'ସିନ୍ଦେ ସରକାରର ଡେଥ୍ ୱାରେଣ୍ଟ ଜାରି, ଆଉ 15-20 ଦିନ ଚାଲିବ ସରକାର', ସଞ୍ଜୟ ରାଉତଙ୍କ ଦାବି
ମୁମ୍ବାଇ : ମହାରାଷ୍ଟ୍ର ସରକାରକୁ ନେଇ ପୁଣି ଏକ ବଡ଼ ବୟାନ ଦେଇଛନ୍ତି ଉଦ୍ଧବ ଗୋଷ୍ଠୀର ନେତା ସଞ୍ଜୟ ରାଉତ । ରାଉତ ଦାବି କରିଛନ୍ତି ଯେ ଏକନାଥ ସିନ୍ଦେ ନେତୃତ୍ୱାଧୀନ ମହାରାଷ୍ଟ୍ର ସରକାରର ଡେଥ୍ ୱାରେଣ୍ଟ ଜାରି କରାଯାଇଛି ଏବଂ ଏହା ଆସନ୍ତା 15-20 ଦିନ ମଧ୍ୟରେ ସରକରା ଭାଙ୍ଗିଯିବ ।
ସାମ୍ବାଦିକମାନଙ୍କ ସହ କଥାବାର୍ତ୍ତା କରି ସଞ୍ଜୟ ରାଉତ କହିଛନ୍ତି ଯେ ତାଙ୍କ ଦଳ କୋର୍ଟଙ୍କ ଆଦେଶକୁ ଅପେକ୍ଷା କରିଛନ୍ତି ଏବଂ ନ୍ୟାୟ ମିଳିବ ବୋଲି ଆଶା କରୁଛନ୍ତି । ନେତୃତ୍ୱ ବିରୋଧରେ ବିଦ୍ରୋହ କରିଥିବା 16 ଜଣ ଶିବସେନା ବିଧାୟକଙ୍କ ଅଯୋଗ୍ୟତା ଦାବିରେ ଏକ ବିଚାରାଧୀନ ସୁପ୍ରିମକୋର୍ଟଙ୍କ ରାୟକୁ ନେଇ ରାଜ୍ୟସଭା ସଦସ୍ୟ କହିଛନ୍ତି ।
ସଞ୍ଜୟ ରାଉତ କହିଛନ୍ତି ଯେ ବର୍ତ୍ତମାନର ମୁଖ୍ୟମନ୍ତ୍ରୀ ଏବଂ ତାଙ୍କର 40 ଜଣ ବିଧାୟକଙ୍କ ସରକାର 15-20 ଦିନ ମଧ୍ୟରେ ଭାଙ୍ଗିଯିବ । ଏହି ସରକାରର ଡେଥ୍ ୱାରେଣ୍ଟ ଜାରି କରାଯାଇଛି । ଏବେ ଏହା ସ୍ଥିର କରିବାକୁ ପଡ଼ିବ ଯେ କିଏ ଏଥିରେ ଦସ୍ତଖତ କରିବେ । ଯଦିଓ ସଞ୍ଜୟ ରାଉତ ଏହା ପୂର୍ବରୁ ମଧ୍ୟ ଦାବି କରିଥିଲେ ଯେ ଫେବୃଆରୀରେ ସିନ୍ଦେ ସରକାର ଭାଙ୍ଗିଯିବ ।
ସୂଚନାଥାଉକି, ଗତ ବର୍ଷ ଜୁନ୍ ମାସରେ ସିନ୍ଦେ ଏବଂ 39 ଜଣ ବିଧାୟକ ଶିବସେନା ନେତୃତ୍ୱ ବିରୁଦ୍ଧରେ ବିଦ୍ରୋହ କରିଥିଲେ । ଫଳସ୍ୱରୂପ ଠାକରେ ନେତୃତ୍ୱାଧୀନ ମହା ବିକାଶ ଅଘାଡ଼ି ସରକାରର ପତନ ହୋଇଥିଲା ।
ପରେ ଏକନାଥ ସିନ୍ଦେ ଭାରତୀୟ ଜନତା ପାର୍ଟି ସହିତ ମହାରାଷ୍ଟ୍ରରେ ସରକାର ଗଠନ ପାଇଁ ମେଣ୍ଟ କରିଥିଲେ । 2022 ମସିହା ଜୁନ୍ 30 ରେ ସିନ୍ଦେ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ ଏବଂ ବିଜେପିର ଦେବେନ୍ଦ୍ର ଫଡନାଭିସ୍ ଉପମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ ।
ଉଲ୍ଲେଖନୀୟ କଥା ହେଉଛି, ଗତ ମାସରେ ରାଜ୍ୟରେ ରାଜନୈତିକ ସଙ୍କଟ ସହ ଜଡିତ ଉଦ୍ଧବ ଠାକରେ ଏବଂ ସିଏମ୍ ଏକନାଥ ସିନ୍ଦେ ଦଳ ଦ୍ୱାରା ଦାଖଲ ହୋଇଥିବା କ୍ରସ୍ ପିଟିସନ୍ ଉପରେ ସର୍ବୋଚ୍ଚ ନ୍ୟାୟାଳୟ ଗତ ମାସରେ ସଂରକ୍ଷିତ ରଖିଥିଲେ ।
Click it and Unblock the Notifications
Sign in with Google