West Bengal Assembly Election : ଟିଏମସିର ନିର୍ବାଚନୀ ନାରା 'ବଙ୍ଗଳା ନିଜେର ମେୟକଇ ଚାଏ', ଜାଣନ୍ତୁ କଣ ରହିଛି ଏହାର ଅର୍ଥ
ଶନିବାର ଟିଏମସି କୋଲକାତାର ପାର୍ଟି ମୁଖ୍ୟାଳୟରୁ ନିଜର ନିର୍ବାଚନ ସ୍ଲୋଗାନ 'ବଙ୍ଗଳା ନିଜେର ମେୟକଇ ଚାଏ' ପ୍ରକାଶ କରିଛି । ଯାହାର ଅର୍ଥ ରହିଛି 'ବଙ୍ଗଳା ତାର ଝିଅକୁ ହିଁ ଚାହେଁ' ।
କୋଲକାତା : ପଶ୍ଚିମବଙ୍ଗରେ ଆଉ କିଛି ମାସ ପରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ ତୃଣମୂଳ କଂଗ୍ରେସ ନିଜର ପ୍ରସ୍ତୁତି ଆରମ୍ଭ କରିବା ସହ ଜୋରଦାର ନିର୍ବାଚନ ପ୍ରଚାର ଜାରି ରଖିଛି । ଶନିବାର ଟିଏମସି କୋଲକାତାର ପାର୍ଟି ମୁଖ୍ୟାଳୟରୁ ନିଜର ନିର୍ବାଚନ ସ୍ଲୋଗାନ 'ବଙ୍ଗଳା ନିଜେର ମେୟକଇ ଚାଏ' ପ୍ରକାଶ କରିଛି । ଯାହାର ଅର୍ଥ ରହିଛି 'ବଙ୍ଗଳା ତାର ଝିଅକୁ ହିଁ ଚାହେଁ' । ଏହି ନିର୍ବାଚନ ସ୍ଲୋଗାନ ଦେଇ ଟିଏମସି ପୁଣି ଥରେ ମମତା ବାନାର୍ଜୀଙ୍କୁ ବଙ୍ଗଳାର ଝିଅ କହିବା ସହ ସ୍ଥାନୀୟ ବନାମ ବାହାର ଲୋକଙ୍କର ବିତର୍କର ନାରା ଲଗାଇଛି ।
ସମଗ୍ର କୋଲକାତାରେ ଲାଗିଲା ସ୍ଲୋଗାନ ସହ ମମତାଙ୍କ ଫଟୋ ଥିବା ପୋଷ୍ଟର
ଟିଏମସି ଏହାର ସ୍ଲୋଗାନକୁ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଫଟୋ ସହିତ ସମଗ୍ର କୋଲକାତାରେ ହୋର୍ଡିଂ କରି ଲଗାଇଛି । ଟିଏମସି ସାଧାରଣ ସମ୍ପାଦକ ପାର୍ଥ ଚାଟ୍ଟାର୍ଜୀ ଏହି ଅବସରରେ କହିଛନ୍ତି, 'ରାଜ୍ୟବାସୀ ମୁଖ୍ୟମନ୍ତ୍ରୀ ଭାବରେ ସେମାନଙ୍କ ଝିଅକୁ ଦେଖିବାକୁ ଚାହାଁନ୍ତି, ଯେଉଁ ଝିଅ ଗତ କିଛି ବର୍ଷ ଧରି ସେମାନଙ୍କ ସେବା କରିଆସୁଛି । ଆମ ବଙ୍ଗଳାରେ କୌଣସି ବିଦେଶୀ ବ୍ୟକ୍ତି ଶାସନ କରିବାକୁ ଆମେ ଚାହୁଁନାହୁଁ। '
ସୂଚନାଯୋଗ୍ୟ, ପଶ୍ଚିମବଙ୍ଗରେ ବିଜେପି ନେତାମାନେ ନିର୍ବାଚନ ପର୍ଯ୍ୟଟନ ଉପରେ ରହିଆସିଛନ୍ତି ବୋଲି କହି ଟିଏମସି ଲଗାତାର ସ୍ଥାନୀୟ ବନାମ ବାହ୍ୟ ପ୍ରସଙ୍ଗ ଉଠାଉଛି ।
The message is loud & clear - from North to South, East to West - only one name echoes across Bengal: @MamataOfficial!
The one who fights tooth & nail for her people, uplifts all & stands up for the voiceless, the only one who will take Bengal forward... #BanglaNijerMeyekeiChay pic.twitter.com/JjdjZwRCCj
— Abhishek Banerjee (@abhishekaitc) February 20, 2021
ବଙ୍ଗଳାରେ ମମତାଙ୍କ ନାଁରେ ହେଉଛି ଚର୍ଚ୍ଚା - ଅଭିଷେକ ବାନାର୍ଜୀ
ମମତା ବାନାର୍ଜୀଙ୍କ ପୁତୁରା ତଥା ଟିଏମସି ସାଂସଦ ଅଭିଷେକ ବାନାର୍ଜୀ ଟ୍ୱିଟ କରି କହିଛନ୍ତି, ଏହି ସମୟରେ ସାରା ରାଜ୍ୟରେ ମମତା ବାନାର୍ଜୀଙ୍କ ନାଁର ଚର୍ଚ୍ଚା ହେଉଛି । ସେ ଆହୁରି ମଧ୍ୟ କହିଛନ୍ତି, 'ବାର୍ତ୍ତା ଅତ୍ୟନ୍ତ ସ୍ପଷ୍ଟ - ମମତା ବାନାର୍ଜୀଙ୍କ ନାମ ଉତ୍ତରରୁ ଦକ୍ଷିଣ ଏବଂ ପୂର୍ବରୁ ପଶ୍ଚିମ ଯାଏଁ ବଙ୍ଗଳାବାସୀଙ୍କ ମଧ୍ୟରେ ମମତା ବାନାର୍ଜୀଙ୍କ ନାଁ ଚର୍ଚ୍ଚା ହେଉଛି । କେବଳ ସେ ଜଣେ ଯିଏ ସର୍ବଦା ଲୋକଙ୍କ ସହିତ ଛିଡା ହୁଅନ୍ତି, ଲୋକଙ୍କ ସ୍ୱରରେ ପରିଣତ ହୁଅନ୍ତି ଏବଂ ଯିଏ ବଙ୍ଗଳାକୁ ଆଗକୁ ନେଇଯିବେ ।'
Click it and Unblock the Notifications
Sign in with Google