୟୀ, 2023 ର ପ୍ରାରମ୍ଭିକ ଦଶ ମାସରେ ଭାରତର ଆର୍ଥିକ କ୍ଷେତ୍ର ଏକ ଲକ୍ଷରୁ ଅଧିକ ସାଇବର ଅନୁପ୍ରବେଶର ସମ୍ମୁଖୀନ ହୋଇଥିଲା, ଅର୍ଥାତ୍ ଦିନକୁ ପ୍ରାୟ 4500 ସାଇବର ଆକ୍ରମଣ ହେଉଛି । ଫୋନ୍ ଏବଂ ୱାର୍କ-ହୋମ୍ ମଡେଲ୍ ଏବଂ କ୍ଲାଉଡ୍ ନିର୍ଭରଶୀଳତା ମାଧ୍ୟମରେ ଆକ୍ସେସ୍ ପଏଣ୍ଟ ଏବଂ କାରବାର ସହିତ, ପାରମ୍ପରିକ ସୁରକ୍ଷା ସଂରଚନାଗୁଡ଼ିକ କମ୍ ପ୍ରାସଙ୍ଗିକ ଏବଂ ପ୍ରଭାବଶାଳୀ ହୋଇଯାଉଛି ।
ଏପରିକି ସରକାରୀ ମ୍ୟୁନିସିପାଲିଟି ଏବଂ ନଗରପାଲିକା ଭଳି ତୃତୀୟ ପର୍ଯ୍ୟାୟ ସଂସ୍ଥାନ ଉପରେ ମଧ୍ୟ ସାଇବର ଆକ୍ରମଣ ହୋଇଛି । ଭାରତର ପ୍ରମୁଖ ଡାକ୍ତରଖାନା ସମେତ ବିଭିନ୍ନ ଅନୁଷ୍ଠାନ ଉପରେ ସମ୍ପ୍ରତି ହୋଇଥିବା ଆକ୍ରମଣ ଭାରତ ପାଇଁ ଏକ ଆହ୍ୱାନ । ଏହି ସୁରକ୍ଷାକୁ ସୁନିଶ୍ଚିତ କରିବା ତଥା ଚିରସ୍ଥାୟୀ ବିପଦକୁ ପ୍ରତିହତ କରିବା ପାଇଁ ପ୍ରତିବର୍ଷ ଅଡିଟ୍ ଦ୍ୱାରା ସମର୍ଥିତ ଏକ ସାଇବର ନିରାପତ୍ତା ବ୍ୟବସ୍ଥା ଲାଗୁ କରିବାର ଆବଶ୍ୟକତା ରହିଛି ।
CERT-In ଅନୁଯାୟୀ, ଗତ କିଛି ବର୍ଷ ମଧ୍ୟରେ ସାଇବର ନିରାପତ୍ତା ଘଟଣା ତିନି ଗୁଣ ବୃଦ୍ଧି ପାଇଛି । ଜାତୀୟ ସାଇବର ସୁରକ୍ଷା ନୀତି, ଜାତୀୟ ଗୁରୁତ୍ୱପୂର୍ଣ୍ଣ ସୂଚନା ଭିତ୍ତିଭୂମି ସୁରକ୍ଷା କେନ୍ଦ୍ର (NCIIPC) ଇତ୍ୟାଦି ପଦକ୍ଷେପ ମାଧ୍ୟମରେ ଭାରତ ସରକାର ଏହାର ସାଇବର ନିରାପତ୍ତା କ୍ଷମତାକୁ ମଜବୁତ କରିବା ପାଇଁ ବିଭିନ୍ନ ଉଦ୍ୟମ ଜାରି ରଖିଛନ୍ତି । 