UPA Vs NDA : କାହା ସପକ୍ଷରେ ଦେଶର କେଉଁ ରାଜନୈତିକ ଦଳ ?

Published: Monday, July 17, 2023, 16:12 [IST]

ଲୋକସଭା ନିର୍ବାଚନ 2024 ପାଇଁ ବିରୋଧୀ ଦଳଗୁଡିକୁ ଏକତ୍ରିତ କରିବା ପରେ 17 ଏବଂ 18 ଜୁଲାଇରେ ବେଙ୍ଗାଲୁରୁରେ ଦ୍ୱିତୀୟ ବୈଠକ ଅନୁଷ୍ଠିତ ହେଉଛି । ଜୁନ୍ 23 ରେ ପାଟନାରେ ଅନୁଷ୍ଠିତ ବୈଠକ ପରେ ବିରୋଧୀ ଦଳ ଦ୍ୱିତୀୟ ଥର ପାଇଁ ବେଙ୍ଗାଲୁରୁରେ ବୈଠକ କରୁଛନ୍ତି । କଂଗ୍ରେସ ଦଳ ଦ୍ୱାରା ଆୟୋଜିତ ଏହି ବୈଠକରେ 24 ଜଣ ବିରୋଧୀ ଦଳ ସୋମବାର ରାତିରେ ବେଙ୍ଗାଲୁରୁରେ ରାତ୍ରୀ ଭୋଜନ କରିବେ ଏବଂ ଜୁଲାଇ 18 ରେ 11 ଟା ସମୟରେ ବୈଠକ କରିବେ ।

ଅନ୍ୟପକ୍ଷରେ, ବିରୋଧୀ ଦଳମାନଙ୍କୁ ନିଜର ଶକ୍ତି ପ୍ରଦର୍ଶନ କରିବା ପାଇଁ, ମଙ୍ଗଳବାର, 18 ତାରିଖ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ, NDA ଦିଲ୍ଲୀରେ ଏହାର ସହଯୋଗୀମାନଙ୍କର ଏକ ବୈଠକ ଆୟୋଜନ କରୁଛି । ଏଥିରେ 19 ଦଳ ସାମିଲ ହେବାନେଇ ଦାବି କରିଛି ବିଜେପି ।
ତେବେ ଆସନ୍ତୁ ଜାଣିବା UPA ମିଳିତ ମଞ୍ଚର କେଉଁ ବିରୋଧୀ ଦଳ ଏବଂ NDA ମିଳିତ ମଞ୍ଚର କେଉଁ ଦଳ ପ୍ରଧାନମନ୍ତ୍ରୀ ମୋଦୀ ଗୋଷ୍ଠୀରେ ଏକାଠି ହୋଇଛନ୍ତି ?

