ପଦବୀ ମିଳୁ ମିଳୁ ବଡ଼ ଘୋଷଣା, ବିଜୁଳି ବିଲ୍ ଛାଡ଼ କଲେ ପଞ୍ଜାବର ମୁଖ୍ୟମନ୍ତ୍ରୀ

ପଞ୍ଜାବରେ ମୁଖ୍ୟମନ୍ତ୍ରୀ ଶପଥ ନେବା ପରେ ବଡ଼ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ଚରଣଜିତ୍ ସିଂହ ଚନ୍ନୀ । ସାମ୍ବାଦିକ ସମ୍ମିଳନୀରେ ଚରଣଜିତ ସିଂ କହିଛନ୍ତି ଯେ "ଆମେ ଚାଷୀଙ୍କ ଜଳ ଏବଂ ବିଦ୍ୟୁତ୍ ବିଲ୍ ଛାଡ କରିବୁ ।

ଚଣ୍ଡୀଗଡ଼ : ପଞ୍ଜାବରେ ମୁଖ୍ୟମନ୍ତ୍ରୀ ଶପଥ ନେବା ପରେ ବଡ଼ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ଚରଣଜିତ୍ ସିଂହ ଚନ୍ନୀ । ସାମ୍ବାଦିକ ସମ୍ମିଳନୀରେ ଚରଣଜିତ ସିଂ କହିଛନ୍ତି ଯେ "ଆମେ ଚାଷୀଙ୍କ ଜଳ ଏବଂ ବିଦ୍ୟୁତ୍ ବିଲ୍ ଛାଡ କରିବୁ । ପଞ୍ଜାବ ସରକାର ଚାଷୀଙ୍କ ସହ ଅଛନ୍ତି । ଆମେ ତିନୋଟି କୃଷି ଆଇନ ପ୍ରତ୍ୟାହାର କରିବାକୁ କେନ୍ଦ୍ର ସରକାରଙ୍କୁ ଅନୁରୋଧ କରୁଛୁ । ଏହା ଏକ ସାଧାରଣ ଲୋକର ସରକାର । କ୍ୟାପ୍ଟେନ ଅମରିନ୍ଦର ସିଂ ପଞ୍ଜାବରେ ବହୁତ ଭଲ କାମ କରିଛନ୍ତି ଏବଂ ଆମେ ମଧ୍ୟ ତାଙ୍କ ପଥ ଅନୁସରଣ କରିବୁ ।"

ଚଣ୍ଡୀଗଡ଼ରେ ତାଙ୍କର ପ୍ରଥମ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରିବାବେଳେ ପଞ୍ଜାବର ସିଏମ୍ ଚରଣଜିତ୍ ସିଂ ଭାବପ୍ରବଣ ହୋଇପଡିଛନ୍ତି । ଚରଣଜିତ ସିଂ କଂଗ୍ରେସ ଜଣେ ସାଧାରଣ ଲୋକଙ୍କୁ ମୁଖ୍ୟମନ୍ତ୍ରୀ କରିଛି । ମୁଁ କଂଗ୍ରେସ ଦଳକୁ ଧନ୍ୟବାଦ ଦେଉଛି । ପଞ୍ଜାବ ସରକାର ଦଳର ଆଦର୍ଶ ଅନୁଯାୟୀ କାର୍ଯ୍ୟ କରିବି ।

ପଞ୍ଜାବର ନବନିଯୁକ୍ତ ମୁଖ୍ୟମନ୍ତ୍ରୀ ଚରଣଜିତ ସିଂ କୃଷି ଆଇନକୁ ରଦ୍ଦ କରିବାକୁ କେନ୍ଦ୍ରକୁ ଅନୁରୋଧ କରିଛନ୍ତି ଏବଂ କୃଷି ଆଇନ ବିରୁଦ୍ଧରେ ଆନ୍ଦୋଳନ କରୁଥିବା କୃଷକଙ୍କ ସହ ତାଙ୍କ ଦଳ ଦୃଢ ଭାବରେ ଠିଆ ହୋଇଥିବା କହିଛନ୍ତି । ପଞ୍ଜାବ ସରକାର ଚାଷୀଙ୍କ ସହ ଛିଡା ହୋଇଛନ୍ତି ବୋଲି ସେ କହିଛନ୍ତି ପଞ୍ଜାବ କଂଗ୍ରେସ ସରକାର ବିକାଶ ପାଇଁ ପ୍ରତିବଦ୍ଧ ବୋଲି କହିଛନ୍ତି ଚରଣଜିତ୍ ।

#WATCH Punjab CM Charanjit Singh Channi gets emotional while addressing his first press conference in Chandigarh says "Congress has made a common man the chief minister." pic.twitter.com/4QNV990OR7

— ANI (@ANI) September 20, 2021

ପଞ୍ଜାବର ମୁଖ୍ୟମନ୍ତ୍ରୀ ଚରଣଜିତ ସିଂ କହିଛନ୍ତି ଯେ ସେ ପଞ୍ଜାବର ସାଧାରଣ ଲୋକଙ୍କ ସ୍ୱର ହେବେ ଏବଂ ସର୍ବଦା ଲୋକଙ୍କ ପାଖରେ ରହିବେ । ଚରଣଜିତ ସିଂ ରାହୁଲ ଗାନ୍ଧୀଙ୍କୁ 'କ୍ରାନ୍ତିକାରୀ ନେତା' ବୋଲି କହିଛନ୍ତି । ପଞ୍ଜାବ ପ୍ରଦେଶ କଂଗ୍ରେସ, କ୍ୟାପଟେନ ଅମରିନ୍ଦର ସିଂ ଏବଂ ପଞ୍ଜାବର ଲୋକଙ୍କ ନିକଟରେ ସେ କୃତଜ୍ଞ ବୋଲି ମଧ୍ୟ କହିଥିଲେ ।

English summary

We will waive water and electricity bills of farmers : Punjab CM Charanjit Singh Channi