ପଶ୍ଚିମବଙ୍ଗ ବିଧାନସଭା ନିର୍ବାଚନ 2021 : ରାଜ୍ୟପାଳ ଧନକଡ଼ଙ୍କୁ ଭେଟିବା ପରେ ସୌରଭ ଗାଙ୍ଗୁଲିଙ୍କ ମତାମତ
କ୍ରିକେଟ୍ ବୋର୍ଡ ଅଫ୍ଇଣ୍ଡିଆ (ବିସିସିଆଇ) ର ଚେୟାରମ୍ୟାନ୍ ତଥା ଟିମ୍ ଇଣ୍ଡିଆର ପୂର୍ବତନ ସଫଳ ଅଧିନାୟକ ସୌରଭ ଗାଙ୍ଗୁଲି ପଶ୍ଚିମବଙ୍ଗ ରାଜ୍ୟପାଳ ଜଗଦୀପ ଧନଖଡ଼ଙ୍କୁ ଭେଟିଛନ୍ତି |
କୋଲକାତା : କ୍ରିକେଟ୍ ବୋର୍ଡ ଅଫ୍ଇଣ୍ଡିଆ (ବିସିସିଆଇ) ର ଚେୟାରମ୍ୟାନ୍ ତଥା ଟିମ୍ ଇଣ୍ଡିଆର ପୂର୍ବତନ ସଫଳ ଅଧିନାୟକ ସୌରଭ ଗାଙ୍ଗୁଲି ପଶ୍ଚିମବଙ୍ଗ ରାଜ୍ୟପାଳ ଜଗଦୀପ ଧନଖଡ଼ଙ୍କୁ ଭେଟିଛନ୍ତି | ଦୁହିଁଙ୍କ ସାକ୍ଷାତକାରର ଫଟୋ ଏବଂ ଭିଡିଓ ସୋଶାଲ ମିଡ଼ିଆରେ ଆସିବା ପରେ 'ବେଙ୍ଗଲ୍ ଟାଇଗର' ନାମରେ ଜଣାଶୁଣା ଗାଙ୍ଗୁଲି ରାଜନୀତିରେ ପ୍ରବେଶ କରିପାରନ୍ତି ଏବଂ ଆସନ୍ତା ବର୍ଷ ପଶ୍ଚିମବଙ୍ଗ ବିଧାନସଭା ନିର୍ବାଚନରେ ବିଜେପି ଟିକେଟ୍ ରେ ନିର୍ବାଚନ ଲଢିପାରିନ୍ତି ବୋଲି ଚର୍ଚ୍ଚା ହେଉଛି |
ଏହାକୁ ସୌଜନ୍ୟମୂଳକ ସାକ୍ଷାତକାର ବୋଲି କହିଛନ୍ତି
ଯଦିଓ ରାଜଭବନ ତରଫରୁ ଏହି ସକ୍ଷାତରାକାରକୁ ସୌଜନ୍ୟମୂଳକ ଭେଟଘାଟ ଏବଂ ଏହାର ରାଜନୀତି ସହ କୌଣସି ସମ୍ପର୍କ ନାହିଁ ବୋଲି କୁହାଯାଇଛି କିନ୍ତୁ ସୋଶାଲ ମିଡିଆରେ ଗାଙ୍କୁଲିଙ୍କ ରାଜନୀତିରେ ପ୍ରବେଶ କରିବା ନେଇ ଚର୍ଚ୍ଚା ଜୋର ଧରିଛି |
ରବିବାର ସନ୍ଧ୍ୟା 4.40 ମିନିଟରେ ସୌରଭ ଗାଙ୍ଗୁଲି ରାଜଭବନରେ ପହଞ୍ଚିଥିଲେ | ଗାଙ୍ଗୁଲି ଏବଂ ଧନଖଡ଼ଙ୍କ ମଧ୍ୟରେ 5.40 ମିନିଟ୍ ପର୍ଯ୍ୟନ୍ତ ଆଲୋଚନା ହୋଇଥିଲା | ଏହା ପରେ ସୌରଭ ଏହି ସାକ୍ଷାତକାର ବିଷୟରେ ଗଣମାଧ୍ୟମର କୌଣସି ପ୍ରଶ୍ନର ଉତ୍ତର ଦେଇନଥିଲେ | ଆଜି ସେ କହିଛନ୍ତି, ଯଦି ରାଜ୍ୟପାଳ ଆପଣଙ୍କୁ ଭେଟିବାକୁ ଚାହୁଁଛନ୍ତି, ତେବେ ଆପଣଙ୍କୁ ସାକ୍ଷାତ କରିବାକୁ ପଡ଼ିବ |
ସୌରଭ ଗାଙ୍ଗୁଲି ହେବେ ବିଜେପିର ଚେହେରା !!!
