ଘର ବାହୁଡ଼ିବେ ମୁକୁଲ ରୟ ! କହିଲେ, - 'ମୁଁ ବିଜେପି ବିଧାୟକ ଥିଲେ ଏବଂ ବିଜେପିରେ ରହିବାକୁ ଚାହୁଁଛି'

Published: Wednesday, April 19, 2023, 13:14 [IST]

କୋଲକାତା : ବରିଷ୍ଠ ଟିଏମସି ନେତା ମୁକୁଲ ରୟଙ୍କୁ ନେଇ ବଙ୍ଗଲା ରାଜନୀତିରେ ହଇଚଇ ଦେଖାଦେଇଛି । ମୁକୁଲ ପୁଣି ବିଜେପିରେ ସାମିଲ ହେବା ନେଇ ଚର୍ଚ୍ଚା ଜୋର ଧିରିଛି । ଏଥି ମଧ୍ୟରେ ଦିଲ୍ଲୀ ଗସ୍ତରେ ଥିବା ମୁକୁଲ ଆଜି ଅମିତ ଶାହାଙ୍କୁ ଭେଟିବେ ବୋଲି ମଧ୍ୟ ଜଣାପଡ଼ିଛି ।

ନିଜକୁ ବିଜେପି ବିଧାୟକ ଭାବରେ ସମ୍ବୋଧନ କରି ମୁକୁଲ ଲୋକଙ୍କୁ ଚକ୍କିତ କରିଦେଇଛନ୍ତି । ଏକ ବଙ୍ଗଳା ନ୍ୟୁଜ୍ ଚ୍ୟାନେଲକୁ ସାକ୍ଷାତକାର ଦେବା ସମୟରେ ମୁକୁଲ ରୟ କହିଛନ୍ତି ଯେ 'ମୁଁ ଜଣେ ବିଜେପି ବିଧାୟକ, ମୁଁ ତାଙ୍କ ସହ ରହିବାକୁ ଚାହେଁ, ମୁଁ ଅମିତ ଶାହା ଏବଂ ଜେପି ନଡ୍ଡାଙ୍କ ସହ କଥା ହେବାକୁ ଚାହେଁ, ମୁଁ କିଛି ସମୟ ଅସୁସ୍ଥ ଥିଲି, ତେଣୁ ରାଜନୀତିଠାରୁ ଦୂରରେ ଥିଲି । କିନ୍ତୁ ବର୍ତ୍ତମାନ ମୁଁ ପୁନର୍ବାର ସକ୍ରିୟ ହୋଇସାରିଛି ଏବଂ ସ୍ପଷ୍ଟ ଭାବରେ କହିବାକୁ ଚାହେଁ ଯେ ମୋର ଟିଏମସି ସହ କୌଣସି ସମ୍ପର୍କ ନାହିଁ ।'

ଆପଣଙ୍କୁ କହି ରଖୁଛୁ ଯେ ଟିଏମସିର ପ୍ରତିଷ୍ଠାତା ସଦସ୍ୟ ତଥା ସିଏମ ମମତା ବାନାର୍ଜୀଙ୍କ ଅତି ନିକଟତର ମୁକୁଲ ରୟ 2017 ମସିହାରେ ବିଜେପିରେ ଯୋଗ ଦେଇଥିଲେ । ଦଳ ମଧ୍ୟ ମୁକୁଲ ରୟଙ୍କୁ ଜାତୀୟ ଉପାଧ୍ୟକ୍ଷ କରିଥିଲା । ଏପରିକି 2021 ମସିହାରେ ସେ ବିଜେପି ଟିକେଟ୍ ରେ ବଙ୍ଗଳା ବିଧାନସଭା ନିର୍ବାଚନରେ ଜିତିଥିବା ମୁକୁଲ ପରେ ଟିଏମଏସିରେ ଯୋଗ ଦେଇଥିଲେ ।

