ଆଜି କଂଗ୍ରେସ ଅଧ୍ୟକ୍ଷ ପଦ ଦାୟିତ୍ୱ ଗ୍ରହଣ କରିବେ ମଲ୍ଲିକାର୍ଜୁନ୍ ଖାଡ଼ଗେ
ଆଜି କଂଗ୍ରେସ ଅଧ୍ୟକ୍ଷ ପଦ ଦାୟିତ୍ୱ ଗ୍ରହଣ କରିବେ ମଲ୍ଲିକାର୍ଜୁନ୍ ଖାଡ଼ଗେ
ନୂଆଦିଲ୍ଲୀ : କଂଗ୍ରେସର ବରିଷ୍ଠ ନେତା ମଲ୍ଲିକାର୍ଜୁନ ଖାଡ଼ଗେ ଆଜି ଦଳର ଅଧ୍ୟକ୍ଷ ଭାବରେ ଦାୟିତ୍ୱ ଗ୍ରହଣ କରିବେ । ଦିଲ୍ଲୀର ଅଲ ଇଣ୍ଡିଆ କଂଗ୍ରେସ କମିଟି ମୁଖ୍ୟାଳୟର ଅଧ୍ୟକ୍ଷ ଭାବରେ ମଲ୍ଲିକାର୍ଜୁନ ଖାଡ଼ଗେ ଦାୟିତ୍ୱ ଗ୍ରହଣ କରିବେ । ଏହି କାର୍ଯ୍ୟକ୍ରମ ପାଇଁ ଅଲ ଇଣ୍ଡିଆ କଂଗ୍ରେସ କମିଟି ସଦସ୍ୟ, ସାଂସଦ, ରାଜ୍ୟ କଂଗ୍ରେସ କମିଟିର ଅଧ୍ୟକ୍ଷ, ସିଏଲପି ନେତା, ପୂର୍ବତନ ମୁଖ୍ୟମନ୍ତ୍ରୀ, ପୂର୍ବତନ ରାଜ୍ୟ ଅଧ୍ୟକ୍ଷ ଏବଂ ଅନ୍ୟ ଅଲ ଇଣ୍ଡିଆ କଂଗ୍ରେସ କାର୍ଯ୍ୟକାରିଣୀ କାର୍ଯ୍ୟାଳୟର ଅଧିକାରୀମାନଙ୍କୁ ନିମନ୍ତ୍ରଣ କରାଯାଇଛି । କଂଗ୍ରେସ ମୁଖ୍ୟାଳୟରେ ପହଞ୍ଚିବା ପୂର୍ବରୁ ମଲ୍ଲିକାର୍ଜୁନ ରାଜଘାଟରେ ପହଞ୍ଚି ମହାତ୍ମା ଗାନ୍ଧୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ।
ଉଲ୍ଲେଖଯୋଗ୍ୟ, ଆଜି ଆୟୋଜିତ ହେବାକୁ ଥିବା କାର୍ଯ୍ୟକ୍ରମରେ ଯୋଗ ଦେବାକୁ ସମସ୍ତଙ୍କୁ ଦଳର ସାଧାରଣ ସମ୍ପାଦକ କେସି ଭେନୁଗୋପାଲ ନିମନ୍ତ୍ରଣ ପଠାଇଛନ୍ତି । ଆଜି ହେବାକୁ ଥିବା କାର୍ଯ୍ୟକ୍ରମରେ ମଧ୍ୟ ଉପସ୍ଥିତ ରହିବେ ବୋଲି ଛତିଶଗଡ ମୁଖ୍ୟମନ୍ତ୍ରୀ ଭୁପେଶ ବାଘେଲ କହିଛନ୍ତି । ସେ କହିଛନ୍ତି ଯେ ମଲ୍ଲିକାର୍ଜୁନ ଖାଡ଼ଗେ ଦଳର ଜାତୀୟ ଅଧ୍ୟକ୍ଷ ଭାବରେ ଦାୟିତ୍ୱ ଗ୍ରହଣ କରିବେ । ଏହି ଅବସରରେ ମୋତେ ଉପସ୍ଥିତ ରହିବାକୁ ମଧ୍ୟ କୁହାଯାଇଛି, ତେଣୁ ମୁଁ ଦିଲ୍ଲୀ ଯାଉଛି । ସୂଚନାଯୋଗ୍ୟ ଯେ ମଲ୍ଲିକାର୍ଜୁନ ପ୍ରତିଦ୍ୱନ୍ଦ୍ୱୀ ଶଶି ଥରୁରଙ୍କୁ ପରାସ୍ତ କରି କଂଗ୍ରେସ ଅଧ୍ୟକ୍ଷ ନିର୍ବାଚନରେ ବିଜୟୀ ହୋଇଛନ୍ତି । 24 ବର୍ଷ ପରେ କଂଗ୍ରେସ ଗାନ୍ଧୀ ପରିବାର ବାହାରୁ ଜଣେ ନେତାଙ୍କୁ ଏହାର ଅଧ୍ୟକ୍ଷ ଭାବରେ ପାଇଛି । କଂଗ୍ରେସ ଅଧ୍ୟକ୍ଷ ପଦ ପାଇଁ ନିର୍ବାଚନରେ ମଲ୍ଲିକାର୍ଜୁନ 7897 ଭୋଟ୍ ପାଇଥିବାବେଳେ ଶଶି ଥରୁର 1072 ଭୋଟ୍ ପାଇଛନ୍ତି ।
Click it and Unblock the Notifications
Sign in with Google