ଉତ୍ତରପ୍ରଦେଶ ନିର୍ବାଚନ 2022 : ସମାଜବାଦୀ ପାର୍ଟିରେ ସାମିଲ ହେଲେ ବିଏସପିରୁ ବହିଷ୍କୃତ 6 ବିଧାୟକ ସମେତ ବିଜେପି ବିଧାୟକ

ବହୁଜନ ସମାଜବାଦୀ ପାର୍ଟି (ବିଏସପି) ରୁ ବହିଷ୍କୃତ 6 ଜଣ ବିଧାୟକ ସମାଜବାଦୀ ପାର୍ଟି (ଏସପି) ରେ ଯୋଗ ଦେଇଛନ୍ତି । ଏହି 6 ଜଣ ବିଧାୟକଙ୍କୁ ଅଖିଳେଶ ଯାଦବ ଦଳର ସଦସ୍ୟତା ଦେଇଛନ୍ତି ।

ଲକ୍ଷ୍ନୌ : 2022 ତ୍ତରପ୍ରଦେଶ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଆଉ ମାତ୍ର କିଛି ମାସ ବାକି ଅଛି । ଏହି ସମୟରେ ସମସ୍ତ ରାଜନୈତିକ ଦଳ ନିଜ ନିଜର ପ୍ରସ୍ତୁତି ଆରମ୍ଭ କରିଦେଇଛନ୍ତି । ଏହା ବ୍ୟତୀତ ନେତା ମାନଙ୍କର ଦଳବଦଳ ପ୍ରକ୍ରିୟା ମଧ୍ୟ ଆରମ୍ଭ ହୋଇଯାଇଛି ।

ଏଭଳି ପରିସ୍ଥିତିରେ ବହୁଜନ ସମାଜବାଦୀ ପାର୍ଟି (ବିଏସପି) ରୁ ବହିଷ୍କୃତ 6 ଜଣ ବିଧାୟକ ସମାଜବାଦୀ ପାର୍ଟି (ଏସପି) ରେ ଯୋଗ ଦେଇଛନ୍ତି । ଏହି 6 ଜଣ ବିଧାୟକଙ୍କୁ ଅଖିଳେଶ ଯାଦବ ଦଳର ସଦସ୍ୟତା ଦେଇଛନ୍ତି । ଏହି ବିଧାୟକମାନେ ଅଖିଳେଶ ଯାଦବଙ୍କ ସହ ଦୀର୍ଘ ସମୟ ଧରି ଯୋଗାଯୋଗରେ ଥିଲେ । ଏଥି ସହ ଜଣେ ବିଜେପି ବିଧାୟକ ମଧ୍ୟ ଏସପି ସଦସ୍ୟତା ଗ୍ରହଣ କରିଛନ୍ତି ।

ଆମେ ଆପଣଙ୍କୁ କହି ରଖୁଛୁ ଯେ ବିଏସପିରୁ ବିତାଡିତ ହୋଇଥିବା ବିଧାୟକ ହରଗୋବିନ୍ଦ ଭାର୍ଗଭ, ମୁଜତାବା ସିଦ୍ଦିକି, ହାକିମ ଲାଲ ବିନ୍ଦ, ଅସଲମ ରାଇନୀ, ସୁଷମା ପଟେଲ, ଅସଲମ ଚୌଧୁରୀ ଏବଂ ସୀତାପୁର ସଦରର ବିଜେପି ବିଧାୟକ ରାକେଶ ରାଠୋର ଦଳର ସଭାପତି ଅଖିଳେଶ ଯାଦବଙ୍କ ଉପସ୍ଥିତିରେ ସମାଜବାଦୀ ପାର୍ଟିରେ ଯୋଗ ଦେଇଛନ୍ତି । ଅଖିଳେଶ ଯାଦବ ବିଏସପି ଏବଂ ବିଜେପିରୁ ବିଧାୟକମାନଙ୍କୁ ଏସପି କାର୍ଯ୍ୟାଳୟରେ ସ୍ୱାଗତ କରିବା ସହ ସେମାନଙ୍କୁ ଦଳର ସଦସ୍ୟତା ପ୍ରଦାନ କରିଥିଲେ । ଏହି ଅବସରରେ ଅଖିଳେଶ ଯାଦବ କହିଛନ୍ତି ଯେ ଅନେକ ଲୋକ ଅଛନ୍ତି ଯେଉଁମାନେ ଏସପିରେ ଯୋଗଦେବାକୁ ଚାହୁଁଛନ୍ତି ।

ଅଖିଳେଶ କହିଛନ୍ତି, ଏହି ନିର୍ବାଚନରେ ବିଜେପି ସଫା ହେବା ନିଶ୍ଚିତ । ସେ ବିଜେପିର ମନିଫେଷ୍ଟୋ ପଢି କହିଛନ୍ତି ଯେ କୃଷକମାନଙ୍କୁ ଦିଆଯାଇଥିବା ପ୍ରତିଶ୍ରୁତି ମଧ୍ୟ ବିଜେପି ପୂରଣ କରି ନାହିଁ । ନା ତାଙ୍କ ଆୟ ଦ୍ୱିଗୁଣିତ ହେଲା, ନା ତାଙ୍କ ଜୀବନରେ ଉନ୍ନତି ଆଣିବାକୁ ଉଦ୍ୟମ ହେଲା । ଅଖିଳେଶ ଆହୁରି କହିଛନ୍ତି ଯେ ସରକାରଙ୍କ ବିରୋଧରେ ଲୋକଙ୍କ ମଧ୍ୟରେ ଅସନ୍ତୋଷ ରହିଛି । ମୁଦ୍ରାସ୍ଫୀତି ବହୁତ ବୃଦ୍ଧି ପାଉଛି । ବିଜେପିର ଲୋକମାନେ ପନ୍ନା ପ୍ରମୂଖ ତିଆରି କରନ୍ତି ଏବଂ ସେମାନଙ୍କର ମନିଫେଷ୍ଟର ପୃଷ୍ଠା ଦେଖିବାକୁ ଭୁଲିଯାଆନ୍ତି । ବର୍ତ୍ତମାନ ପର୍ଯ୍ୟନ୍ତ ଆମେ ପିଲାମାନଙ୍କୁ ଲାପଟପ୍ ଏବଂ ଟାବଲେଟ୍ ଦେବାରେ ସକ୍ଷମ ହୋଇ ନାହୁଁ । ଏଥି ସହ ପ୍ରଗତିଶୀଳ ସମାଜବାଦୀ ପାର୍ଟି ସଭାପତି ଶିବପାଲ ସିଂ ଯାଦବଙ୍କ ବିଷୟରେ ଅଖିଳେଶ କହିଛନ୍ତି ଯେ ତାଙ୍କ ସମ୍ମାନ ରଖାଯିବ । ସେ ମଧ୍ୟ ଆମ ସହିତ ରହିବେ ।

English summary

Six Suspended BSP MLA Along With One BJP MLA Joined SP