West Bengal Assembly Election : ଟାଗୋରଙ୍କ ନାମରେ ନୋବେଲ, ସତ୍ୟଜିତ୍ ରାୟଙ୍କ ନାମରେ ଓସ୍କାର ପୁରସ୍କାର ଆଣିବୁ- ଅମିତ୍ ଶାହା
ଶାହା କହିଛନ୍ତି ଯେ, ମମତା ବାନାର୍ଜୀ ପଶ୍ଚିମବଙ୍ଗର ବିକାଶ ପାଇଁ କୌଣସି କାମ କରିନାହାଁନ୍ତି, କେବଳ ତାଙ୍କ ପୁତୁରାକୁ ଆଗକୁ ନେବା ପାଇଁ ସେ କେବଳ କାମ କରୁଛନ୍ତି ।
କୋଲକାତା : କେନ୍ଦ୍ର ଗୃହମନ୍ତ୍ରୀ ଅମିତ ଶାହା ମଙ୍ଗଳବାର ଦିନ ପଶ୍ଚିମବଙ୍ଗର ଗୋସାବାରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ଟିଏମସି ସରକାରଙ୍କ ଉପରେ ବର୍ଷିଛନ୍ତି । ବିଜେପି ପ୍ରାର୍ଥୀଙ୍କ ସପକ୍ଷରେ ସାଧାରଣ ସଭାକୁ ସମ୍ବୋଧିତ କରି ଶାହା କହିଛନ୍ତି ଯେ, ମମତା ବାନାର୍ଜୀ ପଶ୍ଚିମବଙ୍ଗର ବିକାଶ ପାଇଁ କୌଣସି କାମ କରିନାହାଁନ୍ତି, କେବଳ ତାଙ୍କ ପୁତୁରାକୁ ଆଗକୁ ନେବା ପାଇଁ ସେ କେବଳ କାମ କରୁଛନ୍ତି । ଏହି ସମୟରେ ଅମିତ ଶାହା ରବୀନ୍ଦ୍ରନାଥ ଟାଗୋର ଏବଂ ସତ୍ୟଜିତ୍ ରାୟଙ୍କ ନାମରେ ପୁରସ୍କାର ଘୋଷଣା କରିଛନ୍ତି । ଅମିତ ଶାହା ଆଜି ମଧ୍ୟ ମେଦିନୀପୁରରେ ଏକ ରୋଡ୍ ସୋ ମଧ୍ୟ କରିଛନ୍ତି ।
ଅମିତ ଶାହା କହିଛନ୍ତି, ଆମେ ବଙ୍ଗଳାର ଦୁଇ ମହାନ ପୁଅ ଟାଗୋରଙ୍କ ନାମରେ ନୋବେଲ ପୁରସ୍କାର ଏବଂ ସତ୍ୟଜିତ ରାୟଙ୍କ ନାମରେ ଓସ୍କାର ପୁରସ୍କାରରେ ସମ୍ମାନିତ କରିବାକୁ ଯାଉଛୁ । ଏଥି ସହିତ, ଆମେ କଲିକତାକୁ ଏକ ସାଂସ୍କୃତିକ ରାଜଧାନୀ ଭାବରେ ବିକାଶ କରିବୁ । ଏଥିପାଇଁ 11,000 କୋଟି ଟଙ୍କା ଖର୍ଚ୍ଚ ହେବ । ଅମିତ ଶାହା ମମତା ବାନାର୍ଜୀ ସରକାରଙ୍କୁ ଦୁର୍ନୀତିର ଅଭିଯୋଗ କରି କରିଛନ୍ତି ଯେ, ସେମାନେ ସରକାର ଗଠନ ପାଇଁ କାର୍ଯ୍ୟ କରିବେ ବୋଲି ପ୍ରତିଶୃତି ଦେଇଥିଲେ ତାହା ପୂରଣ କରିନାହାଁନ୍ତି । ସେ କେବେଳ ପୁତୁରାକୁ ମୁଖ୍ୟମନ୍ତ୍ରୀ ବନାଇବାରେ ବ୍ୟସ୍ତ ଅଛନ୍ତି ।
ସାଧାରଣ ସଭାରେ ଅନେକ ପ୍ରତିଶୃତି
ଅମିତ ଶାହା ତାଙ୍କ ଅଭିଭାଷଣରେ ଏଠାରେ ଅନେକ ପ୍ରତିଶୃତି ଦେଇଛନ୍ତି । ସେ କହିଛନ୍ତି ଯେ ଗୋସାବା ଅଞ୍ଚଳ ପଛୁଆ ରହିଛି । ବିଜେପି ସରକାର ଗଠନ ପରେ ଏହି ଅଞ୍ଚଳକୁ ଦୃଷ୍ଟିରେ ରଖି ପ୍ରତ୍ୟେକ ପରିବାରକୁ ବିଶୁଦ୍ଧ ପାନୀୟ ଜଳ ଯୋଗାଇ ଦିଆଯିବ । ଆସନ୍ତା ପାଞ୍ଚ ବର୍ଷ ମଧ୍ୟରେ ଗାଁର ବିକାଶ ପାଇଁ 2 ଲକ୍ଷ କୋଟି ଟଙ୍କା ପ୍ରଦାନ କରାଯିବ । ସେ ଆହୁରି ମଧ୍ୟ କହିଛନ୍ତି, ବିଜେପି ଦେଶର ଗରିବଙ୍କ ଘରକୁ ଶୌଚାଳୟ, ବିଦ୍ୟୁତ, ଗ୍ୟାସ ସିଲିଣ୍ଡର ପହଞ୍ଚାଇଛି, କିନ୍ତୁ ଦିଦି ତାଙ୍କର ଶେଷ ମେନିଫେଷ୍ଟୋରେ 282 ଟି ପ୍ରତିଶୃତି ଦେଇଥିଲେ, ସେଥିମଧ୍ୟରୁ 82 ଟି ମଧ୍ୟ ପୂରଣ କରି ନାହାଁନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗରିବ ଲୋକଙ୍କ ବିକାଶ ପାଇଁ 115 ଟି ଯୋଜନା ପ୍ରସ୍ତୁତ କରିଛନ୍ତି । ଗରିବ ଲୋକଙ୍କୁ ଲୁଟିବା ପାଇଁ ମମତା ଦିଦି 115 ଟି ସ୍କାମ କରିଛନ୍ତି । କେନ୍ଦ୍ର ସରକାର ଦେଉଥିବା ଟଙ୍କା ସେମାନେ ନେଇଯାଉଛନ୍ତି, କିନ୍ତୁ ବିଜେପି ସରକାର ଏହାକୁ ରୋକିବାକୁ କାମ କରିବ ବୋଲି ଅମିତ୍ ଶାହା ଆଜି ପ୍ରତିଶୃତି ଦେଇଛନ୍ତି ।
ନାଗରିକତା ଆଇନ ଉପରେ ଅମିତ ଶାହା କହିଛନ୍ତି ଯେ, ଆସିଥିବା ଶରଣାର୍ଥୀମାନେ ନାଗରିକତ୍ୱ ପାଇବା ଉଚିତ । ଆମେ CAA କାର୍ଯ୍ୟକାରୀ କରି ସମସ୍ତ ଶରଣାର୍ଥୀଙ୍କୁ ନାଗରିକତ୍ୱ ଦେବା ପାଇଁ କାର୍ଯ୍ୟ କରିବୁ ।
Click it and Unblock the Notifications
Sign in with Google