"ବିଜେପି ସହ ଗଠବନ୍ଧନ କରି 25 ବର୍ଷ ବରବାଦ୍ ହୋଇଛି" - ଶିବସେନା ମୁଖ୍ୟ ଉଦ୍ଧବ ଠାକରେ
ଉଦ୍ଧବ ଠାକରେ କହିଛନ୍ତି ଯେ ମୁଁ ଦୁଃଖିତ ଯେ 25 ବର୍ଷ ପାଇଁ ଆମେ ବନ୍ଧୁ ଥିଲୁ, ଆମେ ସେମାନଙ୍କୁ ପ୍ରତିପୋଷଣ କରିଥିଲୁ, ଏହାର ପ୍ରତିବଦଳରେ କିଛି ପାଇଲୁ ନାହିଁ, ତେଣୁ ବିଜେପି ସହ ଆମର ଗଠବନ୍ଧନ ସମ୍ପୂର୍ଣ୍ଣ ସମୟର ବରବାଦ ।
ମୁମ୍ବାଇ : ମହାରାଷ୍ଟ୍ର ମୁଖ୍ୟମନ୍ତ୍ରୀ ତଥା ଶିବସେନା ମୁଖ୍ୟ ଉଦ୍ଧବ ଠାକରେ ଭାରତୀୟ ଜନତା ପାର୍ଟି ଉପରେ ବଡ଼ ଆକ୍ରମଣ କରିଛନ୍ତି । ଶିବସେନା ପ୍ରତିଷ୍ଠାତା ତଥା ତାଙ୍କ ପିତା ବାଲାସାହେବ ଠାକରେଙ୍କ 96 ତମ ଜନ୍ମ ବାର୍ଷିକୀ ଅବସରରେ ଉଦ୍ଧବ ଠାକରେ ପାର୍ଟି କର୍ମୀଙ୍କୁ ସମ୍ବୋଧିତ କରିଥିଲେ । ଏହି ସମୟରେ ସେ ବିଜେପି ଉପରେ କଡ଼ା ଆକ୍ରମଣ କରିଥିଲେ । ଉଦ୍ଧବ ଠାକରେ କହିଛନ୍ତି ଯେ ଶିବସେନା ବିଜେପି ସହ ମେଣ୍ଟ କରି 25 ବର୍ଷ ନଷ୍ଟ କରିଛି ।
ଉଦ୍ଧବ ଠାକରେ ଆହୁରି କହିଛନ୍ତି ଯେ ମୁଁ ଦୁଃଖିତ ଯେ 25 ବର୍ଷ ପାଇଁ ଆମେ ବନ୍ଧୁ ଥିଲୁ, ଆମେ ସେମାନଙ୍କୁ ପ୍ରତିପୋଷଣ କରିଥିଲୁ, ଏହାର ପ୍ରତିବଦଳରେ କିଛି ପାଇଲୁ ନାହିଁ, ତେଣୁ ବିଜେପି ସହ ଆମର ଗଠବନ୍ଧନ ସମ୍ପୂର୍ଣ୍ଣ ସମୟର ବରବାଦ ।
ଆପଣଙ୍କୁ କହି ରଖୁଛୁ ଶିବସେନା ଏବଂ ବିଜେପି ପ୍ରାୟ 25-30 ବର୍ଷ ଧରି ଏକାଠି ଥିଲେ । କେନ୍ଦ୍ର ହେଉ କିମ୍ବା ରାଜ୍ୟ ନିର୍ବାଚନ ଏହି ଦୁଇ ଦଳ ଏକାଠି ରହୁଥିଲେ, ମାତ୍ର 2 ବର୍ଷ ପୂର୍ବେ ମହାରାଷ୍ଟ୍ର ବିଧାନସଭା ନିର୍ବାଚନ ପୂର୍ବରୁ ମୁଖ୍ୟମନ୍ତ୍ରୀ ଆସନ ପାଇଁ ଏହି ଗଠବନ୍ଧନ ଭାଙ୍ଗି ଯାଇଥିଲା ।
ଆମେ ଆପଣଙ୍କୁ କହିରଖୁଛୁ ଯେବେଠାରୁ ଶିବସେନା ବିଜେପି ଛାଡି କଂଗ୍ରେସ ଏବଂ ଏନସିପି ସହ ମହାରାଷ୍ଟ୍ରରେ ସରକାର ଗଠନ କରିଆସୁଛନ୍ତି, ସେବେ ଠାରୁ ଶିବସେନା ନିଜର ଆଦର୍ଶରୁ ବାହାରି ଯାଇଥିବା ଅଭିଯୋଗ ହେଉଛି । ଏହି ପ୍ରଶ୍ନଗୁଡ଼ିକ ଉପରେ ଉଦ୍ଧବ ଠାକରେ କହିଛନ୍ତି ଯେ ଶିବସେନା ହିନ୍ଦୁତ୍ୱ ଷ୍ଟାଣ୍ଡ ଛାଡି ନାହିଁ । ଠାକରେ ଆହୁରି କହିଛନ୍ତି ଯେ ଆମେ ହିନ୍ଦୁତ୍ୱ ପାଇଁ କ୍ଷମତା ଚାହୁଁଥିଲୁ, କିନ୍ତୁ ହିନ୍ଦୁତ୍ୱ ମାଧ୍ୟମରେ ବିଜେପି କ୍ଷମତା ପାଏ, ବିଜେପିର ହିନ୍ଦୁତ୍ୱ କେବଳ ଦେଖାଇବା ପାଇଁ, ବିଜେପି ହିନ୍ଦୁତ୍ୱର ନକଲି ଛବି ଧରିଛି । ଉଦ୍ଧବ କହିଛନ୍ତି ଯେ ଯେଉଁମାନେ ଆମକୁ ପଚାରନ୍ତି ଯେ ଆମେ ହିନ୍ଦୁତ୍ୱ ଛାଡିଛୁ କି ନାହିଁ, ଏହାର ଉତ୍ତର ହେଉଛି ଯେ ଆମେ ହିନ୍ଦୁତ୍ୱ ନୁହେଁ, ବିଜେପିକୁ ଛାଡିଛୁ ।
Click it and Unblock the Notifications
Sign in with Google