ପଶ୍ଚିମବଙ୍ଗ ନିର୍ବାଚନରେ ବିସିସିଆଇର ସଭାପତି ତଥା ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ସୌରଭ ଗାଙ୍ଗୁଲି ବିଜେପିର ଚେହେରା ହେବା ନେଇ କଳ୍ପନା ଜଳ୍ପନା ଜାରି ରହିଛି | ତ୍ରୃଣମୂଳ କଂଗ୍ରେସ ସାଂସଦ ସୌଗତ ରାୟଙ୍କ ଏକ ସାକ୍ଷାତକାରରୁ ଏହି କଳ୍ପନାଜଳ୍ପନା ପ୍ରକାଶ ପାଇଛି | ଗାଙ୍ଗୁଲିଙ୍କ ରାଜନୀତିରେ ପ୍ରବେଶ ନେଇ ଏକ ପ୍ରଶ୍ନରେ ସୌଗତ କହିଛନ୍ତି, ଗାଙ୍ଗୁଲି କେବଳ ପଶ୍ଚିମବଙ୍ଗ ନୁହେଁ ସମଗ୍ର ଦେଶ ପାଇଁ ଏକ ଆଦର୍ଶ, ତାଙ୍କର ଟିଭି କାର୍ଯ୍ୟକ୍ରମ ମଧ୍ୟ ବହୁତ ଲୋକପ୍ରିୟ କିନ୍ତୁ ସେ ରାଜନୀତିରେ ତିଷ୍ଠି ପାରିବେ ନାହିଁ |
ସେମାନେ ଦାରିଦ୍ର୍ୟ କେବେ ଦେଖି ନାହାଁନ୍ତି, ଦୁଃଖ ଖଣ ଜାଣି ନାହାଁନ୍ତି
ସେମାନେ ଦାରିଦ୍ର୍ୟ କେବେ ଦେଖି ନାହାଁନ୍ତି, ଶ୍ରମିକଙ୍କ ସମସ୍ୟା ବିଷୟରେ ଜାଣି ନାହାଁନ୍ତି, ବିଜେପିର କ'ଣ ଅଛି,ବିଜେପିକୁ କେବଳ ସମର୍ଥନ ଆବଶ୍ୟକ, ତେଣୁ ସେମାନେ ଏଭଳି କଥା କହୁଛନ୍ତି | ଏହା ପରେ ଗାଙ୍ଗୁଲିଙ୍କ ବିଷୟରେ ଆଲୋଚନା ଅଧିକ ଜୋର୍ ଧରିଛି | ଯଦିଓ ତାଙ୍କର କାର୍ଯ୍ୟକଳାପ ପାଇଁ ସେ ଜଣାଶୁଣା, ସୌରଭ ଗାଙ୍ଗୁଲି ଏପର୍ଯ୍ୟନ୍ତ ଏସବୁକୁ ପ୍ରତ୍ୟାଖ୍ୟାନ କରିଛନ୍ତି | କିନ୍ତୁ ଗତକାଲିର ବୈଠକ ପୁଣି ଥରେ ତାଙ୍କ ଉପରେ ବିତର୍କ ସୃଷ୍ଟି କରିଛି |
'ଦାଦା'ଙ୍କ ଉପରେ ସମସ୍ତଙ୍କ ଆଖି
ପଶ୍ଚିମବଙ୍ଗ ନିର୍ବାଚନରେ ଜିତିବା ପାଇଁ ବିଜେପି ନିଜର ସମସ୍ତ ଶକ୍ତି ଲଗାଉଛି | କିନ୍ତୁ ଏହି ନିର୍ବାଚନ ବାତରଣୀ ପାର୍ ହେବାକୁ ହେଲେ ବିଜେପିକୁ ବର୍ତ୍ତମାନର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଅପେକ୍ଷା ଏହା ଏକ ପ୍ରଭାବଶାଳୀ ଚେହେରା ଆବଶ୍ୟକ | ତେଣୁ ଏଭଳି ପରିସ୍ଥିତିରେ ଗାଙ୍ଗୁଲି ଲୋକପ୍ରିୟ ହୋଇଥିବାରୁ ବିଜେପିର ଚେହେରା ହୋଇପାରନ୍ତି ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି | ଏହି ସମସ୍ତ କଳ୍ପନାଜଳ୍ପନା ମଧ୍ୟରେ ସୌରଭ ଗାଙ୍ଗୁଲିଙ୍କ ନିଷ୍ପତ୍ତିକୁ ସମସ୍ତଙ୍କ ଅପେକ୍ଷା ରହିଛି |
Click it and Unblock the Notifications
Sign in with Google