ନିର୍ବାଚନ ପୂର୍ବରୁ ପଶ୍ଚିମବଙ୍ଗରେ ହିଂସା, ଦେଶୀ ବମରେ 6 ବିଜେପି କର୍ମୀ ଆହତ
କୋଲକାତା : ବିଧାନସଭା ନିର୍ବାଚନ ପୂର୍ବରୁ ପଶ୍ଚିମବଙ୍ଗରେ ଦେଖିବାକୁ ମିଳିଛି ହିଂସା । ଗତକାଲି ରାତିରେ ପଶ୍ଚିମବଙ୍ଗର ଦକ୍ଷିଣ ଚବିଶ ପ୍ରଗଣାରେ ହୋଇଥିବା ବିସ୍ଫୋରଣରେ 6 ଜଣ ବିଜେପି କର୍ମୀ ଗୁରୁତର ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ଦୁଇଜଣଙ୍କ ଅବସ୍ଥା ଗୁରୁତର ଥିବା କୁହାଯାଉଛି । ଏହି ବିସ୍ଫୋରଣରେ ଆହତ ହୋଇଥିବା ବିଜେପି କର୍ମୀମାନେ ଏହି ବିସ୍ଫୋରଣ ପାଇଁ ତୃଣମୂଳ କଂଗ୍ରେସକୁ ଦାୟୀ କରିଛନ୍ତି ।
ଆପଣଙ୍କୁ କହିରଖୁଛୁ ଯେ, ଏହି ବିଜେପି କର୍ମୀମାନେ ଶୁକ୍ରବାର ଦିନ ଏକ ବିବାହ ଉତ୍ସବରୁ ଫେରୁଥିବାବେଳେ କିଛି ବ୍ୟକ୍ତି ସେମାନଙ୍କ ଉପରକୁ ବୋମା ଫିଙ୍ଗିଥିଲେ । ଯେଉଁଥିରେ ସେମାନେ ଗୁରୁତର ଆହତ ହୋଇଥିଲେ । ଆହତମାନଙ୍କୁ ଚିକିତ୍ସା ପାଇଁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି । ଆହତ ଲୋକମାନେ ବିବାହ ଫତ୍ସବରୁ ଫଏରିବା ସମୟରେ ତାଙଅକ ଉପରେ ବୋମା ଆକ୍ରମଣ ହୋଇଥିବା ନେଇ ପୋଲିସକୁ କହିଛନ୍ତି ।
ପୋଲିସ ଘଟଣାର ତଦନ୍ତ ଆରମ୍ଭ କରିଛି । ଖବର ଅନୁଯାୟୀ ଆହତମାନେ ଏବେବି ଚିକିତ୍ସିତ ହେଉଛନ୍ତି । ଗୋସାବା ବିଧାନସଭା ଆସନରେ ତୃଣମୂଳ କଂଗ୍ରେସ ପ୍ରାର୍ଥୀ ଜୟନ୍ତ ନାସ୍କାର ଏହି ଅଭିଯୋଗକୁ ପ୍ରତ୍ୟାଖ୍ୟାନ କରି କହିଛନ୍ତି ଯେ ବିଜେପି ନେତା ବରୁଣ ପ୍ରାମାଣିକ କିଛି ଅସାମାଜିକ ଲୋକଙ୍କ ସହ ମିଶି ଏହି ଘଟଣା ଘଟାଇଛନ୍ତି ।
ସୂଚନା ଯୋଗ୍ୟ, 27 ମାର୍ଚ୍ଚରୁ 8 ଟି ପର୍ଯ୍ୟାୟରେ ପଶ୍ଚିମବଙ୍ଗରେ ବିଧାନସଭା ନିର୍ବାଚନ ହେବାକୁ ଯାଉଛି । ଏଭଳି ପରିସ୍ଥିତିରେ ବିଜେପି ଏବଂ ଟିଏମସି ପରସ୍ପର ଉପରେ ଆରୋପ ପ୍ରତ୍ୟାରୋପ ଲଗାଇବା ଆରମ୍ଭ କରିଛନ୍ତି । ଅନେକ ଥର ଉଭୟ ଦଳର କାର୍ଯ୍ୟକର୍ତ୍ତାଙ୍କ ମଧ୍ୟରେ ସଂଘର୍ଷ ଦେଖିବାକୁ ମଧ୍ୟ ମିଳିଛି ।
Click it and Unblock the Notifications
Sign in with Google