ଗୋଟିଏ ଦିନ ପୂର୍ବରୁ ମୁକୁଲଙ୍କ ପରିବାର ସଦସ୍ୟ ଦାବି କରିଥିଲେ ଯେ ମୁକୁଲ ରୟ ନିଖୋଜ ଅଛନ୍ତି । ତାଙ୍କର ମାନସିକ ଅବସ୍ଥା ଭଲ ନୁହେଁ । ଏହାର ଉତ୍ତରରେ ରୟ କହିଥିଲେ ଯେ ବ୍ୟକ୍ତିଗତ କାମ ହେତୁ ସେ ଦିଲ୍ଲୀ ଯାଇଥିଲେ, ସେ ନିଖୋଜ ହୋଇନଥିଲେ । ତେବେ ତାଙ୍କ ପରିବାର ସଦସ୍ୟ ବିଜେପିକୁ ଟାର୍ଗେଟ କରୁଛନ୍ତି ଯେ ସେମାନେ ଅସୁସ୍ଥ ଟିଏମଏସି ନେତାଙ୍କୁ ବ୍ୟବହାର କରି ଖରାପ ରାଜନୀତି କରୁଛନ୍ତି ବୋଲି କହିଛନ୍ତି ।

ତାଙ୍କ ପୁଅ ଶୁଭ୍ରାଂଶୁ ରୟ କହିଥିଲେ ଯେ ତାଙ୍କ ପିତା 'ଡିମେନ୍ସିଆ ଏବଂ ପାର୍କିନ୍ସନ୍ ରୋଗରେ ପୀଡିତ' । ସେ କ'ଣ କହୁଛନ୍ତି ଏବଂ କ'ଣ କରୁଛନ୍ତି ତାହା ନିଜେ ଜାଣନ୍ତି ନାହିଁ । ସେଥିପାଇଁ ମୁଁ ସମସ୍ତଙ୍କୁ ନିବେଦନ କରେ ଯେ ଜଣେ ମାନସିକ ରୋଗୀଙ୍କୁ ନେଇ କୌଣସି ପ୍ରକାରର ରାଜନୀତି ନକରନ୍ତୁ । ତେବେ ତାଙ୍କ ପିତା ଏହି ସବୁ କଥାକୁ ଅସ୍ୱୀକାର କରି କହିଛନ୍ତି ଯେ ସେ ଜଣେ ସାଂସଦ ଥିଲେ ଏବଂ ଅନେକ ଥର ଦିଲ୍ଲୀ ଆସିଥିଲେ, ତେବେ ଯଦି ସେ ଏଥର ଦିଲ୍ଲୀ ଆସନ୍ତି ତେବେ କଣ ହେବ ?

ଆମେ ଆପଣଙ୍କୁ କହିଦେଉଛୁ ଯେ, ନିକଟରେ ବିଜେପି ରାଷ୍ଟ୍ରୀୟ ସଚିବ ଅନୁପମ ହାଡରା ଫେସବୁକରେ 'COME BACK' ଶୀର୍ଷକ ଏକ ପୋଷ୍ଟ ସେୟାର କରିଥିଲେ । ଏହା ପରେ ସେ ମୁକୁଲ ରୟଙ୍କ ବିଷୟରେ କହୁଥିବା ଅନୁମାନ ଆରମ୍ଭ ହୋଇଥିଲା । ତେବେ ଅନୁପମ ହଜରାଙ୍କୁ ଏ ବିଷୟରେ ପଚରାଯିବା ପରେ ସେ କହିଥିଲେ ଯେ 'ଅପେକ୍ଷା କର, ପରିସ୍ଥିତି ଶୀଘ୍ର ସ୍ପଷ୍ଟ ହୋଇଯିବ' । ବର୍ତ୍ତମାନ କଳ୍ପନାଜଳ୍ପନାର ବଜାର ସରଗରମ ରହିଛି । କିନ୍ତୁ ବର୍ତ୍ତମାନ ପର୍ଯ୍ୟନ୍ତ TMC ଏହା ଉପରେ କିଛି କହିନାହିଁ ।

Published On April 19, 2023