ଭବାନୀପୁରରେ ଦିଲୀପ ଘୋଷଙ୍କୁ ଘେରିଲେ ଟିଏମସି ସମର୍ଥକ, ସୁରକ୍ଷା କର୍ମୀଙ୍କୁ ବାହାର କରିବାକୁ ପଡିଲା ପିସ୍ତଲ
ଭବାନୀପୁର ଆସନ ପାଇଁ ପ୍ରଚାର କରିବାକୁ ଆସିଥିବା ବିଜେପି ସାଂସଦ ଦିଲୀପ ଘୋଷଙ୍କ ଅଭିଯାନରେ ଟିଏମସି କର୍ମୀ ଉତ୍ତେଜନା ସୃଷ୍ଟି କରିଥିବା ଅଭିଯୋଗ ହୋଇଛି । ଟିଏମସି ଏବଂ ବିଜେପି କର୍ମୀଙ୍କ ମଧ୍ୟରେ ହାତାହାତି ପର୍ଯ୍ୟନ୍ତ କଥା ମଧ୍ୟ ଯାଇଛି ।
କୋଲକାତା : ପଶ୍ଚିମବଙ୍ଗର ଭବାନୀପୁର ବିଧାନସଭା ଆସନରେ ଉପ-ନିର୍ବାଚନ ପାଇଁ ପ୍ରଚାରର ଶେଷ ଦିନ । ଏହି ଆସନ ଜିତିବା ପାଇଁ ଟିଏମସି ଏବଂ ବିଜେପି ନିଜର ସମ୍ପୂର୍ଣ୍ଣ ଶକ୍ତି ଲଗାଇ ଦେଇଛନ୍ତି । ବଙ୍ଗଳାର ମୁଖ୍ୟମନ୍ତ୍ରୀ ମମତା ବାନାର୍ଜୀ ନିଜେ ଏଠାରୁ ପ୍ରତିଦ୍ୱନ୍ଦ୍ୱିତା କରୁଛନ୍ତି । ତାଙ୍କୁ ହରାଇବା ପାଇଁ ବିଜେପି ସମସ୍ତ ପ୍ରକାର ପ୍ରୟାସ ଜାରି ରଖିଛି । ଭବାନୀପୁର ଆସନ ପାଇଁ ପ୍ରଚାର କରିବାକୁ ଆସିଥିବା ବିଜେପି ସାଂସଦ ଦିଲୀପ ଘୋଷଙ୍କ ଅଭିଯାନରେ ଟିଏମସି କର୍ମୀ ଉତ୍ତେଜନା ସୃଷ୍ଟି କରିଥିବା ଅଭିଯୋଗ ହୋଇଛି । ଟିଏମସି ଏବଂ ବିଜେପି କର୍ମୀଙ୍କ ମଧ୍ୟରେ ହାତାହାତି ପର୍ଯ୍ୟନ୍ତ କଥା ମଧ୍ୟ ଯାଇଛି ।
େସୋମବାର ଦିନ ବିଜେପି ସାଂସଦ ଦିଲୀପ ଘୋଷ ତାଙ୍କ କର୍ମୀଙ୍କ ସହ ଭବାନୀପୁରର ଯଦୁବାବୁ ବଜାରରେ ପ୍ରଚାର କରିବାକୁ ପହଞ୍ଚିଥିଲେ । ବିରୋଧୀ ଦଳ ବିରୋଧରେ ସ୍ଲୋଗାନ ଦେବା ପାଇଁ ଟିଏମସି କର୍ମୀମାନେ ଦୂରରୁ ଏକାଠି ହୋଇଥିଲେ । ଏହି ସମୟରେ, ବିଜେପିର ଷ୍ଟ୍ରିଟ୍ କର୍ଣ୍ଣର ମିଟିଂରେ ଟିଏମସି କର୍ମୀ ଏବଂ ବିଜେପି କର୍ମୀଙ୍କ ମଧ୍ୟରେ ସଂଘର୍ଷ ହୋଇଥିଲା । ଏହି ଆକ୍ରମଣରେ ବିଜେପିର ଦକ୍ଷିଣ କୋଲକାତା ଯୁବ ମୋର୍ଚ୍ଚା ସଭାପତି ମୁକୁନ୍ଦ ଝା ଆହତ ହୋଇଥିବା ଜଣାପଡିଛି । ତାଙ୍କୁ ଏସ୍କେଏମ୍ ହସ୍ପିଟାଲରେ ଭର୍ତ୍ତି କରାଯାଇଛି ।
