ସ୍ୱାସ୍ଥ୍ୟ ପରୀକ୍ଷା କରିବାକୁ ବିଦେଶ ଯିବେ ଗାନ୍ଧୀ ପରିବାର
ସ୍ୱାସ୍ଥ୍ୟ ପରୀକ୍ଷା ନିମନ୍ତେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ବିଦେଶ ଗସ୍ତରେ ଯିବେ ବୋଲି ମଙ୍ଗଳବାର ଦିନ କଂଗ୍ରେସ ପାର୍ଟି କହିଛି । ତାଙ୍କ ସାଥିରେ ରାହୁଲ୍ ଗାନ୍ଧୀ ଓ ପ୍ରିୟଙ୍କା ଗାନ୍ଧୀ ଭଦ୍ରା ମଧ୍ୟ ଯିବେ ।
ନୂଆଦିଲ୍ଲୀ : ସ୍ୱାସ୍ଥ୍ୟ ପରୀକ୍ଷା ନିମନ୍ତେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ବିଦେଶ ଗସ୍ତରେ ଯିବେ ବୋଲି ମଙ୍ଗଳବାର ଦିନ କଂଗ୍ରେସ ପାର୍ଟି କହିଛି । ତାଙ୍କ ସାଥିରେ ରାହୁଲ୍ ଗାନ୍ଧୀ ଓ ପ୍ରିୟଙ୍କା ଗାନ୍ଧୀ ଭଦ୍ରା ମଧ୍ୟ ଯିବେ । କିନ୍ତୁ, କେଉଁ ଦିନ ଓ ସ୍ଥାନକୁ ସେମାନେ ଗସ୍ତ କରିବେ ସେ ନେଇ ଦଳ କୌଣସି ସୂଚନା ଦେଇନାହିଁ ।
ଦଳ ପକ୍ଷରୁ ଏକ ବୟାନରେ କଂଗ୍ରେସର ସାଧାରଣ ସଚିବ ଜୟରାମ ରମେଶ କହିଛନ୍ତି, ଡାକ୍ତରୀ ପରୀକ୍ଷା ନିମନ୍ତେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ବିଦେଶ ଗସ୍ତରେ ଯିବେ ଏବଂ ଦିଲ୍ଲୀକୁ ଫେରିବା ଆଗରୁ ସେ ତାଙ୍କ ଅସୁସ୍ଥ ମାଆଙ୍କୁ ମଧ୍ୟ ଭେଟିବାକୁ ଯିବେ ।
କିନ୍ତୁ ରାହୁଲ ଗାନ୍ଧୀ ସେପ୍ଟେମ୍ବର 4 ତାରିଖରେ କଂଗ୍ରେସର 'ମହଙ୍ଗାଇ ପର୍ ହାଲ୍ଲାବୋଲ' ରାଲିକୁ ଉଦ୍ବୋଧନ ଦେବାର କାର୍ଯ୍ୟକ୍ରମ ରହିଛି ବୋଲି ସେ କହିଛନ୍ତି ।
ଆପଣଙ୍କୁ କହି ରଖୁଛୁ, କଂଗ୍ରେସ ସେପ୍ଟେମ୍ବର 7 ରେ କନ୍ୟାକୁମାରୀରୁ କାଶ୍ମୀର ପର୍ଯ୍ୟନ୍ତ 'ଭାରତ ଯୋଡ଼ ଯାତ୍ରା' ଆରମ୍ଭ କରିବ । ଏନେଇ ପ୍ରସ୍ତୁତି କରୁଥିବା ବେଳେ ଗାନ୍ଧୀ ପରିବାର ବିଦେଶ ଗସ୍ତରେ ବାହାରୁଛନ୍ତି ।ଏହା ବ୍ୟତୀତ ଆଗକୁ ଦଳର ଅଧ୍ୟକ୍ଷ ନିର୍ବାଚନ ମଧ୍ୟ ହେବାର ଅଛି, ଯାହା ଲାଗି ଚଳିତ ସପ୍ତାହରେ ତାରିଖ ଧାର୍ଯ୍ୟ କରାଯାଇପାରେ ।
Click it and Unblock the Notifications
Sign in with Google