ମୋର୍ବି ଦୁର୍ଘଟଣାରେ ପ୍ରଧାନମନ୍ତ୍ରୀ ମୋଦୀଙ୍କୁ ବଦନାମ କରିଥିବା ଅଭିଯୋଗରେ ଟିଏମସି ନେତା ସାକେତ୍ ଗୋଖଲେ ଗିରଫ
ତୃଣମୂଳ କଂଗ୍ରେସ ନେତା ସାକେତ୍ ଗୋଖଲେଙ୍କୁ ଗିରଫ କରାଯାଇଛି । ରାଜସ୍ଥାନର ଜୟପୁର ବିମାନବନ୍ଦରରୁ ସୋମବାର ଗୁଜରାଟ ପୋଲିସ ସାକେତ୍ ଗୋଖଲେଙ୍କୁ ଗିରଫ କରିଛି ।
ଗାନ୍ଧୀନଗର : ତୃଣମୂଳ କଂଗ୍ରେସ ନେତା ସାକେତ୍ ଗୋଖଲେଙ୍କୁ ଗିରଫ କରାଯାଇଛି । ରାଜସ୍ଥାନର ଜୟପୁର ବିମାନବନ୍ଦରରୁ ସୋମବାର ଗୁଜରାଟ ପୋଲିସ ସାକେତ୍ ଗୋଖଲେଙ୍କୁ ଗିରଫ କରିଛି । ବିଜେପି ଉପରେ "ରାଜନୈତିକ ପ୍ରତିଶୋଧ" ବୋଲି ଅଭିହିତ କରି ଟିଏମସି ଦାବି କରିଛି ଯେ ଏହାର ମୁଖପାତ୍ର ସାକେତ୍ ଗୋଖଲେଙ୍କୁ ଗୁଜୁରାଟ ପୋଲିସ ମୋର୍ବି ବ୍ରିଜ ଭୁଶୁଡ଼ିବା ନେଇ ଏକ ଟ୍ୱିଟ ପାଇଁ ଗିରଫ କରିଛି । ଯଦିଓ କେଉଁ ଟ୍ୱିଟ୍ ପାଇଁ ଏହି ଗିରଫଦାରୀ ହୋଇଛି ସେ ନେଇ ଦଳ ସ୍ପଷ୍ଟ ଭାବେ କହିନାହିଁ ।
ଗଣମାଧ୍ୟମ ରିପୋର୍ଟ ଅନୁଯାୟୀ, ମୋର୍ବି ବ୍ରିଜ ଦୁର୍ଘଟଣା ସମ୍ପର୍କରେ ସାକେତ୍ ଗୋଖଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ବଦନାମ କରିବାକୁ ଚେଷ୍ଟା କରୁଥିବା ଅଭିଯୋଗ ହୋଇଥିଲା ।
ଆପଣଙ୍କୁ କହି ରଖୁଛୁ ଯେ ଟିଏମସି ନେତା ତଥା ପ୍ରବକ୍ତା ସାକେତ୍ ଗୋଖଲେ ତୃଣମୂଳ କଂଗ୍ରେସ ମୁଖ୍ୟ ମମତା ବାନାର୍ଜୀଙ୍କ ଅତି ଘନିଷ୍ଠ ବୋଲି କୁହାଯାଏ । ମୋର୍ବି ପୋଲ ଦୁର୍ଘଟଣାକୁ ଏକ 'କୁକୁ୍ଡ୍ ଅଫ୍' ମାମଲା ବୋଲି କହିଥଲେ ସାକେତ୍ । ତାପରେ ତାଙ୍କ ବିରୋଧରେ ଅହମ୍ମଦାବାଦ୍ର ସାଇବର୍ ସେଲ୍ରେ ଏକ ମାମଲା ରୁଜୁ ହୋଇଥିଲା ।
TMC national spokesperson @SaketGokhale arrested by Gujarat Police.
Saket took a 9pm flight from New Delhi to Jaipur on Mon. When he landed, Gujarat Police was at the airport in Rajasthan waiting for him and picked him up. 1/3
— Derek O'Brien | ডেরেক ও'ব্রায়েন (@derekobrienmp) December 6, 2022
ସାକେତଙ୍କ ଗିରଫ ସମ୍ପର୍କରେ ଟିଏମସି ନେତା ଡେରେକ୍ ଓ' ବ୍ରାଏନ୍ ଟ୍ୱିଟ୍ କରି ସୂଚନା ଦେଇଛନ୍ତି । ସେ ଟ୍ୱିଟ୍ କରି ଲେଖିଛନ୍ତି ସାକେତ ଗତକାଲି ରାତି ୯ଟାରୁ ଦିଲ୍ଲୀରୁ ଜୟପୁର ପର୍ଯ୍ୟନ୍ତ ଉଡ଼ାଣ ଭରିଥିଲେ । ସେ ପହଞ୍ଚିବା ପରେ ରାଜସ୍ଥାନ ବିମାନବନ୍ଦରରେ ଜଗି ରହିଥିବା ଗୁଜୁରାଟ ପୁଲିସ୍ ତାଙ୍କୁ ଧରି ନେଇ ଯାଇଥିଲା ।