ତ୍ରିପୁରା ସରକାରଙ୍କୁ ସୁପ୍ରିମକୋର୍ଟଙ୍କ ପ୍ରଶ୍ନ : 'ନିରପେକ୍ଷ ନିର୍ବାଚନ ନିଶ୍ଚିତ କରିବାକୁ ଆପଣ କଣ କରୁଛନ୍ତି ?'
ମଙ୍ଗଳବାର ସକାଳେ ତୃଣମୂଳ କଂଗ୍ରେସର ଅବମାନନା ଆବେଦନ ଉପରେ ସୁପ୍ରିମକୋର୍ଟ ଶୁଣାଣି କରିଛନ୍ତି । ବିଜେପି-ଟିଏମସି ବିବାଦ ମଧ୍ୟରେ ସୁପ୍ରିମକୋର୍ଟ ତ୍ରିପୁରା ସରକାରଙ୍କୁ ପଚାରିଛନ୍ତି ଯେ ନିଷ୍ପକ୍ଷ ନିର୍ବାଚନକୁ ସୁନିଶ୍ଚିତ କରିବା ପାଇଁ ଆପଣଙ୍କ ସରକାର କଣ କରୁଛନ୍ତି
ନୂଆଦିଲ୍ଲୀ : ନଭେମ୍ବର 25 ରେ ହେବାକୁ ଥିବା ନଗରନିଗମ ମତଦାନ ପୂର୍ବରୁ ତ୍ରିପୁରାରେ ହିଂସା ତଥା ନିର୍ବାଚନ ପ୍ରଚାର ଉପରେ ପ୍ରତିବନ୍ଧକ ଲଗାଯାଇଥିବା ନେଇ ସୁପ୍ରିମକୋର୍ଟ ମଙ୍ଗଳବାର ଦିନ ଶୁଣାଣି କରିଛନ୍ତି । ମଙ୍ଗଳବାର ସକାଳେ ତୃଣମୂଳ କଂଗ୍ରେସର ଅବମାନନା ଆବେଦନ ଉପରେ ସୁପ୍ରିମକୋର୍ଟ ଶୁଣାଣି କରିଛନ୍ତି । ବିଜେପି-ଟିଏମସି ବିବାଦ ମଧ୍ୟରେ ସୁପ୍ରିମକୋର୍ଟ ତ୍ରିପୁରା ସରକାରଙ୍କୁ ପଚାରିଛନ୍ତି ଯେ ନିଷ୍ପକ୍ଷ ନିର୍ବାଚନକୁ ସୁନିଶ୍ଚିତ କରିବା ପାଇଁ ଆପଣଙ୍କ ସରକାର କଣ କରୁଛନ୍ତି ? ଟିଏମସି ଏବଂ ତ୍ରିପୁରା ସରକାର ସେମାନଙ୍କର ପ୍ରଥମ ଯୁକ୍ତି ଉପସ୍ଥାପନ କରିବା ପରେ ଜଷ୍ଟିସ ଡି.ଇ ଚନ୍ଦ୍ରଚୂଡ଼ ତ୍ରିପୁରା ସରକାରଙ୍କୁ ରାଜ୍ୟରେ ମୁକ୍ତ ଏବଂ ନିରପେକ୍ଷ ନିର୍ବାଚନ ସୁନିଶ୍ଚିତ କରିବା ପାଇଁ କଣ କରିଛନ୍ତି ବୋଲି ପଚାରିଥିଲେ ।
ଏହାପୂର୍ବରୁ ରାଜ୍ୟରେ ହୋଇଥିବା ହିଂସା ତଥା ରାଜନୈତିକ ତିକ୍ତତା କାରଣରୁ ମତଦାନର ପୁନଃସ୍ଥିର କରିବାକୁ ଟିଏମସିର ଓକିଲ ସୁପ୍ରିମକୋର୍ଟଙ୍କୁ କହିଛନ୍ତି ।
