ମୋଦିଙ୍କ ମିଶନ କର୍ଣ୍ଣାଟକ:ଆଜି କରିବେ ଦୁଇଟି ବନ୍ଦେ ଭାରତ ଏକ୍ସପ୍ରେସର ଶୁଭାରମ୍ଭ

Updated: Saturday, April 8, 2023, 16:43 [IST]

'ବନ୍ଦେ ଭାରତ ଏକ୍ସପ୍ରେସ' PM Modi visit Karnataka: କର୍ଣ୍ଣାଟକ ବିଧାନସଭା ନିର୍ବାଚନ ୨୦୨୩ ଏବଂ ଆସନ୍ତା ବର୍ଷ ଲୋକସଭା ନିର୍ବାଚନ ହେବା ପାଇଁ ଯାଉଛି । ଯାହାକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ପୁଣି କର୍ଣ୍ଣାଟକ ଯାତ୍ରା କରିବେ । ୮ ଓ ୯ ଏପ୍ରିଲରେ ପ୍ରଧାନମନ୍ତ୍ରୀ ମୋଦି ଦକ୍ଷିଣ ଭାରତର ତିନୋଟି ରାଜ୍ୟ ଗସ୍ତ କରିବେ। ଏହି ଦୁଇ ଦିନରେ ପ୍ରଧାନମନ୍ତ୍ରୀ ମୋଦି ତେଲେଙ୍ଗାନା ଏବଂ ତାମିଲନାଡୁ ଗସ୍ତ କରିବା ନେଇ ସୂଚନା ରହିଛି ।

ପ୍ରଧାନମନ୍ତ୍ରୀ ନିଜ ଗସ୍ତ ସମୟରେ ଉଭୟ ରାଜ୍ୟକୁ ଅନେକ ଭେଟି ଦେବା ନେଇ ସୂଚନା ରହିଛି । ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ ନିର୍ବାଚନ ତାରିଖ ଘୋଷଣା ପରେ ଏହା ପ୍ରଧାନମନ୍ତ୍ରୀଙ୍କର ପ୍ରଥମ କର୍ଣ୍ଣାଟକ ଗସ୍ତ ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଦେଶକୁ ୨ଟି 'ବନ୍ଦେ ଭାରତ ଏକ୍ସପ୍ରେସ' ଟ୍ରେନର ଶୁଭାରମ୍ଭ କରିବେ । ଶନିବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସିକନ୍ଦରାବାଦ-ତିରୁପତି ଭନ୍ଦେ ଭାରତ ଏକ୍ସପ୍ରେସ ଏବଂ ଚେନ୍ନାଇ-କୋଏମଭଟୁର 'ବନ୍ଦେ ଭାରତ ଏକ୍ସପ୍ରେସ' ଶୁଭାରମ୍ଭ କରିବେ ।

ଆଜି ପ୍ରଧାନମନ୍ତ୍ରୀ ମୋଦୀ ସିକନ୍ଦରାବାଦ-ରେଳ ଷ୍ଟେସନରେ ସିକନ୍ଦରାବାଦ-ତିରୁପତି ବନ୍ଦେ ଭାରତ ଏକ୍ସପ୍ରେସକୁ ସବୁଜ ପତକା ଦେଖାଇ ଶୁଭାରମ୍ଭ କରିବା ସହ ଦେଶ ଉଦ୍ଦେଶ୍ୟରେ ଉତ୍ସର୍ଗ କରିବେ ପ୍ରଧାନମନ୍ତ୍ରୀ । ତିନିମାସ ମଧ୍ୟରେ ଦୁଇଟି ବନ୍ଦେ ଭାରତ ଏକ୍ସପ୍ରେସ୍ ତେଲେଙ୍ଗାନାରୁ ଆରମ୍ଭ ହୋଇଛି ।

ସୂଚନା ଅନୁସାରେ, ପ୍ରଧାନମନ୍ତ୍ରୀ ମୋଦି ପ୍ରଥମେ ତେଲେଙ୍ଗାନା ଗସ୍ତ କରିବେ । ଏପ୍ରିଲ୍ ୮, ୨୦୨୩ ସକାଳ ପ୍ରାୟ ୧୧:୪୫ରେ ମୋଦି ପ୍ରଥମେ ତେଲେଙ୍ଗାନା ସିକନ୍ଦରାବାଦ ରେଳ ଷ୍ଟେସନରେ ପହଞ୍ଚି ସେଠାରେ ସିକନ୍ଦରାବାଦ-ତିରୁପତି ବନ୍ଦେ ଭାରତ ଏକ୍ସପ୍ରେସର ଶୁଭାରମ୍ଭ କରିବେ ।

ଏହା ପରେ,ଦିନ ପ୍ରାୟ ୧୨.୧୫ ମିନିଟରେ ପ୍ରଧାନମନ୍ତ୍ରୀ ମୋଦି ହାଇଦ୍ରାବାଦର ପ୍ୟାରେଡ ଗ୍ରାଉଣ୍ଡରେ ଆୟୋଜିତ ଏକ ସାଧାରଣ ସଭାରେ ଯୋଗଦେବେ। ଏହି ସମୟ ମଧ୍ୟରେ ସେ AIIMS ବିବିନାଗରର ଭିତ୍ତି ପ୍ରସ୍ତର, ପାଞ୍ଚଟି ଜାତୀୟ ରାଜପଥ ପ୍ରକଳ୍ପ ଏବଂ ହାଇଦ୍ରାବାଦର ସିକନ୍ଦରାବାଦ ରେଳ ଷ୍ଟେସନର ପୁନଃ ନିର୍ମାଣ କାର୍ଯ୍ୟର ଶିଳାନ୍ୟାସ କରିବେ । ଏହା ବ୍ୟତୀତ ରେଳ ସହ ଜଡିତ ଅନ୍ୟାନ୍ୟ ବିକାଶମୂଳକ ପ୍ରକଳ୍ପର ଭେଟି ରାଜ୍ୟକୁ ଦେବେ ପ୍ରଧାନମନ୍ତ୍ରୀ । ସେହିପରି ପ୍ରଧାନମନ୍ତ୍ରୀ ମୋଦି ଚେନ୍ନାଇରେ ଶ୍ରୀ ରାମକୃଷ୍ଣ ମଠର ୧୨୫ ତମ ବାର୍ଷିକ ଉତ୍ସବରେ ଯୋଗଦେବେ ।