ତୃଣମୂଳ କଂଗ୍ରେସ ସାସଂଦଙ୍କୁ 'ରୋମିଓ' ପସନ୍ଦ

ଗୁଡୁ ଜୀ, ବଙ୍ଗାଳୀ ଲୋକମାନେ ସବୁବେଳେ ହୃଦୟରୁ ପ୍ରେମ କରୁଥିବା ଲୋକ । ଆମେ ଆମର ସଙ୍ଗୀତକୁ ପସନ୍ଦ କରୁ, ଆମକୁ ଆମର କବିତାକୁ ପସନ୍ଦ, ଆମେ ମିଠା ପସନ୍ଦ କରୁ ଏବଂ ହଁ ଆମର ରୋମିଓ ମଧ୍ୟ ପସନ୍ଦ ।

Updated: Friday, April 9, 2021, 12:28 [IST]

କୋଲକାତା : ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଗୁରୁବାର (08 ଏପ୍ରିଲ 2021) ପଶ୍ଚିମବଙ୍ଗରେ ଏକ ନିର୍ବାଚନ ରାଲିରେ କହିଛନ୍ତି ଯେ ଯଦି ଭାରତୀୟ ଜନତା ପାର୍ଟି (ବିଜେପି) ପଶ୍ଚିମବଙ୍ଗରେ କ୍ଷମତାକୁ ଆସେ, ତେବେ ଆମେ ଆଣ୍ଟି ରୋମିଓ ସ୍କ୍ୱାର୍ଡ଼ ଗଠନ କରିବୁ । ପଶ୍ଚିମବଙ୍ଗର ହୁଗଲି ଜିଲ୍ଲାରେ ଏକ ସାଧାରଣ ସଭାରେ ସମ୍ବୋଧିତ କରି ଯୋଗୀ ଆଦିତ୍ୟନାଥ କହିଛନ୍ତି ଯେ ମମତା ବାନାର୍ଜୀଙ୍କ ସରକାର ଅଧୀନରେ ବଙ୍ଗଳା ମହିଳାମାନେ ସୁରକ୍ଷିତ ନୁହଁନ୍ତି । ଯୋଗୀ କହିଛନ୍ତି ଯେ, ''ମୁଁ ରାଜ୍ୟ ସରକାରଙ୍କୁ ପଚାରିବାକୁ ଚାହୁଁଛି ଯେ ବଙ୍ଗଳା କାହିଁକି ମହିଳାଙ୍କ ପାଇଁ ସୁରକ୍ଷିତ ନୁହେଁ ? ବିଜେପି କ୍ଷମତାକୁ ଆସିବା ପରେ ବାଳିକାମାନଙ୍କ ପାଇଁ ଶିକ୍ଷା ଏବଂ ପରିବହନ ମାଗଣା କରାଯିବ । ବାଳିକା ବିଦ୍ୟାଳୟ ନିକଟରେ ବୁଲୁଥିବା ପିଲାଙ୍କୁ ସାବାଡ଼ କରିବା ପାଇଁ ବେଙ୍ଗଲରେ ଏକ ଆଣ୍ଟି ରୋମିଓ ସ୍କ୍ୱାର୍ଡ଼ ଗଠନ କରାଯିବ । ବେଙ୍ଗଲରେ ମଧ୍ୟ ଉତ୍ତରପ୍ରଗଦେଶ ଭଳି ଭଉଣୀ ଏବଂ ଝିଅମାନଙ୍କୁ ସୁରକ୍ଷା ଦେବା ପାଇଁ ଆଣ୍ଟି ରୋମିଓ ସ୍କ୍ୱାର୍ଡ଼ ଗଠନ କରାଯିବ, ଯାହା ସ୍କୁଲ ଏବଂ କଲେଜ ବାହାରେ ବୁଲୁଥିବା ରୋମିଓଙ୍କୁ ସାବାଡ଼ କରିବ । ''

ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଏହି ବୟାନ ପରେ ତୃଣମୂଳ କଂଗ୍ରେସର ଲୋକସଭା ସାଂସଦ ମହୁଆ ମୋଇତ୍ରା ଟ୍ୱିଟ୍ କରି ଜବାବ୍ ଦେଇଛନ୍ତି । ମହୁଆ ମୋଇତ୍ରା କହିଛନ୍ତି ଯେ ତାଙ୍କୁ 'ରୋମିୟ' ପସନ୍ଦ । ଗୁରୁବାର (ଏପ୍ରିଲ 08) ରାତିରେ ମହୁଆ ମୋଇତ୍ରା ଟ୍ୱିଟ୍ କରି ଲେଖିଛନ୍ତି, "ଅଜୟ ବିଷ୍ଟ୍ ତଥା ମୁଖ୍ୟମନ୍ତ୍ରୀ ଯୋଗୀଙ୍କ ତାଜା ବକ୍ତବ୍ୟ ଶୁଣନ୍ତୁ ..." ଯଦି ବଙ୍ଗଳାରେ ବିଜେପି କ୍ଷମତାକୁ ଆସେ, ତେବେ ଆଣ୍ଟି ରୋମିଓ ସ୍କ୍ୱାର୍ଡ ଗଠନ କରିବେ । ଗୁଡୁ ଜୀ, ବଙ୍ଗାଳୀ ଲୋକମାନେ ସବୁବେଳେ ହୃଦୟରୁ ପ୍ରେମ କରୁଥିବା ଲୋକ । ଆମେ ଆମର ସଙ୍ଗୀତକୁ ପସନ୍ଦ କରୁ, ଆମକୁ ଆମର କବିତାକୁ ପସନ୍ଦ, ଆମେ ମିଠା ପସନ୍ଦ କରୁ ଏବଂ ହଁ ଆମର ରୋମିଓ ମଧ୍ୟ ପସନ୍ଦ ।''