ତିରଥ ସିଂ ରାଓ୍ୱତଙ୍କୁ ଉତ୍ତରାଖଣ୍ଡ ନୂଆ ମୁଖ୍ୟମନ୍ତ୍ରୀ ଦାୟିତ୍ୱ, ଅପରାହ୍ନ 4 ଟାରେ ନେବେ ଶପଥ

ଉତ୍ତରାଖଣ୍ଡର ନୂଆ ମୁଖ୍ୟମନ୍ତ୍ରୀ ହେଲେ ତିରଥ ସିଂ ରାୱତ୍ । ଉତ୍ତରାଖଣ୍ଡ ବିଜେପି କାର୍ଯ୍ୟାଳୟରେ ବୁଧବାର ସକାଳେ ଅନୁଷ୍ଠିତ ବୈଠକରେ ଏହି ନିଷ୍ପତ୍ତି ନିଆଯାଇଛି । ଆଦି ଅପରାହ୍ନ 4 ଟାରେ ସେ ରାଜ୍ୟର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ ।

Updated: Wednesday, March 10, 2021, 12:59 [IST]

ଦେହରାଦୁନ୍ : ଉତ୍ତରାଖଣ୍ଡର ନୂଆ ମୁଖ୍ୟମନ୍ତ୍ରୀ ହେଲେ ତିରଥ ସିଂ ରାୱତ୍ । ଉତ୍ତରାଖଣ୍ଡ ବିଜେପି କାର୍ଯ୍ୟାଳୟରେ ବୁଧବାର ସକାଳେ ଅନୁଷ୍ଠିତ ବୈଠକରେ ଏହି ନିଷ୍ପତ୍ତି ନିଆଯାଇଛି । ଆଦି ଅପରାହ୍ନ 4 ଟାରେ ସେ ରାଜ୍ୟର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ ।

ନୂଆ ମୁଖ୍ୟମନ୍ତ୍ରୀ ଭାବେ ମନୋନୀତ ହେବା ପରେ ତିରଥ କହିଛନ୍ତି, " ଗୋଟିଏ ଛୋଟ ଗାଁରୁ ଆସିଥିବା ଏକ ଦଳୀୟ କର୍ମୀକୁ ମୁଖ୍ୟମନ୍ତ୍ରୀ ଭାବେ ଚୟନ କରିଥିବାରୁ ମୁଁ ପ୍ରଧାନମନ୍ତ୍ରୀ, ଗୃହମନ୍ତ୍ରୀ ଏବଂ ଦଳ ମୁଖ୍ୟଙ୍କୁ ଧନ୍ୟବାଦ । ମୁଁ କଦାପି କଳ୍ପନା କରି ନ ଥିଲି ଯେ ମୁଁ ଏଠାରେ ପହଞ୍ଚିବି । ଲୋକଙ୍କ ଆଶା ପୂରଣ କରିବା ଏବଂ ଗତ 4 ବର୍ଷ ମଧ୍ୟରେ କରାଯାଇଥିବା କାର୍ଯ୍ୟକୁ ଆଗକୁ ବଢାଇବା ପାଇଁ ଆମେ ସମସ୍ତ ଉଦ୍ୟମ କରିବୁ।"

ତିରଥ ସିଂ ରାୱତ 9 ଫେବୃଆରୀ, 2013 ରୁ 31 ଡିସେମ୍ବର, 2015 ପର୍ଯ୍ୟନ୍ତ ଉତ୍ତରପ୍ରଦେଶରେ ବିଜେପି ମୁଖ୍ୟ ଥିବାସହ 2012 ରୁ 2017 ପର୍ଯ୍ୟନ୍ତ ଚୌବଟ୍ଟାଖାଲ ନିର୍ବାଚନମଣ୍ଡଳୀରୁ ନିର୍ବାଚିତ ହୋଇ ଉତ୍ତରପ୍ରଦେଶ ବିଧାନସଭାର ପୂର୍ବତନ ସଦସ୍ୟ ଥିଲେ ।

56 ବର୍ଷୀୟା ରାଓ୍ୱତ ଉତ୍ତରାଖଣ୍ଡର ଗରୱାଲରୁ ସାଂସଦ ଅଛନ୍ତି । କେନ୍ଦ୍ର ମନ୍ତ୍ରୀ ରମେଶ ପୋଖରିଆଲ ନିଶଙ୍କ ଏବଂ ଉତ୍ତରପ୍ରଦେଶ ମନ୍ତ୍ରୀ ଧନ ସିଂ ରାୱତଙ୍କ ସମେତ ବିଶିଷ୍ଟ ପ୍ରାର୍ଥୀଙ୍କୁ ନୂଆ ମୁଖ୍ୟମନ୍ତ୍ରୀ ପଦବୀ ମିଳଇବା ନେଇ ଚର୍ଚ୍ଚା ହେଉଥିଲା । କିନ୍ତୁ ପରିଶେଷରେ ତିରଥଙ୍କୁ ଦଳ ମୁଖ୍ୟମନ୍ତ୍ରୀ ଦାୟିତ୍ୱ ନେବାକୁ ନିଷ୍ପତ୍ତି ନେଇଛି । ଆଜି ସକାଳେ ବଲବୀର ରୋଡରେ ଥିବା ବିଜେପି କାର୍ଯ୍ୟାଳୟରେ ଦଳୀୟ ସଭା ଅନୁଷ୍ଠିତ ହୋଇଥିଲା ।

ସୂଚନାଯୋଗ୍ୟ, ରାଜ୍ୟରେ ନେତୃତ୍ୱ ପରିବର୍ତ୍ତନ ନେଇ କିଛି ଦିନ ଧରି ଚର୍ଚ୍ଚା ହେବା ପରେ ତ୍ରିବେନ୍ଦ୍ର ସିଂ ରାୱତ ମଙ୍ଗଳବାର ଇସ୍ତଫା ଦେଇଛନ୍ତି । ତାଙ୍କ ଇସ୍ତଫା ଦେବାର କାରଣ ବିଷୟରେ ପଚରାଯିବାରୁ ସେ କହିଛନ୍ତି, " ଏହା ସାମୁହିକ ନିଷ୍ପତ୍ତି । ଏହାର ପ୍ରକୃତ ଉତ୍ତର ପାଇବାକୁ ହେଲେ ଆପଣଙ୍କୁ ଦିଲ୍ଲୀ ଯିବାକୁ ହେବ ।