'କମିଶନ ବିନା ଉତ୍ତରାଖଣ୍ଡରେ କିଛି ହୁଏ ନାହିଁ...', ନିଜ ସରକାର ଉପରେ ବର୍ଷିଲେ ପୂର୍ବତନ ମୁଖ୍ୟମନ୍ତ୍ରୀ
ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେପି ନେତା ତିରଥ ସିଂହ ରାୱତଙ୍କ ଏକ ଭିଡିଓ ଭାଇରାଲ ହେବାରେ ଲାଗିଛି । ଏହି ଭିଡିଓରେ ତିରଥ ସିଂହ ରାୱତ ନିଜ ସରକାର ଉପରେ ଅଭିଯୋଗ ଆଣିଛନ୍ତି ।
ଦେହରାଡୁନ୍ : ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେପି ନେତା ତିରଥ ସିଂହ ରାୱତଙ୍କ ଏକ ଭିଡିଓ ଭାଇରାଲ ହେବାରେ ଲାଗିଛି । ଏହି ଭିଡିଓରେ ତିରଥ ସିଂହ ରାୱତ ନିଜ ସରକାର ଉପରେ ଅଭିଯୋଗ ଆଣିଛନ୍ତି । ଏହି ଭିଡିଓରେ ତିରଥ ସିଂ ରାୱତ କହିଛନ୍ତି ଯେ ପିସି(କମିଶନେ) ବିନା ରାଜ୍ୟରେ କୌଣସି କାମ ହୁଏ ନାହିଁ ।
ତିରଥ ସିଂହ କହିଛନ୍ତି ଯେ ସେ ଏହା କହିବା ଉଚିତ୍ ନୁହେଁ କିନ୍ତୁ ସେ ଏହା କହୁଛନ୍ତି । ତେବେ ଏହି ଭିଡିଓ କେବେ ଓ କେଉଁଠାରେ ସୁଟ୍ ହୋଇଛି ତାହା ଜଣା ପଡିନାହିଁ । ଭିଡିଓରେ ରାୱତ ଏକ କୋଠରୀରେ ବସି ରାଜ୍ୟରେ "କମିଶନଖୋରୀ" ବିଷୟରେ କଥାବାର୍ତ୍ତା ହେଉଥିବା ଦେଖିବାକୁ ମିଳିଛି ।
ତିରଥ ସିଂ ରାୱତ କହିଛନ୍ତି, "ଯଦିଓ ମୁଁ ମୁଖ୍ୟମନ୍ତ୍ରୀ ଥିଲି ଏବଂ ବୋଧହୁଏ ମୁଁ ଏହା କହିବା ଉଚିତ୍ ନୁହେଁ କିନ୍ତୁ ଏହା କହିବାକୁ କୌଣସି ଦ୍ୱିଧା ହେଉ ନାହିଁ ଯେ, ଯେତେବେଳେ ଆମେ ଉତ୍ତରପ୍ରଦେଶରୁ ଅଲଗା ହେଲେ, ସେତେବେଳେ ସାଧାରଣ କାର୍ଯ୍ୟ ପାଇଁ 20 ପ୍ରତିଶତ କମିଶନ ରହିଥିଲ। । ଅଲଗା ହେବା ପରେ ଉତ୍ତରାଖଣ୍ଡରେ କମିଶନ ଶେଷ ହେବା ଉଚିତ୍ । କିନ୍ତୁ ଏହା ଏବେ ମଧ୍ୟ ରାଜ୍ୟରେ ଚାଲିଛି ଏବଂ ସାରା ରାଜ୍ୟରେ 20 ପ୍ରତିଶତ କମିଶନ ନିଆଯାଉଛି ।
ଆପଣଙ୍କୁ କହି ରଖୁଛୁ, 2000 ମସିହାରେ ଉତ୍ତରପ୍ରଦେଶରୁ ଉତ୍ତରାଖଣ୍ଡ ଅଲଗା ହୋଇଥିଲା । ପୌଡ଼ୀରୁ ବିଜେପି ସାଂସଦ ତିରଥ ସିଂହ ରାୱତଙ୍କ କହିଛନ୍ତି ଯେ ମୋତେ କୁହାଯାଇଛି ଯେ ପିସି(କମିଶନ) ନ ଦେଇ ଏଠାରେ (ଉତ୍ତରାଖଣ୍ଡ) କେହି କାମ ପାଆନ୍ତି ନାହିଁ, ପ୍ରତ୍ୟେକ କାର୍ଯ୍ୟ ପାଇଁ ଏକ ନିର୍ଦ୍ଦିଷ୍ଟ ପ୍ରତିଶତ ରହିଛି । ଏଥିପାଇଁ କାହାରିକୁ ଦାୟୀ କରାଯାଇପାରିବ ନାହିଁ ବୋଲି କହିଛନ୍ତି । ତିରଥ ରାୱତ କହିଛନ୍ତି, "ଏହା ଏକ ମାନସିକତା । ଯେତେବେଳେ ଆମେ ଆମ ରାଜ୍ୟକୁ ଆମ ପରିବାର ଭାବରେ ଦେଖିବା ଆରମ୍ଭ କରିବା ସେତେବେଳେ ଏହା ଦୂର ହୋଇଯିବ ।"
Click it and Unblock the Notifications
Sign in with Google