ଇସ୍ତଫା ଦେଲେ କେନ୍ଦ୍ର ମନ୍ତ୍ରୀ ମୁଖତାର୍ ଅବ୍ବାସ ନକଭି
କେନ୍ଦ୍ର ସଂଖ୍ୟାଲଘୁ ବ୍ୟାପାର ମନ୍ତ୍ରୀ ମୁଖତାର ଅବ୍ବାସ ନକଭି ମୋଦୀ କ୍ୟାବିନେଟରୁ ଇସ୍ତଫା ଦେଇଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିବା ପରେ ନକଭି ଇସ୍ତଫା ଦେଇଛନ୍ତି । ନକଭି ଆଜି ତାଙ୍କର ଶେଷ କ୍ୟାବିନେଟ ବୈଠକରେ ଯୋଗ ଦେଇଥିଲେ ।
ନୂଆଦିଲ୍ଲୀ : କେନ୍ଦ୍ର ସଂଖ୍ୟାଲଘୁ ବ୍ୟାପାର ମନ୍ତ୍ରୀ ମୁଖତାର ଅବ୍ବାସ ନକଭି ମୋଦୀ କ୍ୟାବିନେଟରୁ ଇସ୍ତଫା ଦେଇଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିବା ପରେ ନକଭି ଇସ୍ତଫା ଦେଇଛନ୍ତି । ନକଭି ଆଜି ତାଙ୍କର ଶେଷ କ୍ୟାବିନେଟ ବୈଠକରେ ଯୋଗ ଦେଇଥିଲେ । ଏହି ବୈଠକରେ ପ୍ରଧାନମନ୍ତ୍ରୀ ମୋଦୀ ଜଣେ ମନ୍ତ୍ରୀ ଭାବରେ ନକଭିଙ୍କ ଅବଦାନକୁ ପ୍ରଶଂସା କରିଛନ୍ତି । ଇସ୍ପାତ ମନ୍ତ୍ରୀ ଆରସିପି ସିଂହଙ୍କ ପାଇଁ ଆଜି ମଧ୍ୟ ଶେଷ କ୍ୟାବିନେଟ ବୈଠକ ଥିଲା । ମୁଖଖାର୍ ଅବ୍ବାସ ନକଭି କାହିଁକି ଇସ୍ତଫା ଦେଇଛନ୍ତି ତାହା ଏପର୍ଯ୍ୟନ୍ତ ଜଣା ପଡିନାହିଁ ।
ବୁଧବାର ମୁଖତାର୍ ଅବ୍ବାସ ନକଭି ମଧ୍ୟ ଭାରତୀୟ ଜନତା ପାର୍ଟି ଅଧ୍ୟକ୍ଷ ଜେପି ନଡ୍ଡାଙ୍କୁ ଭେଟିଛନ୍ତି । ସାକ୍ଷାତ ପରେ ନକଭି ଆନୁଷ୍ଠାନିକ ଭାବେ କ୍ୟାବିନେଟରୁ ଇସ୍ତଫା ଦେଇଛନ୍ତି । କେନ୍ଦ୍ର ମନ୍ତ୍ରୀ ମୁଖତାର୍ ଅବ୍ବାସ ନକଭି ମୋଦୀ କ୍ୟାବିନେଟରୁ ଇସ୍ତଫା ଦେବା ପରେ ତାଙ୍କୁ କୌଣସି ବଡ଼ ପଦବୀ ଦିଆଯାଇପାରେ ବୋଲି କଳ୍ପନା ଜଳ୍ପନା ହେଉଛି । ନକଭି କେନ୍ଦ୍ର ସରକାରରେ ସଂଖ୍ୟାଲଘୁ ବ୍ୟାପାର ମନ୍ତ୍ରୀ ତଥା ରାଜ୍ୟସଭାରେ ବିଜେପିର ଉପ ନେତା ଥିଲେ ।
ରାଜ୍ୟସଭାରେ ତାଙ୍କର କାର୍ଯ୍ୟକାଳ ଆସନ୍ତାକାଲି ଅର୍ଥାତ୍ ଜୁଲାଇ 7 ରେ ଶେଷ ହେବ । ଏଥର ମଧ୍ୟ ବିଜେପି ତାଙ୍କୁ ରାଜ୍ୟସଭାକୁ ପଠାଇ ନାହିଁ । ନିକଟରେ ଅନୁଷ୍ଠିତ ରାଜ୍ୟସଭା ଦ୍ୱି ବର୍ଷୀୟ ନିର୍ବାଚନରେ ବିଜେପି ତାଙ୍କୁ କୌଣସି ସ୍ଥାନରୁ ଫିଲ୍ଡିଂ କରିନଥିଲା । ସେବେଠାରୁ ଦଳ ତାଙ୍କୁ ଏକ ନୂତନ ଭୂମିକା ନ୍ୟସ୍ତ କରିପାରନ୍ତି ବୋଲି କଳ୍ପନାଜଳ୍ପନା ଚାଲିଛି ।
ଏଥିସହ ତାଙ୍କୁ ଏନଡିଏ ପକ୍ଷରୁ ଉପରାଷ୍ଟ୍ରପତି ପଦ ପାଇଁ ପ୍ରାର୍ଥୀ କରାଯାଇପାରିବ ବୋଲି ମଧ୍ୟ ଖବର ରହିଛି । ତେବେ ଦଳ ଏପର୍ଯ୍ୟନ୍ତ କୌଣସି ସୂଚନା ଦେଇନାହିଁ ।
Click it and Unblock the Notifications
Sign in with Google