ସୁପ୍ରିମକୋର୍ଟରେ ବିତର୍କ ସମୟରେ ଟିଏମସିର ଓକିଲ ତ୍ରିପୁରାରେ ଘଟିଥିବା ଅନେକ ହିଂସା ଘଟଣାକୁ ଦର୍ଶାଇଛନ୍ତି । ତାରିଖ ଏବଂ ସ୍ଥାନ ମଧ୍ୟ କୋର୍ଟକୁ କୁହାଯାଇଥିଲା । ଟିଏମସିର ଓକିଲ କହିଛନ୍ତି, ସ୍କ୍ରିନସଟରେ ଆପଣ ଦେଖିପାରିବେ ଯେ ଯେତେବେଳେ ହିଂସା ଘଟୁଛି, ପୋଲିସ ଠିଆ ହୋଇଛି ଏବଂ କିଛି କରୁନାହିଁ ।
ଟିଏମସିର ଓକିଲ ଆହୁରି ମଧ୍ୟ କହିଛନ୍ତି, "ରାଜନୈତିକ କର୍ମୀଙ୍କୁ ବାହାର କରିଦିଆଯାଉଛି । ଶିଶୁ ଓ ମହିଳାଙ୍କୁ ଘରୁ ଟାଣି ନିଆଯାଉଛି। ଯାନବାହନ ଭଙ୍ଗାରୁଜା କରାଯାଇଛି । ଏଗୁଡିକ ମୁକ୍ତ ଏବଂ ନିରପେକ୍ଷ ନିର୍ବାଚନ ନୁହେଁ । ଭୋଟର ମାନେ ମତଦାନ ପାଇଁ କଣ ବାହାରକୁ ଆସିବେ ? 2020ରେ ଶେଷ ଥର ପାଇଁ ନିର୍ବାଚନ ହୋଇଥିଲା । ଯଦି ପୁନଃ ନିର୍ଦ୍ଧାଣ କରାଯାଏ ତେବେ ଫଳାଫଳ ବଦଳିଯିବ । ହିଂସାର 17 ଘଣ୍ଟା ବିତିଯାଇଥିଲେ ମଧ୍ୟ କୌଣସି ଗିରଫଦାରୀ ହୋଇନାହିଁ ।"
ତ୍ରିପୁରା ସରକାରଙ୍କ ପକ୍ଷରୁ ଓକିଲ ମହେଶ ଜେଠମାଲାନି କହିଛନ୍ତି, "ଏହା ଏକ ରାଜନୈତିକ ରୂପରେଖ ଆବେଦନ । ଆଜି ପ୍ରଚାରର ଶେଷ ଦିନ । ହଠାତ୍ ସେମାନେ ହିଂସା ଘଟଣାକୁ ନେଇ ସୁପ୍ରିମକୋର୍ଟକୁ ଆସିଛନ୍ତି । ସେ ଉଲ୍ଲେଖ କରିଥିବା ସମସ୍ତ ଘଟଣାରେ FIR ପଞ୍ଜିକୃତ ହୋଇଛି ଏବଂ ଆମେ ସବୁକିଛି ଅନୁସନ୍ଧାନ କରୁଛୁ ।"
ତ୍ରିପୁରା ସରକାରଙ୍କ ଓକିଲ ଆହୁରି ମଧ୍ୟ କହିଛନ୍ତି ଯେ ନିର୍ବାଚନ ସମ୍ପର୍କରେ ଏକ ରିପୋର୍ଟ ଦାଖଲ କରିବାକୁ ସୁପ୍ରିମକୋର୍ଟ କହିଛନ୍ତି ଏବଂ ଆସନ୍ତାକାଲି ଆମେ ଏହାକୁ ପ୍ରସାରଣ କରିବାକୁ ଯାଉଛୁ ।
Click it and Unblock the Notifications
Sign in with Google