2023 ରଣନୈତିକ ମାର୍ଗଦର୍ଶନ, ସଂଶୋଧିତ ଗଠନ ଏବଂ ସଂସ୍ଥାମାନଙ୍କୁ ସାଇବର ନିରାପତ୍ତା ପାଇଁ ଏକ ସକ୍ରିୟ ଆଭିମୁଖ୍ୟ ଗ୍ରହଣ କରିଛନ୍ତି । ଜଟିଳ ସେକ୍ଟରରେ କାର୍ଯ୍ୟ କରୁଥିବା ସଂସ୍ଥାଗୁଡ଼ିକ ପାଇଁ ସେମାନଙ୍କର ଭିତ୍ତିଭୂମି, ପରିଚାଳନା ଢାଞ୍ଚାକୁ ବିକଶିତ କରିବା ପାଇଁ NCRF ଲକ୍ଷ୍ୟ ରଖିଛି ଯାହା ଆସୁଥିବା ବିପଦକୁ ଟାଳିବା ପାଇଁ ଏକ ଚିରସ୍ଥାୟୀ ଆଭିମୁଖ୍ୟ ହୋଇପାରିବ ।
ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ ମଧ୍ୟ ଦେଶବ୍ୟାପୀ 85 ମିଲିୟନ୍ ଡଲାରର ସୂଚନା ସୁରକ୍ଷା ଶିକ୍ଷା ଏବଂ ସଚେତନତା କାର୍ଯ୍ୟକ୍ରମ ଆରମ୍ଭ କରି ବିଦ୍ୟାଳୟ, କଲେଜ ଏବଂ ସରକାରୀ ତଥା ବେସରକାରୀ ସଂସ୍ଥାଗୁଡ଼ିକରେ ସାଇବର ନିରାପତ୍ତା ସଚେତନତା ତଥା ଶିକ୍ଷା ବିସ୍ତାର କରିଛି ।
ସାଇବର ଠକେଇ କେବଳ ଭାରତ ନୁହଁ ସାରା ବିଶ୍ୱରେ କାୟା ବିସ୍ତାର କରିଛି । ସାଇବର କ୍ରାଇମ୍ ଜରିଆରେ ଆମ ଦେଶରେ ଦିନକୁ ପ୍ରାୟ ଏକ ହଜାର କୋଟି ଟଙ୍କାର ଠକେଇ ହେଉଛି ବୋଲି କହିଛନ୍ତି ଯୁକ୍ତରାଷ୍ଟ୍ର ଆମେରିକାର ପ୍ରଯୁକ୍ତିବିଦ୍ୟା କମ୍ପାନୀ ଡାଟା ସେଫ୍ ଗାର୍ଡର ସହ ପ୍ରତିଷ୍ଠାତା ଶ୍ରୀ ସାହୁ । ଶ୍ରୀ ସାହୁ ଆହୁରି କହିଛନ୍ତି, ସାଇବର କ୍ରାଇମ୍ ଜରିଆରେ ଆର୍ଥିକ ଠକେଇ ଉପରେ ଆମର ସଚେତନତାର ଅଭାବ ହିଁ ଏହାର ମୁଖ୍ୟ କାରଣ । ଆମେ ଇଣ୍ଟରନେଟ୍ ରେ ଆର୍ଥିକ କାରବାର କରିବା ବେଳେ କିମ୍ବା ଅନ୍ୟ କୌଣସି ଜରିଆରେ ଆମର ବ୍ୟାଙ୍କ ବିବରଣୀ ଓ ମୋବାଇଲ ନମ୍ବର ବ୍ୟବହାର କରି ଅତି ଚାଲାକର ସହ ଟଙ୍କା ଲୁଟ୍ କରନ୍ତି ସାଇବର ଠକ ।
