ମହାରାଷ୍ଟ୍ରର ଉଦ୍ଧବ ସରକାରଙ୍କୁ ଝଟକା, ମହାବିକାଶ ଅଘାଡ଼ି ଗଠବନ୍ଧନରୁ ଅଲଗା ହେଲା ଏହ ଦଳ

: ମହାରାଷ୍ଟ୍ରରେ ଚାଲିଥିବା ରାଜନୈତିକ ଅସ୍ଥିରତା ମଧ୍ୟରେ ଉଦ୍ଧବ ଠାକରେ ସରକାରକ ଲାଗିଛି ଏକ ବଡ଼ ଝଟକା । ମହା ବିକାଶ ଅଘାଡ଼ିର ଏକ ଅଂଶ ଥିବା ସ୍ୱାଭିମାନୀ ପକ୍ଷ ଆଉ ଏହି ମିଳିତ ମଞ୍ଚର ଅଂଶ ରହିବ ନାହିଁ ବୋଲି ଘୋଷଣା କରିଛି ।

Published: Wednesday, April 6, 2022, 17:00 [IST]

ମୁମ୍ବାଇ : ମହାରାଷ୍ଟ୍ରରେ ଚାଲିଥିବା ରାଜନୈତିକ ଅସ୍ଥିରତା ମଧ୍ୟରେ ଉଦ୍ଧବ ଠାକରେ ସରକାରକ ଲାଗିଛି ଏକ ବଡ଼ ଝଟକା । ମହା ବିକାଶ ଅଘାଡ଼ିର ଏକ ଅଂଶ ଥିବା ସ୍ୱାଭିମାନୀ ପକ୍ଷ ଆଉ ଏହି ମିଳିତ ମଞ୍ଚର ଅଂଶ ରହିବ ନାହିଁ ବୋଲି ଘୋଷଣା କରିଛି । ମଙ୍ଗଳବାର ଦିନ ତାଙ୍କ ଦଳର ସମ୍ମିଳନୀରେ ମିଳିତ ମଞ୍ଚର ଅଲଗା ହେବା ନେଇ ଘୋଷଣା କରିବାବେଳେ ସ୍ୱାଭିମାନୀ ପକ୍ଷର ନେତା ରାଜୁ ଶେଟ୍ଟୀ କହିଛନ୍ତି ଯେ ଦଳର ନେତାଙ୍କ ସହ ଦୀର୍ଘ ଆଲୋଚନା ପରେ ଆମେ ଏହି ମିଳିତ ମଞ୍ଚରୁ ଅଲଗା ହେବାକୁ ନିଷ୍ପତ୍ତି ନେଇଛୁ । ଆଜି ଏବଂ ବର୍ତ୍ତମାନ ଠାରୁ ସ୍ୱାଭିମାନୀ ପକ୍ଷ ଏବଂ ମହାବିକାଶ ଅଘାଡ଼ି ମଧ୍ୟରେ କୌଣସି ପ୍ରକାରର ସମ୍ପର୍କ ନାହିଁ ।

ଆମେ ଆପଣଙ୍କୁ କହିରଖୁଛୁ ଯେ ରାଜୁ ଶେଟ୍ଟୀ ତାଙ୍କ ଦଳର ଏକମାତ୍ର ବିଦାୟକ ଦେବେନ୍ଦ୍ର ଭୁୟାରଙ୍କୁ 'ସ୍ୱାଭିମାନୀ ପକ୍ଷ'ରୁ ବହିଷ୍କାର କରିଛନ୍ତି । ରାଜୁ ଶେଟ୍ଟୀ କହିଛନ୍ତି ଯେ ଦେବେନ୍ଦ୍ର ଭୁୟାର 2019 ବିଧାନସଭା ନିର୍ବାଚନ ପରଠାରୁ ଏନସିପି ନେତାଙ୍କ ସହ ଯୋଗାଯୋଗରେ ଅଛନ୍ତି ଏବଂ ସ୍ୱାଭିମାନୀ ପକ୍ଷର ମଞ୍ଚରେ କେବେ ଦେଖା ଦେଇ ନାହାଁନ୍ତି, ତେଣୁ ତାଙ୍କୁ ଦଳରୁ ବାହାର କରିଦିଆଯାଇଛି । 2019 ବିଧାନସଭା ନିର୍ବାଚନରେ ଦେବେନ୍ଦ୍ର ଭୁୟାର ମହାରାଷ୍ଟ୍ରର ମୋର୍ସି ଆସନରୁ ସ୍ୱାଭିମାନୀ ପକ୍ଷର ଟିକେଟ୍ ରୁ ନିର୍ବାଚନ ଲଢି ଜିତିଥିଲେ ।

