ବଙ୍ଗଳାରେ ଉତ୍ତର ପ୍ରଦେଶ ସୁରକ୍ଷାକର୍ମୀଙ୍କ ନିୟୋଜନ ଉପରେ ଟିଏମସିର ଆପତ୍ତି, ରୋକ ଲଗାଇବାକୁ ନିର୍ବାଚନ ଆୟୋଗ ନିକଟରେ ଦାବି
ଏହା ବାଦ୍ ଅଣ ବିଜେପି ଶାସିତ ରାଜ୍ୟମାନଙ୍କରୁ ଯବାନଙ୍କ ନିୟୋଜନରେ କୌଣସି ଆପତ୍ତି ନାହିଁ, କିନ୍ତୁ ଆମେ ଉତ୍ତରପ୍ରଦେଶର ସୁରକ୍ଷା ବାହିନୀଙ୍କ ନିୟୋଜନକୁ ବିରୋଧ କରୁଛୁ ।
କୋଲକାତା : ପଶ୍ଚିମବଙ୍ଗରେ ହେବାକୁ ଥିବା ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ତୃଣମୂଳ କଂଗ୍ରେସ ଓ ବିଜେପି ମଧ୍ୟରେ ଦେଖିବାକୁ ମିଳୁଛି କଡ୍ଡା ଟକ୍କର । ଏପରିକି ବଙ୍ଗଳାରେ କୌଣସି ବିଜେପି ଶାସିତ ରାଜ୍ୟର ସୁରକ୍ଷା ବାହିନୀ ନିୟୋଜନ ଉପରେ ଆପତ୍ତି ଉଠାଇଛି । ତୃଣମୂଳ କଂଗ୍ରେସ ନିର୍ବାଚନ ଆୟୋଗଙ୍କୁ ଏକ ଚିଠି ଲେଖି ବିଜେପି ଶାସିତ ଉତ୍ତରପ୍ରଦେଶ କିମ୍ବା ଅନ୍ୟ କୌଣସି ରାଜ୍ୟର ସୁରକ୍ଷା ବାହିନୀକୁ ବେଙ୍ଗଲରେ ନିୟୋଜିତ ନକରିବାକୁ ଦାବି କରିଛି ।
ଅଣ-ବିଜେପି ଶାସିତ ରାଜ୍ୟର ସୁରକ୍ଷାବାହିନୀ ହୁଅନ୍ତୁ ନିୟୋଜିତ - ଟିଏମସି
ତୃଣମୂଳ କଂଗ୍ରେସ ନିର୍ବାଚନ ଆୟୋଗଙ୍କୁ ଲେଖିଥିବା ଚିଠିରେ ଦର୍ଶାଇଛି ଯେ, ବଙ୍ଗଳାରେ ହେବାକୁ ଥିବା ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ନିର୍ବାଚନ ଆୟୋଗ ଉତ୍ତରପ୍ରଦେଶ ରାଜ୍ୟ ସଶସ୍ତ୍ର ପୋଲିସର 30 ଟି କମ୍ପାନୀକୁ ନିୟୋଜନ କରିବାକୁ ଯାଉଛନ୍ତି । ଆମେ ଏହାକୁ ରୋକିବାକୁ ଦାବି କରୁଛୁ । ଏହା ବାଦ୍ ଅଣ ବିଜେପି ଶାସିତ ରାଜ୍ୟମାନଙ୍କରୁ ଯବାନଙ୍କ ନିୟୋଜନରେ କୌଣସି ଆପତ୍ତି ନାହିଁ, କିନ୍ତୁ ଆମେ ଉତ୍ତରପ୍ରଦେଶର ସୁରକ୍ଷା ବାହିନୀଙ୍କ ନିୟୋଜନକୁ ବିରୋଧ କରୁଛୁ ।
National, Politics, West Bengal Assembly Election , West Bengal Assembly Election, Assembly Election , Assembly Election, TMCକେଉଁ କଥାକୁ ଡରୁଛି ତୃଣମୂଳ କଂଗ୍ରେସ ?
ଟିଏମସି ଏହି ଚିଠିରେ ଆହୁରି ମଧ୍ୟ କହିଛି ଯେ, ଉତ୍ତରପ୍ରଦେଶରେ ବିଜେପି କ୍ଷମତାରେ ଅଛି ଏବଂ ଯୋଗୀ ଆଦିତ୍ୟନାଥ ମୁଖ୍ୟମନ୍ତ୍ରୀ ପଦବୀରେ ଅଛନ୍ତି। ଏଥିସହିତ ସେ ମଧ୍ୟ ବଙ୍ଗଳାର ବିଜେପିର ଷ୍ଟାର ପ୍ରଚାରକ । ନିର୍ବାଚନ ସମୟରେ ମେସିନାରୀର ବଦଳି ହେବାର ଆଶଙ୍କା ରହିଛି । ଏଭଳି ପରିସ୍ଥିତିରେ ଆମେ ୟୁପିରୁ SAP ର ନିୟୋଜନକୁ ବନ୍ଦ କରିବାକୁ ନିର୍ବାଚନ ଆୟୋଗଙ୍କୁ ଆହ୍ୱନ କରୁଛୁ । ଆପଣଙ୍କୁ କହିରଖୁଛୁ ଯେ, ପଶ୍ଚିମବଙ୍ଗର 294 ଟି ବିଧାନସଭା ଆସନ ପାଇଁ ମାର୍ଚ୍ଚ 27 ରୁ ଏପ୍ରିଲ୍ 29 ପର୍ଯ୍ୟନ୍ତ ଆଠଟି ପର୍ଯ୍ୟାୟ ପାଇଁ ଭୋଟ୍ ଆରମ୍ଭ ହେବ ଏବଂ ଫଳାଫଳ ମେ 2 ରେ ଘୋଷଣା କରାଯିବ ।
Click it and Unblock the Notifications
Sign in with Google