• search
For Quick Alerts
Turn On Notification  
For Daily Alerts

ଅମିତ ଶାହାଙ୍କୁ ଭେଟିଲେ ଯୋଗୀ ଆଦିତ୍ୟନାଥ

|

ନୂଆଦିଲ୍ଲୀ : ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଦିଲ୍ଲୀରେ ପହଞ୍ଚିଛନ୍ତି । ଯୋଗୀ ଆଦିତ୍ୟନାଥ ଲକ୍ଷ୍ନୌରୁ ଦିଲ୍ଲୀର ଉତ୍ତରପ୍ରଦେଶ ସଦନକୁ ଆସିଥିଲେ ଏବଂ ସେଠାରୁ ପୁଣି କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ଘରକୁ ଯାଇଥିଲେ । ଏଠାରେ ଦୁଇ ନେତାଙ୍କ ମଧ୍ୟରେ ଏକ ବୈଠକ ହୋଇଥିଲା । ଯୋଗୀ ଆଦିତ୍ୟନାଥ ଗୁରୁବାର ସନ୍ଧ୍ୟାରେ ଅମିତ ଶାହାଙ୍କ ଘରେ ପ୍ରାୟ ତିନି ଘଣ୍ଟା ରହିଥିଲେ । ଏହା ପରେ ଯୋଗୀ ଆଦିତ୍ୟନାଥ ଆସନ୍ତାକାଲି ଅର୍ଥାତ୍ ଶୁକ୍ରବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ବିଜେପି ସଭାପତି ଜେ.ପି ନଡ୍ଡାଙ୍କୁ ମଧ୍ୟ ଭେଟିବେ । ଯୋଗୀ ଆଦିତ୍ୟନାଥ କାହିଁକି ବିଜେପି ସଭାପତି, ଗୃହମନ୍ତ୍ରୀ ଏବଂ ପ୍ରଧାନମନ୍ତ୍ରୀଙ୍କୁ ଭେଟୁଛନ୍ତି, ଏପର୍ଯ୍ୟନ୍ତ ଏ ସମ୍ପର୍କରେ ସୂଚନା ଦିଆଯାଇ ନାହିଁ । ଯୋଗୀ ଆଦିତ୍ୟନାଥ ଗୃହମନ୍ତ୍ରୀ ଅମିତ ଶାହାଙ୍କୁ ଭେଟିଥିବାବେଳେ ବିଜେପି ରାଷ୍ଟ୍ରୀୟ ସଭାପତି ଜେପି ନଡ୍ଡା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଘରେ ପହଞ୍ଚି ତାଙ୍କୁ ଭେଟିଥିଲେ ।

yogi-shah

ଯେଉଁ ସମୟରେ ଉତ୍ତରପ୍ରଦେଶ ବିଜେପିରେ ଦଳ କନ୍ଦଳ ଦେଖାଦେଇଛି ସେହି ସମୟରେ ଯୋଗୀ ଆଦିତ୍ୟନାଥ ଦିଲ୍ଲୀ ଆସିଛନ୍ତି । କୁହାଯାଉଛି, ଅମିତ ଶାହା ଏବଂ ନରେନ୍ଦ୍ର ମୋଦୀଙ୍କ ସହ ଯୋଗୀଙ୍କର ତାଳମେଳ ରହୁନାହିଁ ଏପରିକି ଯୋଗୀଙ୍କ କାର୍ଯ୍ୟଶୈଳୀରେ ଦଳର ଶୀର୍ଷ ନେତାମାନେ ଖୁସି ନୁହଁନ୍ତି । ଗତ କିଛି ଦିନ ତଳେ ଦିଲ୍ଲୀର ବହୁ ନେତା ତଥା ୟୁନିଅନର କେତେକ ଅଧିକାରୀ ଲକ୍ଷ୍ନୌ ଆସି ବିଜେପି ନେତାଙ୍କୁ ଭେଟିଥିଲେ । ଲକ୍ଷ୍ନୌରେ କ୍ରମାଗତ ବୈଠକ ଜାରି ରହିଛି । ଲକ୍ଷ୍ନୌରେ ବୈଠକ ପରେ ଯୋଗୀ ଆଦିତ୍ୟନାଥ ବର୍ତ୍ତମାନ ଦିଲ୍ଲୀରେ ପହଞ୍ଚିଛନ୍ତି ।

ଆହୁରି ମଧ୍ୟ କୁହାଯାଉଛି, ଉତ୍ତରପ୍ରଦେଶରେ କ୍ୟାବିନେଟର ସମ୍ପ୍ରସାରଣ ହୋଇପାରେ । ଯେଉଁଥିରେ ଦିଲ୍ଲୀରୁ ଉତ୍ତରପ୍ରଦେଶରେ ଏମ୍.ଏଲ୍.ସି ହୋଇଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସ୍ୱତନ୍ତ୍ର ଅଧିକାରୀ ଅରବିନ୍ଦ ଶର୍ମାଙ୍କୁ ମଧ୍ୟ ଏକ ସ୍ଥାନ ମିଳିପାରେ । ଯୋଗୀ ଆଦିତ୍ୟନାଥ ଗୃହମନ୍ତ୍ରୀ ଅମିତ ଶାହା, ପ୍ରଧାନମନ୍ତ୍ରୀ ମୋଦୀ ଏବଂ ଦଳର ସଭାପତି ଜେପି ନଡ୍ଡାଙ୍କୁ ଭେଟି କେବଳ କ୍ୟାବିନେଟର ସମ୍ପ୍ରସାରଣ ବିଷୟରେ ଆଲୋଚନା କରିବାକୁ ଆସିଛନ୍ତି ବୋଲି କୁହାଯାଉଛି । ତେବେ ଏ ବିଷୟରେ କୌଣସି ଠୋସ୍ ସୂଚନା ନାହିଁ ଏବଂ ଏହିପରି କଳ୍ପନାଜଳ୍ପନା କେବଳ ରାଜନୈତିକ ମହଲରେ ଜାରି ରହିଛି ।

ସୂଚନାଯୋଗ୍ୟ, ଆସନ୍ତା ବର୍ଷ ଉତ୍ତରପ୍ରଦେଶରେ ବିଧାନସଭା ନିର୍ବାଚନ ହେବ । 2017 ବିଧାନସଭା ନିର୍ବାଚନରେ ​​ବିଜେପି 300 ରୁ ଅଧିକ ସିଟ୍ ପାଇ ବହୁମତ ହାସଲ କରିଥିଲା ।

ଆମକୁ ଫୋଲୋ କରନ୍ତୁ
Instagram Youtube
English summary
Uttar Pradesh Chief Minister Yogi Adityanath Met Union Home Minister Amit Shah
ସର୍ବଶେଷ ସମ୍ବାଦ ପ୍ରାପ୍ତ କରନ୍ତୁ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X