ଆଜି ଶେଷ ହୋଇପାରେ ସଂସଦ ଶୀତ ଅଧିବେଶନ ! ଜାଣନ୍ତୁ ଲୋକସଭା-ରାଜ୍ୟସଭାରେ ଦିନସାରା କାର୍ଯ୍ୟସୂଚୀ
ସଂସଦର ଶୀତକାଳୀନ ଅଧିବେଶନ ଆଜି ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ମୁଲତବୀ ହୋଇପାରେ । ଏହାପୂର୍ବରୁ ଡିସେମ୍ବର 23 ପର୍ଯ୍ୟନ୍ତ ଏହି ଅଧିବେଶନ ହେବା ନେଇ ପ୍ରସ୍ତାବ ଦିଆଯାଇଥିଲା, କିନ୍ତୁ କୁହାଯାଉଛି ଯେ ସରକାର ଏହି ଅଧିବେଶନକୁ ଗୋଟିଏ ଦିନ ପୂର୍ବରୁ ଶେଷ କରିପାରନ୍ତି ।
ନୂଆଦିଲ୍ଲୀ : ନିଲମ୍ବିତ 12 ଜଣ ରାଜ୍ୟସଭା ସାଂସଦ ତଥା ଲକ୍ଷ୍ମୀପୁର ଖେରୀ ମାମଲାରେ ଗୃହମନ୍ତ୍ରୀ ଅଜୟ ମିଶ୍ର ଟେନିଙ୍କ ଇସ୍ତଫା ଦାବିରେ ସଂସଦର ଶୀତକାଳୀନ ଅଧିବେଶନରେ ବିରୋଧୀଙ୍କ ହଙ୍ଗାମା ଜାରି ରହିଛି । ତେବେ ସୂତ୍ରରୁ ପ୍ରକାଶ ଯେ ସଂସଦର ଶୀତକାଳୀନ ଅଧିବେଶନ ଆଜି ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ମୁଲତବୀ ହୋଇପାରେ । ଏହାପୂର୍ବରୁ ଡିସେମ୍ବର 23 ପର୍ଯ୍ୟନ୍ତ ଏହି ଅଧିବେଶନ ହେବା ନେଇ ପ୍ରସ୍ତାବ ଦିଆଯାଇଥିଲା, କିନ୍ତୁ କୁହାଯାଉଛି ଯେ ସରକାର ଏହି ଅଧିବେଶନକୁ ଗୋଟିଏ ଦିନ ପୂର୍ବରୁ ଶେଷ କରିପାରନ୍ତି । ଏହାପୂର୍ବରୁ ମଙ୍ଗଳବାର ଦିନ ଟିଏମସି ସାଂସଦ ଡେରେକ ଓ'ବ୍ରାଏଇନ୍ ଅଧ୍ୟକ୍ଷଙ୍କ ଉପରକୁ ନିୟମ ପୁସ୍ତକ ଫିଙ୍ଗିଥିବାରୁ ସମଗ୍ର ଅଧିବେଶନ ପାଇଁ ନିଲମ୍ବିତ ହୋଇଛନ୍ତି । ନିର୍ବାଚନ ସଂସ୍କାର ବିଲ୍ ବିରୋଧରେ ଡେରେକ ଓ'ବ୍ରାଇନ୍ ବିରୋଧ କରିଥିଲେ । ଆସନ୍ତୁ ଜାଣିବା ଆଜି ସଂସଦର ଉଭୟ ଗୃହରେ କ'ଣ ରହିଛି କାର୍ଯ୍ୟସୂଚୀ ।
ଆଜି ଲୋକସଭାରେ ଜଳବାୟୁ ପରିବର୍ତ୍ତନ ଉପରେ ଆଲୋଚନା କରାଯାଇପାରେ । ଏହା ବ୍ୟତୀତ କଂଗ୍ରେସ ନେତା ଅଧୀର ରଂଜନ ଚୌଧୁରୀ ଆଜି ଲୋକସଭାରେ ମହଙ୍ଗା ବୃଦ୍ଧି ପ୍ରସଙ୍ଗ ଉଠାଇବେ । ସୂଚନାଯୋଗ୍ୟ ଯେ, ଲକ୍ଷ୍ମୀପୁର ଖେରୀ ମାମଲାରେ ଏସଆଇଟିର ରିପୋର୍ଟ ଆସିବା ପରେ ବିରୋଧୀଦଳ ଗୃହମନ୍ତ୍ରୀ ଅଜୟ ମିଶ୍ର ଟେନିଙ୍କ ଇସ୍ତଫା ଦାବି କରିଆସୁଛନ୍ତି । ମଙ୍ଗଳବାର ଦିନ ବିରୋଧୀ ସାଂସଦମାନେ ମଧ୍ୟ ଟେନିଙ୍କ ଇସ୍ତଫା ଦାବି କରି ସଂସଦ ଗୃହରୁ ବିଜୟ ଛକ ପର୍ଯ୍ୟନ୍ତ ବିରୋଧ ପ୍ରଦର୍ଶନ କରିଥିଲେ । ଏହି ସମୟରେ ଗଣମାଧ୍ୟମ ସହ କଥାବାର୍ତ୍ତା ବେଳେ କଂଗ୍ରେସ ସାଂସଦ ରାହୁଲ ଗାନ୍ଧୀ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲକ୍ଷ୍ମୀପୁର ମାମଲାରେ କେନ୍ଦ୍ର ଗୃହମନ୍ତ୍ରୀଙ୍କୁ ରକ୍ଷା କରୁଛନ୍ତି, ଆଜି ନହେଲେ କାଲି ତେନିଙ୍କୁ ଜେଲ ଯିବାକୁ ପଡ଼ିବ ।
ପ୍ରବଳ ଉତ୍ତେଜନା ମଧ୍ୟରେ ମଙ୍ଗଳବାର ଦିନ ରାଜ୍ୟସଭାରେ ନିର୍ବାଚନ ସଂସ୍କାର ବିଲ୍ ପାରିତ ହୋଇଛି । ଆଜି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଆଲୋଚନା ପାଇଁ ରାଜ୍ୟସଭାରେ ଏହି ବିଲ୍ ଉପସ୍ଥାପନ କରିବେ, ଯେଉଁଥିରେ 2021-2022 ଆର୍ଥିକ ବର୍ଷର ସେବା ପାଇଁ ଭାରତର ଏକୀଭୂତ ପାଣ୍ଠିରୁ ସରକାରଙ୍କୁ ଅଧିକ ଅର୍ଥ ପ୍ରଦାନ କରିବାକୁ କ୍ଷମତା ଦିଆଯିବ । ଏହି ବିଲ୍ ଲୋକସଭାରେ ପାରିତ ହୋଇସାରିଛି । ଏହା ବ୍ୟତୀତ ବିରୋଧୀଦଳ ପୁଣିଥରେ ରାଜ୍ୟସଭାରେ ନିଲମ୍ବିତ ହୋଇଥିବା 12 ଜଣ ସାଂସଦଙ୍କ ପ୍ରସଙ୍ଗ ଉଠାଇପାରନ୍ତି ।
Click it and Unblock the Notifications
Sign in with Google