ଏହି ଦଳଗୁଡିକ UPA ସହ ଅଛନ୍ତି । ଏବଂ ବେଙ୍ଗାଲୁରୁ ବୈଠକରେ ସାମିଲ ହେବେ -

କଂଗ୍ରେସ - ସୋନିଆ ଗାନ୍ଧୀ, ରାହୁଲ ଗାନ୍ଧୀ, ମଲ୍ଲିକାର୍ଜୁନ ଖାଡ଼ଗେ, କେସି ଭେନୁଗୋପାଲ
ଜେଡିୟୁ (JDU) - ନୀତୀଶ କୁମାର, ସଞ୍ଜୟ ଝା
ଆରଜେଡ଼ି (RJD) - ଲାଲୁ ପ୍ରସାଦ, ତେଜସ୍ୱୀ ଯାଦବ
ଶିବସେନା (ଉଦ୍ଧବ ଗୋଷ୍ଠୀ) - ଉଦ୍ଧବ ଠାକରେ, ସଞ୍ଜୟ ରାଉତ
ଏନସିପି - ଶରଦ ପାୱାର, ସୁପ୍ରିୟା ସୁଲେ, ଜିତେନ୍ଦ୍ର ଅହୱାଦ
ଟିଏମସି - ମମତା ବାନାର୍ଜୀ, ଅଭିଷେକ ବାନାର୍ଜୀ
ଆମ୍ ଆଦମୀ ପାର୍ଟି - ଅରବିନ୍ଦ କେଜ୍ରିୱାଲ
ସମାଜବାଦୀ ପାର୍ଟି - ଅଖିଳେଶ ଯାଦବ, ରାମ ଗୋପାଳ ଯାଦବ
ସିପିଆଇ - ଡି ରାଜା
ସିପିଏମ୍ - ସୀତାରାମ ୟେଚୁରୀ
ଡିଏମକେ-ଏମ.କେ ଷ୍ଟାଲିନ
ଝାଡ଼ଖଣ୍ଡ ମୁକ୍ତି ମୋର୍ଚ୍ଚା ( JMM ) - ହେମନ୍ତ ସୋରେନ
ଜାମ୍ମୁ କାଶ୍ମୀର ନ୍ୟାସନାଲ କନଫରେନ୍ସ - ଓମାର ଅବଦୁଲ୍ଲା
ପିଡିପି- ମେହବୁବା ମୁଫତି
ଇଣ୍ଡିଆନ ୟୁନିଅନ ମୁସଲିମ ଲିଗ- କେଏମ କାଦର ମୋହିଦ୍ଦିନ, ପି.କେ କୁନାଲି କୁଟି
ସିପିଆଇ MA- ଦୀପଙ୍କର ଭଟ୍ଟାଚାର୍ଯ୍ୟ
ଆରଏଲଡି (RLD)- ଜୟନ୍ତ ସିଂହ ଚୌଧୁରୀ
କେରଳ କଂଗ୍ରେସ ଏମ୍ - ଜୋସ୍ କେ ମଣି
MDMK - ଥିରୁ ଭାଇକୋ, ଜି ରେନୁଗୋଭି
ଭିସିକେ - ଥିରୁ ଥିରୁମାଭାଲାଭାନ୍, ରବି କୁମାର
MIAB - ଜି ଦେବରାଜ
KMDK - ଥିରୁ ଇ ଆର ଇଶ୍ୱରନ୍, ଚିନ୍ନରାଜ
RSP - ଏମ.କେ ପ୍ରେମଚନ୍ଦ୍ରମ୍
କେରଳ କଂଗ୍ରେସ - ପିଜେ ଜୋସେଫ, ଫ୍ରାନ୍ସିସ୍ ଜର୍ଜ କେ

ବିରୋଧୀ ଏକତାକୁ ମଧ୍ୟ ନିଜର ଶକ୍ତି ଦେଖାଇବା ପାଇଁ ଏନଡିଏ ଏହାର ପୁରୁଣା ସହଯୋଗୀମାନଙ୍କୁ ଆଣିବା ପାଇଁ ଏକ ଅଭିଯାନରେ ଲାଗି ପଡ଼ିଛି । ଉତ୍ତରପ୍ରଦେଶ, ବିହାର, ଝାଡଖଣ୍ଡ ସମେତ ଅନ୍ୟ ରାଜ୍ୟର ଦଳଗୁଡ଼ିକୁ ଏକାଠି କରିବାକୁ ବିଜେପି ଉଦ୍ୟମ କରୁଛି । ଉତ୍ତରପ୍ରଦେଶର ସୁହେଲଦେବ ଭାରତ ସମାଜ ଦଳର ଓମପ୍ରକାଶ ରାଜଭାର ଏନଡିଏ ବୈଠକ ପୂର୍ବରୁ ଏନଡିଏରେ ଯୋଗ ଦେଇଛନ୍ତି । ଏଥିସହ ଜେପି ନଡ୍ଡା ମଧ୍ୟ ବୈଠକରେ ଯୋଗଦେବା ପାଇଁ ଚିରାଗ ପାସୱାନଙ୍କୁ ନିମନ୍ତ୍ରଣ ପଠାଇଛନ୍ତି । ଏହା ବ୍ୟତୀତ ଚିରାଗ ପାସୱାନଙ୍କ ଦାଦା ପଶୁପତି ପରାସଙ୍କ ଦଳ ମଧ୍ୟ ଏହି ସଭାରେ ଯୋଗଦେବ । ପ୍ରାୟ 20 ଟି ଦଳ ଏହି ବୈଠକରେ ଯୋଗଦେବାକୁ ରାଜି ହୋଇଛନ୍ତି ବୋଲି ବିଜେପି ଦାବି କରିଛି ।