ଏହି ସମୟରେ ବିଜେପିର ଭବାନୀପୁର ଅଭିଯାନକୁ ନେଇ ଏକ ଭିଡିଓ ସାମ୍ନାକୁ ଆସିଛି । ଯେଉଁଥିରେ ଦିଲୀପ ଘୋଷ ସ୍ଲୋଗାନ ଦେଉଥିବା ପ୍ରଦର୍ଶନକାରୀଙ୍କ ଦ୍ୱାରା ଘେରି ରହିଥିବାବେଳେ ତାଙ୍କ ସୁରକ୍ଷା କର୍ମୀମାନେ ତାଙ୍କୁ ସୁରକ୍ଷା ଦେବା ପାଇଁ ପ୍ରୟାସ କରୁଛନ୍ତି । ଏହା ପରେ ଦିଲୀପ ଘୋଷଙ୍କୁ ସୁରକ୍ଷା ଦେଉଥିବା ବେଳେ ତାଙ୍କ ସୁରକ୍ଷା କର୍ମୀମାନେ ବନ୍ଧୁକ ବାହାର କରୁଥିବା ଦେଖାଯାଇଛି । ଭିଡିଓରେ ଦୁଇଜଣ ସୁରକ୍ଷା କର୍ମୀ ଭିଡ଼କୁ ହଟାଇବା ପାଇଁ ଉପରକୁ କରି ବନ୍ଧୁକ ଦେଖାଇଥିବାର ନଜର ଆସିଛନ୍ତି ।
ଅନ୍ୟପକ୍ଷରେ ଟିଏମସି ଟୁଇଟ୍ କରି ଅଭିଯୋଗ କରିଛନ୍ତି ଯେ ଦିଲୀପ ଘୋଷଙ୍କ ସୁରକ୍ଷା କର୍ମୀ ଦୀବାଲୋକରେ ବନ୍ଧୁକ ଦେଖାଇଛନ୍ତି ଯାହା ସମ୍ପୂର୍ଣ୍ଣ ଲଜ୍ଜାଜନକ । ତେବେ ଉଭୟ ପକ୍ଷର କାର୍ଯ୍ୟକର୍ତ୍ତାମାନେ ଶାନ୍ତ ହୋଇଥିଲେ । ଉଭୟ ଦଳର ଷ୍ଟାର ପ୍ରଚାରକମାନେ ଜନତାଙ୍କୁ ନିଜ ଆଡ଼କୁ ଆକର୍ଷିତ କରିବା ପାଇଁ କଠିନ ପରିଶ୍ରମ କରୁଛନ୍ତି ।
.@BJP4Bengal HITS A NEW LOW!
How DARE a gun be aimed at public in broad daylight? Do people not have the right to protest against leaders they do not support? Such blatant violation of human rights is shameful! This compromises the safety and security of people in Bhabanipur! pic.twitter.com/mdVyKvGuD7
— All India Trinamool Congress (@AITCofficial) September 27, 2021
ପଶ୍ଚିମବଙ୍ଗରେ 30 ସେପ୍ଟେମ୍ବରରେ ଭବାନୀପୁର ସମେତ ତିନିଟି ଆସନରେ ବିଧାନସଭା ଉପ-ନିର୍ବାଚନ ଅନୁଷ୍ଠିତ ହେବ । ମମତା ବାନାର୍ଜୀ ଭବାନୀପୁର ଆସନରୁ ନିର୍ବାଚନ ଲଢୁଛନ୍ତି । ଆପଣଙ୍କୁ କହି ରଖୁଛୁ ମମତା ବାନାର୍ଜୀଙ୍କୁ ହରାଇବା ପାଇଁ ବିଜେପି ଏହାର 80 ଜଣ ନେତାଙ୍କୁ ଫିଲ୍ଡିଂ କରିଛି। ଏହି ନେତାମାନେ ଆଜି ସଭା ସହିତ ଏହି ବିଧାନସଭା ଆସନରେ ପ୍ରଚାର କରିଛନ୍ତି ।
Click it and Unblock the Notifications
Sign in with Google