ନିଜ ହତ୍ୟା ଆଶଙ୍କା କଲେ ସ୍ୱାମୀ ; ପ୍ରଧାନମନ୍ତ୍ରୀ ମୋଦୀ ଏବଂ ଅମିତ ଶାହା ଉପରେ ଅଭିଯୋଗ

ସୁବ୍ରମଣ୍ୟମ ସ୍ୱାମୀ ଏକ ଟ୍ୱିଟ୍ କରି ଦାବି କରିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଗୃହମନ୍ତ୍ରୀ ଅମିତ ଶାହା ହରେନ ପାଣ୍ଡ୍ୟାଙ୍କ ଭଳି ତାଙ୍କ ଅବସ୍ଥା କରିପାରନ୍ତି ।

Published: Monday, October 31, 2022, 15:55 [IST]

ନୂଆଦିଲ୍ଲୀ : ନିଜ ହତ୍ୟାକୁ ନେଇ ବିଜେପି ନେତା ତଥା ପୂର୍ବତନ ସାଂସଦ ସୁବ୍ରମଣ୍ୟମ ସ୍ୱାମୀ ଆଶ୍ଚର୍ଯ୍ୟଜନକ ଦାବି କରିଛନ୍ତି । ସୁବ୍ରମଣ୍ୟମ ସ୍ୱାମୀ ଏକ ଟ୍ୱିଟ୍ କରି ଦାବି କରିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଗୃହମନ୍ତ୍ରୀ ଅମିତ ଶାହା ହରେନ ପାଣ୍ଡ୍ୟାଙ୍କ ଭଳି ତାଙ୍କ ଅବସ୍ଥା କରିପାରନ୍ତି । ପୂର୍ବତନ କେନ୍ଦ୍ର ମନ୍ତ୍ରୀ ଲେଖିଛନ୍ତି, ମୁଁ ଆଶା କରୁଛି ମୋଦୀ ଏବଂ ଶାହା ମୋ ଉପରେ ହରେନ ପାଣ୍ଡ୍ୟା ଭଳି ଯୋଜନା କରୁନଥିବେ ।

ସୁବ୍ରମଣ୍ୟମ ସ୍ୱାମୀ ଟ୍ୱିଟ୍ କରି ଲେଖିଛନ୍ତି ଯେ ମୁଁ ଆଶା କରୁଛି ମୋଦୀ ଏବଂ ଶାହା ହରେନ ପାଣ୍ଡ୍ୟା ପରି ମୋ ବିରୋଧରେ ଯୋଜନା କରୁନଥିବେ । କିନ୍ତୁ ଯଦି ଏପରି ହେବ ତେବେ ମୋର ବନ୍ଧୁମାନଙ୍କୁ ସତର୍କ କରିବାକୁ ପଡିପାରେ । ମନେରଖନ୍ତୁ, ଯିଏ ମୋ ସହ ଯେପରି କରେ, ମୁଁ ତାଙ୍କୁ ସେହିଭଳି ଜବାବ ଦିଏ । ମୋଦୀ ଏବଂ ଶାହାଙ୍କ ବିରୋଧରେ ସ୍ୱାମୀ ଗମ୍ଭୀର ଅଭିଯୋଗ ଆଣିବା ଏହା ପ୍ରଥମ ଘଟଣା ନୁହେଁ । ସେ ମୋଦୀ ସରକାରଙ୍କ ନିଷ୍ପତ୍ତିକୁ ବହୁବାର ସମାଲୋଚନା କରିଛନ୍ତି ।

ଏହା ପରେ ସୁବ୍ରମଣ୍ୟମ ସ୍ୱାମୀ ମଧ୍ୟ ଜଣେ ଟ୍ୱିଟର ବ୍ୟବହାରକାରୀଙ୍କ ଟ୍ୱିଟକୁ ରିଟ୍ୱିଟ କରିଛନ୍ତି । ଯେଉଁଥିରେ ବ୍ୟକ୍ତି ସୁବ୍ରମଣ୍ୟମ ସ୍ୱାମୀଙ୍କୁ କହିଥିଲେ ଯେ, ସାର୍ ଦୟାକରି ଏକ ସୁରକ୍ଷିତ ସ୍ଥାନକୁ ଚାଲି ଯାଆନ୍ତୁ । ହରେନ୍ ପାଣ୍ଡ୍ୟାଙ୍କ ସହିତ କ'ଣ ହୋଇଥିଲା ତାହା ଆମେ ସମସ୍ତେ ଜାଣୁ । ମୋଦୀ-ଶାହା ଆପଣଙ୍କୁ ମାରିବାକୁ ଯୋଜନା କରୁଛନ୍ତି । ଆଶା କରୁଛି କୋର୍ଟ ଆପଣଙ୍କୁ ସାହାଯ୍ୟ କରିବେ ।

କଣ ଥିଲା ହରେନ୍ ପାଣ୍ଡ୍ୟା ମାମଲା

ହରେନ ପାଣ୍ଡ୍ୟା ଗୁଜରାଟର ପୂର୍ବତନ ଗୃହମନ୍ତ୍ରୀ ଥିଲେ । 26 ମାର୍ଚ୍ଚ 2003 ରେ, ପାଣ୍ଡ୍ୟାଙ୍କୁ ଦୁଇଜଣ ଅଜ୍ଞାତ ଆକ୍ରମଣକାରୀ ହତ୍ୟା କରିଥିଲେ । ଅହମ୍ମଦାବାଦ ଲ' ଗାର୍ଡେନ୍ ରେ ପ୍ରାତଃ ଭ୍ରମଣ ସମୟରେ ଗୁଳିମାଡ଼ ହୋଇଥିଲା । ତାଙ୍କ ମୃତଦେହ ତାଙ୍କ କାରରେ ଦୁଇ ଘଣ୍ଟା ଧରି ପଡ଼ି ରହିଥିଲା । ଏହି ହତ୍ୟାକାଣ୍ଡ ପାଇଁ ଗୁଜୁରାଟର ତତ୍କାଳୀନ ମୁଖ୍ୟମନ୍ତ୍ରୀ ନରେନ୍ଦ୍ର ମୋଦୀଙ୍କ ବିରୋଧରେ ହରେନ ପାଣ୍ଡ୍ୟାଙ୍କ ପିତା ଅଭିଯୋଗ ଆଣିଥିଲେ । ମୋଦୀ ମୁଖ୍ୟମନ୍ତ୍ରୀ ହେବା ପରେ ନରେନ୍ଦ୍ର ମୋଦୀ ଏବଂ ହରେନ ପାଣ୍ଡ୍ୟାଙ୍କ ମଧ୍ୟରେ ବିବାଦ ଲାଗିରହିଥିଲା ।

Published On October 31, 2022