2 ଲକ୍ଷର ବ୍ୟାଗକୁ ନେଇ ଟ୍ରୋଲର ଶିକାର ହୋଇ ମୋଦୀଙ୍କୁ ଟାର୍ଗେଟ୍ କଲେ ମହୁଆ

ଭିଡିଓରେ ଗୃହରେ ମୁଦ୍ରାସ୍ଫୀତି ନେଇ ବିତର୍କ ମଧ୍ୟରେ ମହୁଆ ମୋଇତ୍ରାଙ୍କ ହ୍ୟାଣ୍ଡବ୍ୟାଗର ଭିଡିଓ ଭାଇରାଲ ହେବାରେ ଲାଗିଛି । ଅନେକ ବିଜେପି ନେତା ଏହି ଭିଡିଓ ସେୟାର କରି ଟାର୍ଗେଟ୍ କରିଛନ୍ତି ।

ନୂଆଦିଲ୍ଲୀ : ସୋମବାର ମୌସୁମୀ ଅଧିବେଶନରେ ମୁଦ୍ରାସ୍ଫୀତି ଉପରେ ବିତର୍କ ବେଳେ ଟିଏମସି ସାଂସଦ ମହୁଆ ମୋଇତ୍ରାଙ୍କ ଏକ ଭିଡିଓ ସୋଶାଲ ମିଡିଆରେ ଭାଇରାଲ ହେଉଛି । ଏହି ଭିଡିଓରେ ଗୃହରେ ମୁଦ୍ରାସ୍ଫୀତି ନେଇ ବିତର୍କ ମଧ୍ୟରେ ମହୁଆ ମୋଇତ୍ରାଙ୍କ ହ୍ୟାଣ୍ଡବ୍ୟାଗର ଭିଡିଓ ଭାଇରାଲ ହେବାରେ ଲାଗିଛି । ଅନେକ ବିଜେପି ନେତା ଏହି ଭିଡିଓ ସେୟାର କରି ଟାର୍ଗେଟ୍ କରିଛନ୍ତି । ବର୍ତ୍ତମାନ ମହୁଆଙ୍କ ତରଫରୁ ଏହି ଭିଡିଓରେ ସେ ତାଙ୍କ ବ୍ୟାଗ ବିଷୟରେ ଦାବି ଉପରେ ପ୍ରତିକ୍ରିୟା ଦେଇଛନ୍ତି ।

ବାସ୍ତବରେ ସୋମବାର ଦିନ ଲୋକସଭାରେ ମୁଦ୍ରାସ୍ଫୀତି, ଜିଏସଟି ଏବଂ ଉତ୍ପାଦର ମୂଲ୍ୟ ବୃଦ୍ଧି ଉପରେ ଆଲୋଚନା କରାଯାଇଥିଲା । ଯେତେବେଳେ ମହୁଆ ମୋଇତାଙ୍କ ନିକଟରେ ବସିଥିବା ଟିଏମସି ସାଂସଦ କାକୋଲି ଘୋଷ କହିବାକୁ ଛିଡ଼ା ହୁଅନ୍ତି ସେତେବେଳେ ମହୁଆ ନିଜ ବ୍ୟାଗ ଉଠାଇ ତଳେ ରଖିଦେଇଛନ୍ତି । ସେହି ଭିଡିଓ ସୋଶାଲ ମିଡିଆରେ ଭାଇରାଲ ହୋଇଥିଲା । ଯାହା ପରେ ସୋସିଆଲ ମିଡିଆରେ ମହୁଆ ଲୋକଙ୍କ ଟାର୍ଗେଟରେ ଆସିଥିଲେ ।

ବିଜେପିର ଶାହାଜାଦ ପୁନାୱାଲା ମହୁଆଙ୍କ ଉପରେ ତାଙ୍କ ମହଙ୍ଗା ହ୍ୟାଣ୍ଡବ୍ୟାଗ ଲୁଚାଇଥିବାର ଅଭିଯୋଗ କରିଛନ୍ତି । ଶାହାଜାଦ ପୁନାୱାଲା ଟ୍ୱିଟରେ ଲେଖିଛନ୍ତି ଯେ ମୂଲ୍ୟ ବୃଦ୍ଧି ଉପରେ ଆଲୋଚନା ବେଳେ ମହୁଆ ମୋଇତ୍ରା ତାଙ୍କ ମହଙ୍ଗା ବ୍ୟାଗକୁ ଲୁଚାଇ ରଖିଥିଲେ । ଏହା କପଟୀର ଚେହେରା । ଅତ୍ୟଧିକ ଭ୍ରଷ୍ଟାଚାରରେ ବିଶ୍ୱାସ କରୁଥିବା ଟିଏମସି ଦଳ ଭାଟ୍ କାଟନ୍ତି ନାହିଁ ଏବଂ ମୂଲ୍ୟ ବୃଦ୍ଧି ଉପରେ ଆଲୋଚନା କରନ୍ତି । ମହଙ୍ଗା ବ୍ୟାଗକୁ ନେଇ ମହୁଆ ମୋଇତ୍ରା ସୋଶାଲ ମିଡ଼ିଆରେ ଟ୍ରୋଲର ଶିକାର ହୋଇଛନ୍ତି ।

Jholewala fakir in Parliament since 2019.

Jhola leke aye the… jhola leke chal padenge… pic.twitter.com/2YOWst8j98

— Mahua Moitra (@MahuaMoitra) August 2, 2022

ଏହା ପରେ ବର୍ତ୍ତମାନ ମହୁଆ ମୋଇତ୍ରା ଟ୍ରୋଲର ଜବାବ୍ ଦେଇଛନ୍ତି । ମହୁଆ ମୋଇତ୍ରା ହ୍ୟାଣ୍ଡବ୍ୟାଗ ସହିତ ତାଙ୍କ ଫଟୋ ଗୁଡ଼ିକର ଏକ କୋଲାଜ ସେୟାର କରିଛନ୍ତି । ଫଟୋ ସେୟାର କରି ମହୁଆ ଲେଖିଛନ୍ତି, "ଝୋଲା ନେଇ ଆସିଥିଲି, ଝୋଲା ନେଇ ଯିବି, ଝୋଲାୱାଲା ଫକୀର 2019 ରୁ ସଂସଦରେ ଅଛନ୍ତି ।" 2016 ରେ ଏକ ରାଲିରେ ପ୍ରଧାନମନ୍ତ୍ରୀ ମୋଦୀ ଦେଇଥିବା ମନ୍ତବ୍ୟକୁ ନେଇ ମୋହୁଆ ଟାର୍ଗେଟ୍ କରିଛନ୍ତି । ଏପରିକି ସେ ଟ୍ୱିଟ୍ ରେ ସ୍ପଷ୍ଟ କରିଛନ୍ତି 2019 ମସିହାରୁ ସେ ଏହି ବ୍ୟାଗ୍ ବ୍ୟହରା କରୁଛନ୍ତି ।

English summary

TMC Leader Mohua moitra targets Narendra Modi After Getting Trolled for her Handbag