ବୁଥ ବାହୁଡ଼ା ମତ କହୁଛି ମହାୟୁତୀ ମେୟର, ଆଉ କିଛି ସମୟ ପରେ ମହାରାଷ୍ଟ୍ରରେ ଆସିବ BMC ଫଳାଫଳ

Published: Friday, January 16, 2026, 8:37 [IST]

ମହାରାଷ୍ଟ୍ରର ୨୯ ନଗର ନିଗମରେ ଗୁରୁବାର ଭୋଟ ଶେଷ ହୋଇଛି । ବୃହନ୍ମୁମ୍ବାଇ ନଗର ନିଗମ (ବିଏମ୍ସି) ସମେତ ୨୯ଟି ନଗର ନିଗମରେ ମତଦାନ ହୋଇଛି । ଆଉ କିଛି ସମୟ ପରେ ଫଳାଫଳ ଆସିବା ଆରମ୍ଭ ହେବ । ତେବେ ଭୋଟିଂ ଶେଷ ହେବା ପରେ ଗୁରୁବାର ସନ୍ଧ୍ୟାରେ ବିଏମ୍ସିର ଏକ୍ଜିଟ୍ ପୋଲ୍ ସାମ୍ନାକୁ ଆସିଥିଲା । ଯାହା ବିଜେପି ଏବଂ ସହଯୋଗୀ କ୍ୟାମ୍ପରେ ଖୁସି ଆଣିଛି । ହେଲେ ପ୍ରକୃତ ରେଜଲ୍ଟ ଶୁକ୍ରବାର ସାମ୍ନାକୁ ଆସିବ ।

ଏକଜିଟ୍ ପୋଲରେ ମହାୟୁତି ଆଗରେ

୩ଟି ଏକ୍ଜିଟ୍ ପୋଲ୍ରେ ବିଜେପି ନେତୃତ୍ୱାଧୀନ ମେଣ୍ଟ ମହାୟୁତିକୁ ବହୁମତ ମିଳିବା ନେଇ ଅନୁମାନ କରାଯାଇଛି । ବିଜେପି ଓ ଏକନାଥ ସିନ୍ଦେଙ୍କ ଶିବସେନାକୁ ୧୩୦ରୁ ୧୫୦ ଆସନ ମିଳିବା ସମ୍ଭାବନା ରହିଛି । ବହୁମତ ପାଇଁ ୧୧୪ ଆସନ ଆବଶ୍ୟକ । ସେହିଭଳି କଂଗ୍ରେସ ନେତୃତ୍ୱାଧୀନ ମେଣ୍ଟକୁ ୬୦ ଆସନ ମିଳିପାରେ । ଅନ୍ୟମାନଙ୍କ ଖାତାକୁ ୫ରୁ ୭ଟି ଆସନ ଯାଇପାରେ । ତେବେ ଶୁକ୍ରବାର ଭୋଟ ଗଣତି ହୋଇ ଫଳାଫଳ ସାମ୍ନାକୁ ଆସିବ ।

ରାଜ୍ୟ ନିର୍ବାଚନ କମିଶନର ଦିନେଶ ୱାଘମାରେ କହିଛନ୍ତି,ସମସ୍ତ ନଗର ନିଗମରେ ସନ୍ଧ୍ୟା ୫ଟା ୩୦ରେ ଭୋଟିଂ ଶେଷ ହୋଇଛି । ପ୍ରାୟ ୫୦% ମତଦାନ ହୋଇଥିବା ଅନୁମାନ । ମହାରାଷ୍ଟ୍ରରେ ବିଏମ୍ସି ବ୍ୟତୀତ ପୁନେ,ନାଗପୁର,ଥାନେ,ନଭି ମୁମ୍ବାଇ,ନାସିକ,ସୋଲାପୁର,ଲାତୁର,ପିମ୍ପରି-ଚିଞ୍ଚୱାଡ଼ା ଭଳି ୨୯ ନଗର ନିଗମରେ ମତଦାନ ହୋଇଛି ।

Published On January 16, 2026