ଏପରିକି 'ଫିସିଂ ଆଟାକ୍' ମାଧ୍ୟମରେ ଆପଣଙ୍କୁ ଅବିକଳ ବ୍ୟାଙ୍କ ମେସେଜ୍ ଭଳି ମେସେଜରେ ଏକ ଲିଙ୍କ ପଠାଇବେ ଠକ । ଆପଣ ଏହାକୁ ଅସଲ ବ୍ୟାଙ୍କ ମେସେଜ ଭାବି ଲିଙ୍କ ଉପରେ କ୍ଲିକ୍ କଲେ ଆପଣଙ୍କ ଆକାଉଣ୍ଟର ସମସ୍ତ ତଥ୍ୟ ନେବା ସହ ଠକମାନେ ଟଙ୍କା ଲୁଟି ନିଅନ୍ତି । ଏହା ସହ ସାଇବର ଅପରାଧୀ ମାନେ ଲୋକଙ୍କ ମାନସିକତାକୁ ବୁଝି ତାଙ୍କୁ ଜାଲରେ ଫସାଇବାକୁ ଚେଷ୍ଟା କରନ୍ତି । ବିଶେଷ କରି ବରିଷ୍ଠ ନାଗରିକଙ୍କୁ ଟାର୍ଗେଟ୍ କରନ୍ତି ସାଇବର ଠକ । ଏହା ସହ ସମାଜରେ ପ୍ରତିଷ୍ଠିତ ବ୍ୟକ୍ତିଙ୍କ ଉପରେ ନଜର ରଖନ୍ତି ସାଇବର ଅପରାଧୀ । ସୁଯୋଗର ଫାଇଦା ନେଇ ସେମାନଙ୍କ ପ୍ରତିଷ୍ଠା ଉପରେ ଆଞ୍ଚ୍ ଆଣିବା ଭଳି ଧମକ ଦେଇ ମୋଟା ଅଙ୍କର ଟଙ୍କା ଲୁଟି ନିଅନ୍ତି ।
ଜାଲ୍ ଆଧାର, ପାନ୍ କିମ୍ବା ଲାଇସେନ୍ସ ନମ୍ବର ଭଳି ପରିଚୟ ପତ୍ରରୁ ଏହି ସାଇବର ଠକ ମାନେ ତାଙ୍କର କାମ ଆରମ୍ଭ କରନ୍ତି । ସାଇବର ଅପରାଧୀ ଏହାକୁ ସହଜରେ ପାଇପାରୁଥିବାରୁ ଏହା ମାଧ୍ୟରେ ଡାଟାବେସରେ ହ୍ୟାକ୍ କରିଥାନ୍ତି । ଏହି ସମସ୍ତ ତଥ୍ୟ ବ୍ୟବହାର କରି କ୍ରେଡିଟ୍ ହିଷ୍ଟ୍ରି ପ୍ରସ୍ତୁତ କରିଥାନ୍ତି । କ୍ରେଡିଟ୍ ପ୍ରୋଫାଇଲ୍ ପ୍ରତିଷ୍ଠା କରିବା ପରେ, ସେମାନେ ଅନୁମୋଦନ ନ ପାଇବା ପର୍ଯ୍ୟନ୍ତ ଏକାଧିକ ଆର୍ଥିକ ପ୍ରତିଷ୍ଠାନଗୁଡିକରେ କ୍ରେଡିଟ୍ କାର୍ଡ ପାଇଁ ଆବେଦନ କରିଥାନ୍ତି ।
ସାଇବର କ୍ରାଇମ ଓ ଆର୍ଥିକ ଠକେଇରୁ ରକ୍ଷା ପାଇବା ପାଇଁ ପ୍ରଥମେ ଆମକୁ ସଚେତନ ହେବାକୁ ପଡ଼ିବ । ଯଦି କୌଣସି ସାଇବର ଠକେଇର ଶିକାର ହେଉଛନ୍ତି ତେବେ ପୋଲିସ୍ ର ଅଭିଯୋଗ କରିବାକୁ ମଧ୍ୟ ପରାମର୍ଶ ଦେଇଛନ୍ତି ଶ୍ରୀ ସାହୁ ।
Click it and Unblock the Notifications
Sign in with Google