ମଙ୍ଗଳବାର ଦଳର ସମ୍ମିଳନୀରେ ରାଜୁ ଶେଟ୍ଟୀ କହିଛନ୍ତି, "ମହାବିକାଶ ଅଘାଡ଼ି ମିଳିତ ମଞ୍ଚରେ କମନ୍ ମିନିମମ୍ ପ୍ରୋଗ୍ରାମ ଅଧୀନରେ ଚାଷୀଙ୍କ ହିତ ସରକାରଙ୍କ ଗୁରୁତ୍ୱ ହେବ ବୋଲି ନିଷ୍ପତ୍ତି ହୋଇଥିଲା । ମୋର ଦଳ ମଧ୍ୟ ଏହି ମିଳିତ ମଞ୍ଚର ଏକ ଅଂଶ ହୋଇଗଲା । ତେବେ ଗତ ଅଢେଇ ବର୍ଷ ମଧ୍ୟରେ ବନ୍ୟା ଯୋଗୁଁ ହୋଇଥିବା କ୍ଷୟକ୍ଷତି ପାଇଁ ଚାଷୀଙ୍କୁ ଉଚିତ୍ କ୍ଷତିପୂରଣ ଦାବିରେ ରାଜ୍ୟ ସରକାରଙ୍କୁ ମଧ୍ୟ ବିରୋଧ କରିବାକୁ ପଡିଲା । ଚାଷୀଙ୍କ ଜମି ଅଧିଗ୍ରହଣ ବଦଳରେ ସରକାର କ୍ଷତିପୂରଣ ରାଶି ହ୍ରାସ କରିଛନ୍ତି ଏବଂ ଏଥିପାଇଁ ଆମ ଦଳ ମଧ୍ୟ ରାସ୍ତାକୁ ଓହ୍ଲାଇଛି ।

ରାଜୁ ଶେଟ୍ଟୀ ତାଙ୍କ ଦଳର କର୍ମୀଙ୍କୁ ସମ୍ବୋଧିତ କରି କହିଛନ୍ତି, 'ମହାରାଷ୍ଟ୍ରର ଉଦ୍ଧବ ସରକାର ଚାଷୀଙ୍କ ସହ ଜଡିତ ପ୍ରତ୍ୟେକ ପ୍ରସଙ୍ଗରେ ବିଫଳ ହୋଇଛନ୍ତି, ଏହି କାରଣରୁ ଆଜି ମୁଁ ଏହି ଫୋରମ୍ ରୁ ଘୋଷଣା କରୁଛି ଯେ ମହାବିକାଶ ଅଘାଡ଼ି ସହିତ ଆମର ଆଉ କୌଣସି ସମ୍ପର୍କ ନାହିଁ । ମିଳିତ ମଞ୍ଚରୁ ଅଲଗା ହେବା ପରେ ଆମେ କୃଷକମାନଙ୍କ ନିକଟକୁ ଯିବୁ, ସେମାନଙ୍କ ସହ କଥାବାର୍ତ୍ତା କରିବୁ ଏବଂ ଆମର ନିଷ୍ପତ୍ତି ବିଷୟରେ ସୂଚନା ଦେବୁ ।

Published On April 6, 2022