• search
For Quick Alerts
Turn On Notification  
For Daily Alerts

ବିଜେପିକୁ 45 ବିଧାୟକ ସ୍ଥିତିରେ ଆଣି ଛିଡ଼ା କରିବୁ : ସ୍ୱାମୀ ପ୍ରସାଦ ମୌର୍ଯ୍ୟ

|

ଲକ୍ଷ୍ନୌ : ଉତ୍ତରପ୍ରଦେଶରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ ତାରିଖ ଘୋଷଣା ହେବା ସହ ସମସ୍ତ ରାଜନୈତିକ ଦଳ ନିଜ ନିଜର ଶକ୍ତି ପ୍ରଦର୍ଶନରେ ଲାଗିପଡ଼ିଛନ୍ତି । ଅନ୍ୟ ପକ୍ଷରେ ନେତାମାନଙ୍କର ଦଳବଦଳ ରାଜନୀତି ମଧ୍ୟ ଜାରି ରହିଛି । ମତାଦାନ ପୂର୍ବରୁ ଶାସକ ଭାରତୀୟ ଜନତା ପାର୍ଟି (ବିଜେପି)ରୁ ପୂର୍ବତନ କ୍ୟାବିନେଟ୍ ମନ୍ତ୍ରୀ ସ୍ୱାମୀ ପ୍ରସାଦ ମୌର୍ଯ୍ୟ ଇସ୍ତଫା ଦେଇ ଏକ ବଡ଼ ଝଟକା ଦେଇଛନ୍ତି । ଶୁକ୍ରବାର ସମାଜବାଦୀ ପାର୍ଟିରେ ଯୋଗଦେବା ପୂର୍ବରୁ (ଗୁରୁବାର ରାତିରେ) ସ୍ୱାମୀ ପ୍ରସାଦ ମୌର୍ଯ୍ୟ ସପା ମୁଖ୍ୟ ଅଖିଳେଶ ଯାଦବଙ୍କୁ ଭେଟିବା ସହ ବିଜେପି ଉପରେ କଡ଼ା ଆକ୍ରମଣ କରିଥିଲେ । ସେ ଗଣମାଧ୍ୟମ ସମ୍ମୁଖରେ ଘୋଷଣା କରିଛନ୍ତି ଯେ 2017 ପୂର୍ବରୁ ଯେପରି ବିଜେପିର ସ୍ଥିତି ଥିଲା ସେହିପରି 45 ଜଣ ବିଧାୟକ ଅବସ୍ଥାକୁ ଫେରାଇ ଆଣିବେ ।

swami prasad maurya

ୟୁପିର ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବଙ୍କ ସହ ଏକ ଔପଚାରିକ ବୈଠକ ପରେ ସ୍ୱାମୀ ପ୍ରସାଦ ମୌର୍ଯ୍ୟ ଘୋଷଣା କରିଛନ୍ତି ଯେ ଆସନ୍ତାକାଲି (ଜାନୁୟାରୀ 14) ସର୍ବସାଧାରଣ ଘୋଷଣା ପରେ ଲକ୍ଷ୍ନୌରୁ ଆରମ୍ଭ ହେବାକୁ ଥିବା ସୁନାମୀରେ ଭାରତୀୟ ଜନତା ପାର୍ଟି ଧ୍ୱଂସ ହୋଇଯିବ । ସ୍ୱାମୀ ପ୍ରସାଦ କହିଛନ୍ତି, "ଏହା ସହିତ, ବର୍ତ୍ତମାନ 2022 ବିଧାନସଭା ନିର୍ବାଚନର ବିଗୁଲ ବାଜି ସାରିଛି, 2017 ପୂର୍ବରୁ ସେମାନଙ୍କର (ବିଜେପିର) ସଂଖ୍ୟା ଯାହା ଥିଲା ... ବର୍ତ୍ତମାନ ସେହି ସଂଖ୍ୟାରେ ଆଣି ଛିଡ଼ା କରିବୁ । 2017 ପୂର୍ବରୁ ଭାରତୀୟ ଜନତା ପାର୍ଟିର 45 ବିଧାୟକ ଥିଲେ, ସେହି 45 ରେ ଆଣି ଆମେ ସେମାନଙ୍କୁ ଛିଡ଼ା କରାଇବୁ ।'

ନ୍ୟୁଜ୍ ଏଜେନ୍ସି ANI ସହ କଥାବାର୍ତ୍ତା କରି ସ୍ୱାମୀ ପ୍ରସାଦ ମୌର୍ଯ୍ୟ ମଧ୍ୟ ତାଙ୍କ ବିବୃତ୍ତିରେ ବିଜେପିର ଉଦ୍ଦେଶ୍ୟ ଉପରେ ପ୍ରଶ୍ନ ଉଠାଇଛନ୍ତି । ସ୍ୱାମୀ ପ୍ରସାଦ ମୌର୍ଯ୍ୟ କହିଛନ୍ତି, 'ମୋର ନ୍ୟାୟପାଳିକା ଉପରେ ସମ୍ପୂର୍ଣ୍ଣ ବିଶ୍ୱାସ ଅଛି, ତେଣୁ ମୁଁ ଭାରତୀୟ ଜନତା ପାର୍ଟିର ପ୍ରତ୍ୟେକ ଷଡ଼ଯନ୍ତ୍ରର ଏପରି ଜବାବ ଦେବି ଯେ ସେମାନେ ଷଠୀ କ୍ଷୀରକୁ ମନେ ପକାଇବେ, ଯେ ମୋ ସହ କାହାର ମୁହାଁମୁହିଁ ହୋଇଥିଲା । 8 ବର୍ଷ ପୁରୁଣା ମାମଲା, ଯଦି ଆପଣ କ୍ୟାବିନେଟରୁ ଇସ୍ତଫା ଦେବା ମାତ୍ରେ ଦ୍ୱିତୀୟ ଦିନରେ ଜାମିନ ବିହୀନ ୱାରେଣ୍ଟ ଜାରି କରାଯାଏ, ତେବେ ଉଦ୍ଦେଶ୍ୟ କ'ଣ ? ଏହା ସ୍ପଷ୍ଟ, ତେଣୁ ଗୋଟିଏ ନୁହେଁ ବରଂ ଡର୍ଜନ ମାମଲା ମଧ୍ୟ ଆଣିଲେ ସ୍ୱାମୀ ପ୍ରସାଦ ମୌର୍ଯ୍ୟର ମନୋବଳ ଦୁର୍ବଳ ହେବ ନାହିଁ । ସେମାନେ ଯେତେ ଅଧିକ ଲାଗିବେ, ଆମେ ସେମାନଙ୍କ ଉପରେ ସେତେ ଆକ୍ରମଣ କରି ସେମାନଙ୍କର ଜବାବ ଦେବୁ ।'

ଆମକୁ ଫୋଲୋ କରନ୍ତୁ
Instagram Youtube
English summary
uttar pradesh assembly election 2022 : Swami Prasad Maurya aggressive statement on bjp
ସର୍ବଶେଷ ସମ୍ବାଦ ପ୍ରାପ୍ତ କରନ୍ତୁ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X